Languages

Work 4 · Passage 7

Work 4 · Passage 7

Plato

Greek

ΦΑΙ. περὶ μὲν τῶν ἐμῶν πραγμάτων ἐπίστασαι, καὶ ὡς νομίζω συμφέρειν ἡμῖν γενομένων τούτων ἀκήκοας· ἀξιῶ δὲ μὴ διὰ τοῦτο ἀτυχῆσαι ὧν δέομαι, ὅτι οὐκ ἐραστὴς ὤν σου τυγχάνω. ὡς ἐκείνοις μὲν τότε μεταμέλει ὧν ἂν εὖ ποιήσωσιν, ἐπειδὰν τῆς ἐπιθυμίας παύσωνται· τοῖς δὲ οὐκ ἔστι χρόνος ἐν ᾧ μεταγνῶναι προσήκει. οὐ γὰρ ὑπʼ ἀνάγκης ἀλλʼ ἑκόντες, ὡς ἂν ἄριστα περὶ τῶν οἰκείων βουλεύσαιντο, πρὸς τὴν δύναμιν τὴν αὑτῶν εὖ ποιοῦσιν. ἔτι δὲ οἱ μὲν ἐρῶντες σκοποῦσιν ἅ τε κακῶς διέθεντο τῶν αὑτῶν διὰ τὸν ἔρωτα καὶ ἃ πεποιήκασιν εὖ, καὶ ὃν εἶχον πόνον προστιθέντες ἡγοῦνται πάλαι τὴν ἀξίαν ἀποδεδωκέναι χάριν τοῖς ἐρωμένοις· τοῖς δὲ μὴ ἐρῶσιν οὔτε τὴν τῶν οἰκείων ἀμέλειαν διὰ τοῦτο ἔστιν προφασίζεσθαι, οὔτε τοὺς παρεληλυθότας πόνους ὑπολογίζεσθαι, οὔτε τὰς πρὸς τοὺς προσήκοντας διαφορὰς αἰτιάσασθαι· ὥστε περιῃρημένων τοσούτων κακῶν οὐδὲν ὑπολείπεται ἀλλʼ ἢ ποιεῖν προθύμως ὅτι ἂν αὐτοῖς οἴωνται πράξαντες χαριεῖσθαι. ἔτι δὲ εἰ διὰ τοῦτο ἄξιον τοὺς ἐρῶντας περὶ πολλοῦ ποιεῖσθαι, ὅτι τούτους μάλιστά φασιν φιλεῖν ὧν ἂν ἐρῶσιν, καὶ ἕτοιμοί εἰσι καὶ ἐκ τῶν λόγων καὶ ἐκ τῶν ἔργων τοῖς ἄλλοις ἀπεχθανόμενοι τοῖς ἐρωμένοις χαρίζεσθαι, ῥᾴδιον γνῶναι, εἰ ἀληθῆ λέγουσιν, ὅτι ὅσων ἂν ὕστερον ἐρασθῶσιν, ἐκείνους αὐτῶν περὶ πλείονος ποιήσονται, καὶ δῆλον ὅτι, ἐὰν ἐκείνοις δοκῇ, καὶ τούτους κακῶς ποιήσουσιν. καίτοι πῶς εἰκός ἐστι τοιοῦτον πρᾶγμα προέσθαι τοιαύτην ἔχοντι συμφοράν, ἣν οὐδʼ ἂν ἐπιχειρήσειεν οὐδεὶς ἔμπειρος ὢν ἀποτρέπειν; καὶ γὰρ αὐτοὶ ὁμολογοῦσι νοσεῖν μᾶλλον ἢ σωφρονεῖν, καὶ εἰδέναι ὅτι κακῶς φρονοῦσιν, ἀλλʼ οὐ δύνασθαι αὑτῶν κρατεῖν· ὥστε πῶς ἂν εὖ φρονήσαντες ταῦτα καλῶς ἔχειν ἡγήσαιντο περὶ ὧν οὕτω διακείμενοι βουλεύονται; καὶ μὲν δὴ εἰ μὲν ἐκ τῶν ἐρώντων τὸν βέλτιστον αἱροῖο, ἐξ ὀλίγων ἄν σοι ἡ ἔκλεξις εἴη· εἰ δʼ ἐκ τῶν ἄλλων τὸν σαυτῷ ἐπιτηδειότατον, ἐκ πολλῶν

Transliteration

PHAI. peri men tōn emōn pragmatōn epistasai, kai hōs nomizō sympherein hēmin genomenōn toutōn akēkoas axiō de mē dia touto atychēsai hōn deomai, hoti ouk erastēs ōn sou tynchanō. hōs ekeinois men tote metamelei hōn an eu poiēsōsin, epeidan tēs epithymias pausōntai tois de ouk esti chronos en hō metagnōnai prosēkei. ou gar hypʼ anankēs allʼ hekontes, hōs an arista peri tōn oikeiōn bouleusainto, pros tēn dynamin tēn hautōn eu poiousin. eti de hoi men erōntes skopousin ha te kakōs diethento tōn hautōn dia ton erōta kai ha pepoiēkasin eu, kai hon eichon ponon prostithentes hēgountai palai tēn axian apodedōkenai charin tois erōmenois tois de mē erōsin oute tēn tōn oikeiōn ameleian dia touto estin prophasizesthai, oute tous parelēlythotas ponous hypologizesthai, oute tas pros tous prosēkontas diaphoras aitiasasthai hōste periērēmenōn tosoutōn kakōn ouden hypoleipetai allʼ ē poiein prothymōs hoti an autois oiōntai praxantes charieisthai. eti de ei dia touto axion tous erōntas peri pollou poieisthai, hoti toutoys malista phasin philein hōn an erōsin, kai hetoimoi eisi kai ek tōn logōn kai ek tōn ergōn tois allois apechthanomenoi tois erōmenois charizesthai, rhadion gnōnai, ei alēthē legousin, hoti hosōn an hysteron erasthōsin, ekeinous autōn peri pleionos poiēsontai, kai dēlon hoti, ean ekeinois dokē, kai toutoys kakōs poiēsousin. kaitoi pōs eikos esti toiouton pragma proesthai toiautēn echonti symphoran, hēn oudʼ an epicheirēseien oudeis empeiros ōn apotrepein; kai gar autoi homologousi nosein mallon ē sōphronein, kai eidenai hoti kakōs phronousin, allʼ ou dynasthai hautōn kratein hōste pōs an eu phronēsantes tauta kalōs echein hēgēsainto peri hōn houtō diakeimenoi bouleuontai; kai men dē ei men ek tōn erōntōn ton beltiston hairoio, ex oligōn an soi hē eklexis eiē ei dʼ ek tōn allōn ton sautō epitēdeiotaton, ek pollōn

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 231 part 1; transliteration: greek-transliteration (build)

Share X Facebook