Languages

Work 5 · Passage 18

Work 5 · Passage 18

Plato

Greek

ΣΩ. οὐδὲν ἄρα μᾶλλον ὁ πόρος τῶν τοιούτων ἀγαθῶν ἢ ἡ ἀπορία ἀρετὴ ἂν εἴη, ἀλλά, ὡς ἔοικεν, ὃ μὲν ἂν μετὰ δικαιοσύνης γίγνηται, ἀρετὴ ἔσται, ὃ δʼ ἂν ἄνευ πάντων τῶν τοιούτων, κακία. ΜΕΝ. δοκεῖ μοι ἀναγκαῖον εἶναι ὡς λέγεις. ΣΩ. οὐκοῦν τούτων ἕκαστον ὀλίγον πρότερον μόριον ἀρετῆς ἔφαμεν εἶναι, τὴν δικαιοσύνην καὶ σωφροσύνην καὶ πάντα τὰ τοιαῦτα; ΜΕΝ. ναί. ΣΩ. εἶτα, ὦ Μένων, παίζεις πρός με; ΜΕΝ. τί δή, ὦ Σώκρατες; ΣΩ. ὅτι ἄρτι ἐμοῦ δεηθέντος σου μὴ καταγνύναι μηδὲ κερματίζειν τὴν ἀρετήν, καὶ δόντος παραδείγματα καθʼ ἃ δέοι ἀποκρίνεσθαι, τούτου μὲν ἠμέλησας, λέγεις δέ μοι ὅτι ἀρετή ἐστιν οἷόν τʼ εἶναι τἀγαθὰ πορίζεσθαι μετὰ δικαιοσύνης· τοῦτο δὲ φῂς μόριον ἀρετῆς εἶναι; ΜΕΝ. ἔγωγε. ΣΩ. οὐκοῦν συμβαίνει ἐξ ὧν σὺ ὁμολογεῖς, τὸ μετὰ μορίου ἀρετῆς πράττειν ὅτι ἂν πράττῃ, τοῦτο ἀρετὴν εἶναι· τὴν γὰρ δικαιοσύνην μόριον φῂς ἀρετῆς εἶναι, καὶ ἕκαστα τούτων. τί οὖν δὴ τοῦτο λέγω; ὅτι ἐμοῦ δεηθέντος ὅλον εἰπεῖν τὴν ἀρετήν, αὐτὴν μὲν πολλοῦ δεῖς εἰπεῖν ὅτι ἐστίν, πᾶσαν δὲ φῂς πρᾶξιν ἀρετὴν εἶναι, ἐάνπερ μετὰ μορίου ἀρετῆς πράττηται, ὥσπερ εἰρηκὼς ὅτι ἀρετή ἐστιν τὸ ὅλον καὶ ἤδη γνωσομένου ἐμοῦ, καὶ ἐὰν σὺ κατακερματίζῃς αὐτὴν κατὰ μόρια. δεῖται οὖν σοι πάλιν ἐξ ἀρχῆς, ὡς ἐμοὶ δοκεῖ, τῆς αὐτῆς ἐρωτήσεως, ὦ φίλε Μένων, τί ἐστιν ἀρετή, εἰ μετὰ μορίου ἀρετῆς πᾶσα πρᾶξις ἀρετὴ ἂν εἴη; τοῦτο γάρ ἐστιν λέγειν, ὅταν λέγῃ τις, ὅτι πᾶσα ἡ μετὰ δικαιοσύνης πρᾶξις ἀρετή ἐστιν. ἢ οὐ δοκεῖ σοι πάλιν δεῖσθαι τῆς αὐτῆς ἐρωτήσεως, ἀλλʼ οἴει τινὰ εἰδέναι μόριον ἀρετῆς ὅτι ἐστίν, αὐτὴν μὴ εἰδότα

Transliteration

SŌ. ouden ara mallon ho poros tōn toioutōn agathōn ē hē aporia aretē an eiē, alla, hōs eoiken, ho men an meta dikaiosynēs gignētai, aretē estai, ho dʼ an aneu pantōn tōn toioutōn, kakia. MEN. dokei moi anankaion einai hōs legeis. SŌ. oukoyn toutōn hekaston oligon proteron morion aretēs ephamen einai, tēn dikaiosynēn kai sōphrosynēn kai panta ta toiauta; MEN. nai. SŌ. eita, ō Menōn, paizeis pros me; MEN. ti dē, ō Sōkrates; SŌ. hoti arti emou deēthentos sou mē katagnynai mēde kermatizein tēn aretēn, kai dontos paradeigmata kathʼ ha deoi apokrinesthai, toutoy men ēmelēsas, legeis de moi hoti aretē estin hoion tʼ einai tagatha porizesthai meta dikaiosynēs touto de phēs morion aretēs einai; MEN. egōge. SŌ. oukoyn symbainei ex hōn sy homologeis, to meta moriou aretēs prattein hoti an prattē, touto aretēn einai tēn gar dikaiosynēn morion phēs aretēs einai, kai hekasta toutōn. ti oun dē touto legō; hoti emou deēthentos holon eipein tēn aretēn, autēn men pollou deis eipein hoti estin, pasan de phēs praxin aretēn einai, eanper meta moriou aretēs prattētai, hōsper eirēkōs hoti aretē estin to holon kai ēdē gnōsomenou emou, kai ean sy katakermatizēs autēn kata moria. deitai oun soi palin ex archēs, hōs emoi dokei, tēs autēs erōtēseōs, ō phile Menōn, ti estin aretē, ei meta moriou aretēs pasa praxis aretē an eiē; touto gar estin legein, hotan legē tis, hoti pasa hē meta dikaiosynēs praxis aretē estin. ē ou dokei soi palin deisthai tēs autēs erōtēseōs, allʼ oiei tina eidenai morion aretēs hoti estin, autēn mē eidota

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 79 part 1; transliteration: greek-transliteration (build)

Share X Facebook