Languages

Work 4 · Passage 92

Work 4 · Passage 92

Plato

Greek

ΣΩ. ὁ δέ γε ἐν μὲν τῷ γεγραμμένῳ λόγῳ περὶ ἑκάστου παιδιάν τε ἡγούμενος πολλὴν ἀναγκαῖον εἶναι, καὶ οὐδένα πώποτε λόγον ἐν μέτρῳ οὐδʼ ἄνευ μέτρου μεγάλης ἄξιον σπουδῆς γραφῆναι, οὐδὲ λεχθῆναι ὡς οἱ ῥαψῳδούμενοι ἄνευ ἀνακρίσεως καὶ διδαχῆς πειθοῦς ἕνεκα ἐλέχθησαν, ἀλλὰ τῷ ὄντι αὐτῶν τοὺς βελτίστους εἰδότων ὑπόμνησιν γεγονέναι, ἐν δὲ τοῖς διδασκομένοις καὶ μαθήσεως χάριν λεγομένοις καὶ τῷ ὄντι γραφομένοις ἐν ψυχῇ περὶ δικαίων τε καὶ καλῶν καὶ ἀγαθῶν μόνοις ἡγούμενος τό τε ἐναργὲς εἶναι καὶ τέλεον καὶ ἄξιον σπουδῆς· δεῖν δὲ τοὺς τοιούτους λόγους αὑτοῦ λέγεσθαι οἷον ὑεῖς γνησίους εἶναι, πρῶτον μὲν τὸν ἐν αὑτῷ, ἐὰν εὑρεθεὶς ἐνῇ, ἔπειτα εἴ τινες τούτου ἔκγονοί τε καὶ ἀδελφοὶ ἅμα ἐν ἄλλαισιν ἄλλων ψυχαῖς κατʼ ἀξίαν ἐνέφυσαν· τοὺς δὲ ἄλλους χαίρειν ἐῶν—οὗτος δὲ ὁ τοιοῦτος ἀνὴρ κινδυνεύει, ὦ Φαῖδρε, εἶναι οἷον ἐγώ τε καὶ σὺ εὐξαίμεθʼ ἂν σέ τε καὶ ἐμὲ γενέσθαι. ΦΑΙ. παντάπασι μὲν οὖν ἔγωγε βούλομαί τε καὶ εὔχομαι ἃ λέγεις. ΣΩ. οὐκοῦν ἤδη πεπαίσθω μετρίως ἡμῖν τὰ περὶ λόγων· καὶ σύ τε ἐλθὼν φράζε Λυσίᾳ ὅτι νὼ καταβάντε ἐς τὸ Νυμφῶν νᾶμά τε καὶ μουσεῖον ἠκούσαμεν λόγων, οἳ ἐπέστελλον λέγειν Λυσίᾳ τε καὶ εἴ τις ἄλλος συντίθησι λόγους, καὶ Ὁμήρῳ καὶ εἴ τις ἄλλος αὖ ποίησιν ψιλὴν ἢ ἐν ᾠδῇ συντέθηκε, τρίτον δὲ Σόλωνι καὶ ὅστις ἐν πολιτικοῖς λόγοις νόμους ὀνομάζων συγγράμματα ἔγραψεν· εἰ μὲν εἰδὼς ᾗ τὸ ἀληθὲς ἔχει συνέθηκε ταῦτα, καὶ ἔχων βοηθεῖν, εἰς ἔλεγχον ἰὼν περὶ ὧν ἔγραψε, καὶ λέγων αὐτὸς δυνατὸς τὰ γεγραμμένα φαῦλα ἀποδεῖξαι, οὔ τι τῶνδε ἐπωνυμίαν ἔχοντα δεῖ λέγεσθαι τὸν τοιοῦτον, ἀλλʼ ἐφʼ οἷς ἐσπούδακεν ἐκείνων. ΦΑΙ. τίνας οὖν τὰς ἐπωνυμίας αὐτῷ νέμεις; ΣΩ. τὸ μὲν σοφόν, ὦ Φαῖδρε, καλεῖν ἔμοιγε μέγα εἶναι δοκεῖ καὶ θεῷ μόνῳ πρέπειν

Transliteration

SŌ. ho de ge en men tō gegrammenō logō peri hekastou paidian te hēgoumenos pollēn anankaion einai, kai oudena pōpote logon en metrō oudʼ aneu metrou megalēs axion spoudēs graphēnai, oude lechthēnai hōs hoi rhapsōdoumenoi aneu anakriseōs kai didachēs peithous heneka elechthēsan, alla tō onti autōn tous beltistous eidotōn hypomnēsin gegonenai, en de tois didaskomenois kai mathēseōs charin legomenois kai tō onti graphomenois en psychē peri dikaiōn te kai kalōn kai agathōn monois hēgoumenos to te enarges einai kai teleon kai axion spoudēs dein de tous toioutoys logous hautou legesthai hoion hyeis gnēsious einai, prōton men ton en hautō, ean heuretheis enē, epeita ei tines toutoy ekgonoi te kai adelphoi hama en allaisin allōn psychais katʼ axian enephysan tous de allous chairein heōn—outos de ho toioutos anēr kindyneuei, ō PHaidre, einai hoion egō te kai sy euxaimethʼ an se te kai eme genesthai. PHAI. pantapasi men oun egōge boulomai te kai euchomai ha legeis. SŌ. oukoyn ēdē pepaisthō metriōs hēmin ta peri logōn kai sy te elthōn phraze Lysia hoti nō katabante es to Nymphōn nama te kai mouseion ēkousamen logōn, hoi epestellon legein Lysia te kai ei tis allos syntithēsi logous, kai hOmērō kai ei tis allos au poiēsin psilēn ē en ōdē syntethēke, triton de Solōni kai hostis en politikois logois nomous onomazōn syngrammata egrapsen ei men eidōs hē to alēthes echei synethēke tauta, kai echōn boēthein, eis elenchon iōn peri hōn egrapse, kai legōn autos dynatos ta gegrammena phaula apodeixai, ou ti tōnde epōnymian echonta dei legesthai ton toiouton, allʼ ephʼ hois espoudaken ekeinōn. PHAI. tinas oun tas epōnymias autō nemeis; SŌ. to men sophon, ō PHaidre, kalein emoige mega einai dokei kai theō monō prepein

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 278 part 1; transliteration: greek-transliteration (build)

Share X Facebook