Work 5 · Passage 16
Plato
Greek
ΜΕΝ. ἀνάγκη. ΣΩ. ἀλλὰ τοὺς βλαπτομένους οὗτοι οὐκ οἴονται ἀθλίους εἶναι καθʼ ὅσον βλάπτονται; ΜΕΝ. καὶ τοῦτο ἀνάγκη. ΣΩ. τοὺς δὲ ἀθλίους οὐ κακοδαίμονας; ΜΕΝ. οἶμαι ἔγωγε. ΣΩ. ἔστιν οὖν ὅστις βούλεται ἄθλιος καὶ κακοδαίμων εἶναι; ΜΕΝ. οὔ μοι δοκεῖ, ὦ Σώκρατες. ΣΩ. οὐκ ἄρα βούλεται, ὦ Μένων, τὰ κακὰ οὐδείς, εἴπερ μὴ βούλεται τοιοῦτος εἶναι. τί γὰρ ἄλλο ἐστὶν ἄθλιον εἶναι ἢ ἐπιθυμεῖν τε τῶν κακῶν καὶ κτᾶσθαι; ΜΕΝ. κινδυνεύεις ἀληθῆ λέγειν, ὦ Σώκρατες· καὶ οὐδεὶς βούλεσθαι τὰ κακά. ΣΩ. οὐκοῦν νυνδὴ ἔλεγες ὅτι ἔστιν ἡ ἀρετὴ βούλεσθαί τε τἀγαθὰ καὶ δύνασθαι; ΜΕΝ. εἶπον γάρ. ΣΩ. οὐκοῦν τοῦ λεχθέντος τὸ μὲν βούλεσθαι πᾶσιν ὑπάρχει, καὶ ταύτῃ γε οὐδὲν ὁ ἕτερος τοῦ ἑτέρου βελτίων; ΜΕΝ. φαίνεται. ΣΩ. ἀλλὰ δῆλον ὅτι εἴπερ ἐστὶ βελτίων ἄλλος ἄλλου, κατὰ τὸ δύνασθαι ἂν εἴη ἀμείνων. ΜΕΝ. πάνυ γε. ΣΩ. τοῦτʼ ἔστιν ἄρα, ὡς ἔοικε, κατὰ τὸν σὸν λόγον ἀρετή, δύναμις τοῦ πορίζεσθαι τἀγαθά. ΜΕΝ. παντάπασί μοι δοκεῖ, ὦ Σώκρατες, οὕτως ἔχειν ὡς σὺ νῦν ὑπολαμβάνεις. ΣΩ. ἴδωμεν δὴ καὶ τοῦτο εἰ ἀληθὲς λέγεις· ἴσως γὰρ ἂν εὖ λέγοις. τἀγαθὰ φῂς οἷόν τʼ εἶναι πορίζεσθαι ἀρετὴν εἶναι; ΜΕΝ. ἔγωγε. ΣΩ. ἀγαθὰ δὲ καλεῖς οὐχὶ οἷον ὑγίειάν τε καὶ πλοῦτον; ΜΕΝ. καὶ χρυσίον λέγω καὶ ἀργύριον κτᾶσθαι καὶ τιμὰς ἐν πόλει καὶ ἀρχάς. ΣΩ. μὴ ἄλλʼ ἄττα λέγεις τἀγαθὰ ἢ τὰ τοιαῦτα; ΜΕΝ. οὔκ, ἀλλὰ πάντα λέγω τὰ τοιαῦτα. ΣΩ. εἶεν· χρυσίον δὲ δὴ καὶ ἀργύριον πορίζεσθαι ἀρετή ἐστιν, ὥς φησι Μένων ὁ τοῦ μεγάλου βασιλέως πατρικὸς ξένος. πότερον προστιθεῖς τούτῳ τῷ πόρῳ, ὦ Μένων, τὸ δικαίως καὶ ὁσίως, ἢ οὐδέν σοι διαφέρει, ἀλλὰ κἂν ἀδίκως τις αὐτὰ πορίζηται, ὁμοίως σὺ αὐτὰ ἀρετὴν καλεῖς; ΜΕΝ. οὐ δήπου, ὦ Σώκρατες. ΣΩ. ἀλλὰ κακίαν. ΜΕΝ. πάντως δήπου. ΣΩ. δεῖ ἄρα, ὡς ἔοικε, τούτῳ τῷ πόρῳ δικαιοσύνην ἢ σωφροσύνην ἢ ὁσιότητα προσεῖναι, ἢ ἄλλο τι μόριον ἀρετῆς
Transliteration
MEN. anankē. SŌ. alla tous blaptomenous houtoi ouk oiontai athlious einai kathʼ hoson blaptontai; MEN. kai touto anankē. SŌ. tous de athlious ou kakodaimonas; MEN. oimai egōge. SŌ. estin oun hostis bouletai athlios kai kakodaimōn einai; MEN. ou moi dokei, ō Sōkrates. SŌ. ouk ara bouletai, ō Menōn, ta kaka oudeis, eiper mē bouletai toioutos einai. ti gar allo estin athlion einai ē epithymein te tōn kakōn kai ktasthai; MEN. kindyneueis alēthē legein, ō Sōkrates kai oudeis boulesthai ta kaka. SŌ. oukoyn nyndē eleges hoti estin hē aretē boulesthai te tagatha kai dynasthai; MEN. eipon gar. SŌ. oukoyn tou lechthentos to men boulesthai pasin hyparchei, kai tautē ge ouden ho heteros tou heterou beltiōn; MEN. phainetai. SŌ. alla dēlon hoti eiper esti beltiōn allos allou, kata to dynasthai an eiē ameinōn. MEN. pany ge. SŌ. toutʼ estin ara, hōs eoike, kata ton son logon aretē, dynamis tou porizesthai tagatha. MEN. pantapasi moi dokei, ō Sōkrates, houtōs echein hōs sy nyn hypolambaneis. SŌ. idōmen dē kai touto ei alēthes legeis isōs gar an eu legois. tagatha phēs hoion tʼ einai porizesthai aretēn einai; MEN. egōge. SŌ. agatha de kaleis ouchi hoion hygieian te kai plouton; MEN. kai chrysion legō kai argyrion ktasthai kai timas en polei kai archas. SŌ. mē allʼ atta legeis tagatha ē ta toiauta; MEN. ouk, alla panta legō ta toiauta. SŌ. eien chrysion de dē kai argyrion porizesthai aretē estin, hōs phēsi Menōn ho tou megalou basileōs patrikos xenos. poteron prostitheis toutō tō porō, ō Menōn, to dikaiōs kai hosiōs, ē ouden soi diapherei, alla kan adikōs tis auta porizētai, homoiōs sy auta aretēn kaleis; MEN. ou dēpou, ō Sōkrates. SŌ. alla kakian. MEN. pantōs dēpou. SŌ. dei ara, hōs eoike, toutō tō porō dikaiosynēn ē sōphrosynēn ē hosiotēta proseinai, ē allo ti morion aretēs
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 78 part 1; transliteration: greek-transliteration (build)