Languages

Work 4 · Passage 85

Work 4 · Passage 85

Plato

Greek

ΣΩ. οὐ γὰρ δὴ ἄρα, ὦ Τεισία, φασὶν οἱ σοφώτεροι ἡμῶν, ὁμοδούλοις δεῖ χαρίζεσθαι μελετᾶν τὸν νοῦν ἔχοντα, ὅτι μὴ πάρεργον, ἀλλὰ δεσπόταις ἀγαθοῖς τε καὶ ἐξ ἀγαθῶν. ὥστʼ εἰ μακρὰ ἡ περίοδος, μὴ θαυμάσῃς· μεγάλων γὰρ ἕνεκα περιιτέον, οὐχ ὡς σὺ δοκεῖς. ἔσται μήν, ὡς ὁ λόγος φησίν, ἐάν τις ἐθέλῃ, καὶ ταῦτα κάλλιστα ἐξ ἐκείνων γιγνόμενα. ΦΑΙ. παγκάλως ἔμοιγε δοκεῖ λέγεσθαι, ὦ Σώκρατες, εἴπερ οἷός τέ τις εἴη. ΣΩ. ἀλλὰ καὶ ἐπιχειροῦντί τοι τοῖς καλοῖς καλὸν καὶ πάσχειν ὅτι ἄν τῳ συμβῇ παθεῖν. ΦΑΙ. καὶ μάλα. ΣΩ. οὐκοῦν τὸ μὲν τέχνης τε καὶ ἀτεχνίας λόγων πέρι ἱκανῶς ἐχέτω. ΦΑΙ. τί μήν; ΣΩ. τὸ δʼ εὐπρεπείας δὴ γραφῆς πέρι καὶ ἀπρεπείας, πῇ γιγνόμενον καλῶς ἂν ἔχοι καὶ ὅπῃ ἀπρεπῶς, λοιπόν. ἦ γάρ; ΦΑΙ. ναί. ΣΩ. οἶσθʼ οὖν ὅπῃ μάλιστα θεῷ χαριῇ λόγων πέρι πράττων ἢ λέγων; ΦΑΙ. οὐδαμῶς· σὺ δέ; ΣΩ. ἀκοήν γʼ ἔχω λέγειν τῶν προτέρων, τὸ δʼ ἀληθὲς αὐτοὶ ἴσασιν. εἰ δὲ τοῦτο εὕροιμεν αὐτοί, ἆρά γʼ ἂν ἔθʼ ἡμῖν μέλοι τι τῶν ἀνθρωπίνων δοξασμάτων; ΦΑΙ. γελοῖον ἤρου· ἀλλʼ ἃ φῂς ἀκηκοέναι λέγε. ΣΩ. ἤκουσα τοίνυν περὶ Ναύκρατιν τῆς Αἰγύπτου γενέσθαι τῶν ἐκεῖ παλαιῶν τινα θεῶν, οὗ καὶ τὸ ὄρνεον ἱερὸν ὃ δὴ καλοῦσιν Ἶβιν· αὐτῷ δὲ ὄνομα τῷ δαίμονι εἶναι Θεύθ. τοῦτον δὴ πρῶτον ἀριθμόν τε καὶ λογισμὸν εὑρεῖν καὶ γεωμετρίαν καὶ ἀστρονομίαν, ἔτι δὲ πεττείας τε καὶ κυβείας, καὶ δὴ καὶ γράμματα. βασιλέως δʼ αὖ τότε ὄντος Αἰγύπτου ὅλης Θαμοῦ περὶ τὴν μεγάλην πόλιν τοῦ ἄνω τόπου ἣν οἱ Ἕλληνες Αἰγυπτίας Θήβας καλοῦσι, καὶ τὸν θεὸν Ἄμμωνα, παρὰ τοῦτον ἐλθὼν ὁ Θεὺθ τὰς τέχνας ἐπέδειξεν, καὶ ἔφη δεῖν διαδοθῆναι τοῖς ἄλλοις Αἰγυπτίοις· ὁ δὲ ἤρετο ἥντινα ἑκάστη ἔχοι ὠφελίαν, διεξιόντος δέ, ὅτι καλῶς ἢ μὴ καλῶς δοκοῖ λέγειν, τὸ μὲν ἔψεγεν, τὸ δʼ ἐπῄνει. πολλὰ μὲν δὴ περὶ ἑκάστης τῆς τέχνης ἐπʼ ἀμφότερα Θαμοῦν τῷ Θεὺθ λέγεται ἀποφήνασθαι, ἃ λόγος πολὺς ἂν εἴη διελθεῖν

Transliteration

SŌ. ou gar dē ara, ō Teisia, phasin hoi sophōteroi hēmōn, homodoulois dei charizesthai meletan ton noun echonta, hoti mē parergon, alla despotais agathois te kai ex agathōn. hōstʼ ei makra hē periodos, mē thaumasēs megalōn gar heneka periiteon, ouch hōs sy dokeis. estai mēn, hōs ho logos phēsin, ean tis ethelē, kai tauta kallista ex ekeinōn gignomena. PHAI. pankalōs emoige dokei legesthai, ō Sōkrates, eiper hoios te tis eiē. SŌ. alla kai epicheirounti toi tois kalois kalon kai paschein hoti an tō symbē pathein. PHAI. kai mala. SŌ. oukoyn to men technēs te kai atechnias logōn peri hikanōs echetō. PHAI. ti mēn; SŌ. to dʼ euprepeias dē graphēs peri kai aprepeias, pē gignomenon kalōs an echoi kai hopē aprepōs, loipon. ē gar; PHAI. nai. SŌ. oisthʼ oun hopē malista theō chariē logōn peri prattōn ē legōn; PHAI. oudamōs sy de; SŌ. akoēn gʼ echō legein tōn proterōn, to dʼ alēthes autoi isasin. ei de touto heuroimen autoi, ara gʼ an ethʼ hēmin meloi ti tōn anthrōpinōn doxasmatōn; PHAI. geloion ērou allʼ ha phēs akēkoenai lege. SŌ. ēkousa toinyn peri Naukratin tēs Aigyptou genesthai tōn ekei palaiōn tina theōn, hou kai to orneon hieron ho dē kalousin Ibin autō de onoma tō daimoni einai THeuth. touton dē prōton arithmon te kai logismon heurein kai geōmetrian kai astronomian, eti de petteias te kai kybeias, kai dē kai grammata. basileōs dʼ au tote ontos Aigyptou holēs THamou peri tēn megalēn polin tou anō topou hēn hoi hEllēnes Aigyptias THēbas kalousi, kai ton theon Ammōna, para touton elthōn ho THeuth tas technas epedeixen, kai ephē dein diadothēnai tois allois Aigyptiois ho de ēreto hēntina hekastē echoi ōphelian, diexiontos de, hoti kalōs ē mē kalōs dokoi legein, to men epsegen, to dʼ epēnei. polla men dē peri hekastēs tēs technēs epʼ amphotera THamoun tō THeuth legetai apophēnasthai, ha logos polys an eiē dielthein

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 274 part 1; transliteration: greek-transliteration (build)

Share X Facebook