Languages

Work 5 · Passage 12

Work 5 · Passage 12

Plato

Greek

ΣΩ. τί δʼ; ἐπίπεδον καλεῖς τι, καὶ ἕτερον αὖ στερεόν, οἷον ταῦτα τὰ ἐν ταῖς γεωμετρίαις; ΜΕΝ. ἔγωγε καλῶ. ΣΩ. ἤδη τοίνυν ἂν μάθοις μου ἐκ τούτων σχῆμα ὃ λέγω. κατὰ γὰρ παντὸς σχήματος τοῦτο λέγω, εἰς ὃ τὸ στερεὸν περαίνει, τοῦτʼ εἶναι σχῆμα· ὅπερ ἂν συλλαβὼν εἴποιμι στερεοῦ πέρας σχῆμα εἶναι. ΜΕΝ. τὸ δὲ χρῶμα τί λέγεις, ὦ Σώκρατες; ΣΩ. ὑβριστής γʼ εἶ, ὦ Μένων· ἀνδρὶ πρεσβύτῃ πράγματα προστάττεις ἀποκρίνεσθαι, αὐτὸς δὲ οὐκ ἐθέλεις ἀναμνησθεὶς εἰπεῖν ὅτι ποτε λέγει Γοργίας ἀρετὴν εἶναι. ΜΕΝ. ἀλλʼ ἐπειδάν μοι σὺ τοῦτʼ εἴπῃς, ὦ Σώκρατες, ἐρῶ σοι. ΣΩ. κἂν κατακεκαλυμμένος τις γνοίη, ὦ Μένων, διαλεγομένου σου, ὅτι καλὸς εἶ καὶ ἐρασταί σοι ἔτι εἰσίν. ΜΕΝ. τί δή; ΣΩ. ὅτι οὐδὲν ἀλλʼ ἢ ἐπιτάττεις ἐν τοῖς λόγοις, ὅπερ ποιοῦσιν οἱ τρυφῶντες, ἅτε τυραννεύοντες ἕως ἂν ἐν ὥρᾳ ὦσιν, καὶ ἅμα ἐμοῦ ἴσως κατέγνωκας ὅτι εἰμὶ ἥττων τῶν καλῶν· χαριοῦμαι οὖν σοι καὶ ἀποκρινοῦμαι. ΜΕΝ. πάνυ μὲν οὖν χάρισαι. ΣΩ. βούλει οὖν σοι κατὰ Γοργίαν ἀποκρίνωμαι, ᾗ ἂν σὺ μάλιστα ἀκολουθήσαις; ΜΕΝ. βούλομαι· πῶς γὰρ οὔ; ΣΩ. οὐκοῦν λέγετε ἀπορροάς τινας τῶν ὄντων κατὰ Ἐμπεδοκλέα; ΜΕΝ. σφόδρα γε. ΣΩ. καὶ πόρους εἰς οὓς καὶ διʼ ὧν αἱ ἀπορροαὶ πορεύονται; ΜΕΝ. πάνυ γε. ΣΩ. καὶ τῶν ἀπορροῶν τὰς μὲν ἁρμόττειν ἐνίοις τῶν πόρων, τὰς δὲ ἐλάττους ἢ μείζους εἶναι; ΜΕΝ. ἔστι ταῦτα. ΣΩ. οὐκοῦν καὶ ὄψιν καλεῖς τι; ΜΕΝ. ἔγωγε. ΣΩ. ἐκ τούτων δὴ σύνες ὅ τοι λέγω, ἔφη Πίνδαρος. ἔστιν γὰρ χρόα ἀπορροὴ σχημάτων ὄψει σύμμετρος καὶ αἰσθητός. ΜΕΝ. ἄριστά μοι δοκεῖς, ὦ Σώκρατες, ταύτην τὴν ἀπόκρισιν εἰρηκέναι. ΣΩ. ἴσως γάρ σοι κατὰ συνήθειαν εἴρηται

Transliteration

SŌ. ti dʼ; epipedon kaleis ti, kai heteron au stereon, hoion tauta ta en tais geōmetriais; MEN. egōge kalō. SŌ. ēdē toinyn an mathois mou ek toutōn schēma ho legō. kata gar pantos schēmatos touto legō, eis ho to stereon perainei, toutʼ einai schēma hoper an syllabōn eipoimi stereou peras schēma einai. MEN. to de chrōma ti legeis, ō Sōkrates; SŌ. hybristēs gʼ ei, ō Menōn andri presbytē pragmata prostatteis apokrinesthai, autos de ouk etheleis anamnēstheis eipein hoti pote legei Gorgias aretēn einai. MEN. allʼ epeidan moi sy toutʼ eipēs, ō Sōkrates, erō soi. SŌ. kan katakekalymmenos tis gnoiē, ō Menōn, dialegomenou sou, hoti kalos ei kai erastai soi eti eisin. MEN. ti dē; SŌ. hoti ouden allʼ ē epitatteis en tois logois, hoper poiousin hoi tryphōntes, hate tyranneuontes heōs an en hōra ōsin, kai hama emou isōs kategnōkas hoti eimi hēttōn tōn kalōn charioumai oun soi kai apokrinoumai. MEN. pany men oun charisai. SŌ. boulei oun soi kata Gorgian apokrinōmai, hē an sy malista akolouthēsais; MEN. boulomai pōs gar ou; SŌ. oukoyn legete aporrhoas tinas tōn ontōn kata Empedoklea; MEN. sphodra ge. SŌ. kai porous eis hous kai diʼ hōn hai aporrhoai poreuontai; MEN. pany ge. SŌ. kai tōn aporrhoōn tas men harmottein eniois tōn porōn, tas de elattous ē meizous einai; MEN. esti tauta. SŌ. oukoyn kai opsin kaleis ti; MEN. egōge. SŌ. ek toutōn dē synes ho toi legō, ephē Pindaros. estin gar chroa aporrhoē schēmatōn opsei symmetros kai aisthētos. MEN. arista moi dokeis, ō Sōkrates, tautēn tēn apokrisin eirēkenai. SŌ. isōs gar soi kata synētheian eirētai

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 76 part 1; transliteration: greek-transliteration (build)

Share X Facebook