Languages

Work 5 · Passage 14

Work 5 · Passage 14

Plato

Greek

ΜΕΝ. ἀλλὰ περιμένοιμʼ ἄν, ὦ Σώκρατες, εἴ μοι πολλὰ τοιαῦτα λέγοις. ΣΩ. ἀλλὰ μὴν προθυμίας γε οὐδὲν ἀπολείψω, καὶ σοῦ ἕνεκα καὶ ἐμαυτοῦ, λέγων τοιαῦτα· ἀλλʼ ὅπως μὴ οὐχ οἷός τʼ ἔσομαι πολλὰ τοιαῦτα λέγειν. ἀλλʼ ἴθι δὴ πειρῶ καὶ σὺ ἐμοὶ τὴν ὑπόσχεσιν ἀποδοῦναι, κατὰ ὅλου εἰπὼν ἀρετῆς πέρι ὅτι ἐστίν, καὶ παῦσαι πολλὰ ποιῶν ἐκ τοῦ ἑνός, ὅπερ φασὶ τοὺς συντρίβοντάς τι ἑκάστοτε οἱ σκώπτοντες, ἀλλὰ ἐάσας ὅλην καὶ ὑγιῆ εἰπὲ τί ἐστιν ἀρετή. τὰ δέ γε παραδείγματα παρʼ ἐμοῦ εἴληφας. ΜΕΝ. δοκεῖ τοίνυν μοι, ὦ Σώκρατες, ἀρετὴ εἶναι, καθάπερ ὁ ποιητὴς λέγει, χαίρειν τε καλοῖσι καὶ δύνασθαι· καὶ ἐγὼ τοῦτο λέγω ἀρετήν, ἐπιθυμοῦντα τῶν καλῶν δυνατὸν εἶναι πορίζεσθαι. ΣΩ. ἆρα λέγεις τὸν τῶν καλῶν ἐπιθυμοῦντα ἀγαθῶν ἐπιθυμητὴν εἶναι; ΜΕΝ. μάλιστά γε. ΣΩ. ἆρα ὡς ὄντων τινῶν οἳ τῶν κακῶν ἐπιθυμοῦσιν, ἑτέρων δὲ οἳ τῶν ἀγαθῶν; οὐ πάντες, ὤριστε, δοκοῦσί σοι τῶν ἀγαθῶν ἐπιθυμεῖν; ΜΕΝ. οὐκ ἔμοιγε. ΣΩ. ἀλλά τινες τῶν κακῶν; ΜΕΝ. ναί. ΣΩ. οἰόμενοι τὰ κακὰ ἀγαθὰ εἶναι, λέγεις, ἢ καὶ γιγνώσκοντες ὅτι κακά ἐστιν ὅμως ἐπιθυμοῦσιν αὐτῶν; ΜΕΝ. ἀμφότερα ἔμοιγε δοκοῦσιν. ΣΩ. ἦ γὰρ δοκεῖ τίς σοι, ὦ Μένων, γιγνώσκων τὰ κακὰ ὅτι κακά ἐστιν ὅμως ἐπιθυμεῖν αὐτῶν; ΜΕΝ. μάλιστα. ΣΩ. τί ἐπιθυμεῖν λέγεις; ἦ γενέσθαι αὐτῷ; ΜΕΝ. γενέσθαι· τί γὰρ ἄλλο; ΣΩ. πότερον ἡγούμενος τὰ κακὰ ὠφελεῖν ἐκεῖνον ᾧ ἂν γένηται, ἢ γιγνώσκων τὰ κακὰ ὅτι βλάπτει ᾧ ἂν παρῇ; ΜΕΝ. εἰσὶ μὲν οἳ ἡγούμενοι τὰ κακὰ ὠφελεῖν, εἰσὶν δὲ καὶ οἳ γιγνώσκοντες ὅτι βλάπτει. ΣΩ. ἦ καὶ δοκοῦσί σοι γιγνώσκειν τὰ κακὰ ὅτι κακά ἐστιν οἱ ἡγούμενοι τὰ κακὰ ὠφελεῖν; ΜΕΝ. οὐ πάνυ μοι δοκεῖ τοῦτό γε. ΣΩ. οὐκοῦν δῆλον ὅτι οὗτοι μὲν οὐ τῶν κακῶν ἐπιθυμοῦσιν, οἱ ἀγνοοῦντες αὐτά, ἀλλὰ ἐκείνων ἃ ᾤοντο ἀγαθὰ εἶναι, ἔστιν δὲ ταῦτά γε κακά

Transliteration

MEN. alla perimenoimʼ an, ō Sōkrates, ei moi polla toiauta legois. SŌ. alla mēn prothymias ge ouden apoleipsō, kai sou heneka kai emautou, legōn toiauta allʼ hopōs mē ouch hoios tʼ esomai polla toiauta legein. allʼ ithi dē peirō kai sy emoi tēn hyposchesin apodounai, kata holou eipōn aretēs peri hoti estin, kai pausai polla poiōn ek tou henos, hoper phasi tous syntribontas ti hekastote hoi skōptontes, alla easas holēn kai hygiē eipe ti estin aretē. ta de ge paradeigmata parʼ emou eilēphas. MEN. dokei toinyn moi, ō Sōkrates, aretē einai, kathaper ho poiētēs legei, chairein te kaloisi kai dynasthai kai egō touto legō aretēn, epithymounta tōn kalōn dynaton einai porizesthai. SŌ. ara legeis ton tōn kalōn epithymounta agathōn epithymētēn einai; MEN. malista ge. SŌ. ara hōs ontōn tinōn hoi tōn kakōn epithymousin, heterōn de hoi tōn agathōn; ou pantes, ōriste, dokousi soi tōn agathōn epithymein; MEN. ouk emoige. SŌ. alla tines tōn kakōn; MEN. nai. SŌ. oiomenoi ta kaka agatha einai, legeis, ē kai gignōskontes hoti kaka estin homōs epithymousin autōn; MEN. amphotera emoige dokousin. SŌ. ē gar dokei tis soi, ō Menōn, gignōskōn ta kaka hoti kaka estin homōs epithymein autōn; MEN. malista. SŌ. ti epithymein legeis; ē genesthai autō; MEN. genesthai ti gar allo; SŌ. poteron hēgoumenos ta kaka ōphelein ekeinon hō an genētai, ē gignōskōn ta kaka hoti blaptei hō an parē; MEN. eisi men hoi hēgoumenoi ta kaka ōphelein, eisin de kai hoi gignōskontes hoti blaptei. SŌ. ē kai dokousi soi gignōskein ta kaka hoti kaka estin hoi hēgoumenoi ta kaka ōphelein; MEN. ou pany moi dokei touto ge. SŌ. oukoyn dēlon hoti houtoi men ou tōn kakōn epithymousin, hoi agnoountes auta, alla ekeinōn ha ōonto agatha einai, estin de tauta ge kaka

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 77 part 1; transliteration: greek-transliteration (build)

Share X Facebook