Languages

Work 4 · Passage 87

Work 4 · Passage 87

Plato

Greek

ΣΩ. ὁ δʼ εἶπεν· ὦ τεχνικώτατε Θεύθ, ἄλλος μὲν τεκεῖν δυνατὸς τὰ τέχνης, ἄλλος δὲ κρῖναι τίνʼ ἔχει μοῖραν βλάβης τε καὶ ὠφελίας τοῖς μέλλουσι χρῆσθαι· καὶ νῦν σύ, πατὴρ ὢν γραμμάτων, διʼ εὔνοιαν τοὐναντίον εἶπες ἢ δύναται. τοῦτο γὰρ τῶν μαθόντων λήθην μὲν ἐν ψυχαῖς παρέξει μνήμης ἀμελετησίᾳ, ἅτε διὰ πίστιν γραφῆς ἔξωθεν ὑπʼ ἀλλοτρίων τύπων, οὐκ ἔνδοθεν αὐτοὺς ὑφʼ αὑτῶν ἀναμιμνῃσκομένους· οὔκουν μνήμης ἀλλὰ ὑπομνήσεως φάρμακον ηὗρες. σοφίας δὲ τοῖς μαθηταῖς δόξαν, οὐκ ἀλήθειαν πορίζεις· πολυήκοοι γάρ σοι γενόμενοι ἄνευ διδαχῆς πολυγνώμονες εἶναι δόξουσιν, ἀγνώμονες ὡς ἐπὶ τὸ πλῆθος ὄντες, καὶ χαλεποὶ συνεῖναι, δοξόσοφοι γεγονότες ἀντὶ σοφῶν. ΦΑΙ. ὦ Σώκρατες, ῥᾳδίως σὺ Αἰγυπτίους καὶ ὁποδαποὺς ἂν ἐθέλῃς λόγους ποιεῖς. ΣΩ. οἱ δέ γʼ, ὦ φίλε, ἐν τῷ τοῦ Διὸς τοῦ Δωδωναίου ἱερῷ δρυὸς λόγους ἔφησαν μαντικοὺς πρώτους γενέσθαι. τοῖς μὲν οὖν τότε, ἅτε οὐκ οὖσι σοφοῖς ὥσπερ ὑμεῖς οἱ νέοι, ἀπέχρη δρυὸς καὶ πέτρας ἀκούειν ὑπʼ εὐηθείας, εἰ μόνον ἀληθῆ λέγοιεν· σοὶ δʼ ἴσως διαφέρει τίς ὁ λέγων καὶ ποδαπός. οὐ γὰρ ἐκεῖνο μόνον σκοπεῖς, εἴτε οὕτως εἴτε ἄλλως ἔχει; ΦΑΙ. ὀρθῶς ἐπέπληξας, καί μοι δοκεῖ περὶ γραμμάτων ἔχειν ᾗπερ ὁ Θηβαῖος λέγει. ΣΩ. οὐκοῦν ὁ τέχνην οἰόμενος ἐν γράμμασι καταλιπεῖν, καὶ αὖ ὁ παραδεχόμενος ὥς τι σαφὲς καὶ βέβαιον ἐκ γραμμάτων ἐσόμενον, πολλῆς ἂν εὐηθείας γέμοι καὶ τῷ ὄντι τὴν Ἄμμωνος μαντείαν ἀγνοοῖ, πλέον τι οἰόμενος εἶναι λόγους γεγραμμένους τοῦ τὸν εἰδότα ὑπομνῆσαι περὶ ὧν ἂν ᾖ τὰ γεγραμμένα. ΦΑΙ. ὀρθότατα. ΣΩ. δεινὸν γάρ που, ὦ Φαῖδρε, τοῦτʼ ἔχει γραφή, καὶ ὡς ἀληθῶς ὅμοιον ζωγραφίᾳ. καὶ γὰρ τὰ ἐκείνης ἔκγονα ἕστηκε μὲν ὡς ζῶντα, ἐὰν δʼ ἀνέρῃ τι, σεμνῶς πάνυ σιγᾷ. ταὐτὸν δὲ καὶ οἱ λόγοι

Transliteration

SŌ. ho dʼ eipen ō technikōtate THeuth, allos men tekein dynatos ta technēs, allos de krinai tinʼ echei moiran blabēs te kai ōphelias tois mellousi chrēsthai kai nyn sy, patēr ōn grammatōn, diʼ eunoian tounantion eipes ē dynatai. touto gar tōn mathontōn lēthēn men en psychais parexei mnēmēs ameletēsia, hate dia pistin graphēs exōthen hypʼ allotriōn typōn, ouk endothen autous hyphʼ hautōn anamimnēskomenous oukoyn mnēmēs alla hypomnēseōs pharmakon hēures. sophias de tois mathētais doxan, ouk alētheian porizeis polyēkooi gar soi genomenoi aneu didachēs polygnōmones einai doxousin, agnōmones hōs epi to plēthos ontes, kai chalepoi syneinai, doxosophoi gegonotes anti sophōn. PHAI. ō Sōkrates, rhadiōs sy Aigyptious kai hopodapous an ethelēs logous poieis. SŌ. hoi de gʼ, ō phile, en tō tou Dios tou Dōdōnaiou hierō dryos logous ephēsan mantikous prōtous genesthai. tois men oun tote, hate ouk ousi sophois hōsper hymeis hoi neoi, apechrē dryos kai petras akouein hypʼ euētheias, ei monon alēthē legoien soi dʼ isōs diapherei tis ho legōn kai podapos. ou gar ekeino monon skopeis, eite houtōs eite allōs echei; PHAI. orthōs epeplēxas, kai moi dokei peri grammatōn echein hēper ho THēbaios legei. SŌ. oukoyn ho technēn oiomenos en grammasi katalipein, kai au ho paradechomenos hōs ti saphes kai bebaion ek grammatōn esomenon, pollēs an euētheias gemoi kai tō onti tēn Ammōnos manteian agnooi, pleon ti oiomenos einai logous gegrammenous tou ton eidota hypomnēsai peri hōn an ē ta gegrammena. PHAI. orthotata. SŌ. deinon gar pou, ō PHaidre, toutʼ echei graphē, kai hōs alēthōs homoion zōgraphia. kai gar ta ekeinēs ekgona hestēke men hōs zōnta, ean dʼ anerē ti, semnōs pany siga. tauton de kai hoi logoi

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 275 part 1; transliteration: greek-transliteration (build)

Share X Facebook