Work 5 · Passage 24
Plato
Greek
ΣΩ. καὶ ἄρτι εἶπον, ὦ Μένων, ὅτι πανοῦργος εἶ, καὶ νῦν ἐρωτᾷς εἰ ἔχω σε διδάξαι, ὃς οὔ φημι διδαχὴν εἶναι ἀλλʼ ἀνάμνησιν, ἵνα δὴ εὐθὺς φαίνωμαι αὐτὸς ἐμαυτῷ τἀναντία λέγων. ΜΕΝ. οὐ μὰ τὸν Δία, ὦ Σώκρατες, οὐ πρὸς τοῦτο βλέψας εἶπον, ἀλλʼ ὑπὸ τοῦ ἔθους· ἀλλʼ εἴ πώς μοι ἔχεις ἐνδείξασθαι ὅτι ἔχει ὥσπερ λέγεις, ἔνδειξαι. ΣΩ. ἀλλʼ ἔστι μὲν οὐ ῥᾴδιον, ὅμως δὲ ἐθέλω προθυμηθῆναι σοῦ ἕνεκα. ἀλλά μοι προσκάλεσον τῶν πολλῶν ἀκολούθων τουτωνὶ τῶν σαυτοῦ ἕνα, ὅντινα βούλει, ἵνα ἐν τούτῳ σοι ἐπιδείξωμαι. ΜΕΝ. πάνυ γε. δεῦρο πρόσελθε. ΣΩ. Ἕλλην μέν ἐστι καὶ ἑλληνίζει; ΜΕΝ. πάνυ γε σφόδρα, οἰκογενής γε. ΣΩ. πρόσεχε δὴ τὸν νοῦν ὁπότερʼ ἄν σοι φαίνηται, ἢ ἀναμιμνῃσκόμενος ἢ μανθάνων παρʼ ἐμοῦ. ΜΕΝ. ἀλλὰ προσέξω. ΣΩ. εἰπὲ δή μοι, ὦ παῖ, γιγνώσκεις τετράγωνον χωρίον ὅτι τοιοῦτόν ἐστιν; ΠΑΙ. ἔγωγε. ΣΩ. ἔστιν οὖν τετράγωνον χωρίον ἴσας ἔχον τὰς γραμμὰς ταύτας πάσας, τέτταρας οὔσας; ΠΑΙ. πάνυ γε. ΣΩ. οὐ καὶ ταυτασὶ τὰς διὰ μέσου ἐστὶν ἴσας ἔχον; ΠΑΙ. ναί. ΣΩ. οὐκοῦν εἴη ἂν τοιοῦτον χωρίον καὶ μεῖζον καὶ ἔλαττον; ΠΑΙ. πάνυ γε. ΣΩ. εἰ οὖν εἴη αὕτη ἡ πλευρὰ δυοῖν ποδοῖν καὶ αὕτη δυοῖν, πόσων ἂν εἴη ποδῶν τὸ ὅλον; ὧδε δὲ σκόπει· εἰ ἦν ταύτῃ δυοῖν ποδοῖν, ταύτῃ δὲ ἑνὸς ποδὸς μόνον, ἄλλο τι ἅπαξ ἂν ἦν δυοῖν ποδοῖν τὸ χωρίον; ΠΑΙ. ναί. ΣΩ. ἐπειδὴ δὲ δυοῖν ποδοῖν καὶ ταύτῃ, ἄλλο τι ἢ δὶς δυοῖν γίγνεται; ΠΑΙ. γίγνεται. ΣΩ. δυοῖν ἄρα δὶς γίγνεται ποδῶν; ΠΑΙ. ναί. ΣΩ. πόσοι οὖν εἰσιν οἱ δύο δὶς πόδες; λογισάμενος εἰπέ. ΠΑΙ. τέτταρες, ὦ Σώκρατες. ΣΩ. οὐκοῦν γένοιτʼ ἂν τούτου τοῦ χωρίου ἕτερον διπλάσιον, τοιοῦτον δέ, ἴσας ἔχον πάσας τὰς γραμμὰς ὥσπερ τοῦτο; ΠΑΙ. ναί. ΣΩ. πόσων οὖν ἔσται ποδῶν; ΠΑΙ. ὀκτώ. ΣΩ. φέρε δή, πειρῶ μοι εἰπεῖν πηλίκη τις ἔσται ἐκείνου ἡ γραμμὴ ἑκάστη. ἡ μὲν γὰρ τοῦδε δυοῖν ποδοῖν
Transliteration
SŌ. kai arti eipon, ō Menōn, hoti panourgos ei, kai nyn erōtas ei echō se didaxai, hos ou phēmi didachēn einai allʼ anamnēsin, hina dē euthys phainōmai autos emautō tanantia legōn. MEN. ou ma ton Dia, ō Sōkrates, ou pros touto blepsas eipon, allʼ hypo tou ethous allʼ ei pōs moi echeis endeixasthai hoti echei hōsper legeis, endeixai. SŌ. allʼ esti men ou rhadion, homōs de ethelō prothymēthēnai sou heneka. alla moi proskaleson tōn pollōn akolouthōn toutōni tōn sautou hena, hontina boulei, hina en toutō soi epideixōmai. MEN. pany ge. deuro proselthe. SŌ. hEllēn men esti kai hellēnizei; MEN. pany ge sphodra, oikogenēs ge. SŌ. proseche dē ton noun hopoterʼ an soi phainētai, ē anamimnēskomenos ē manthanōn parʼ emou. MEN. alla prosexō. SŌ. eipe dē moi, ō pai, gignōskeis tetragōnon chōrion hoti toiouton estin; PAI. egōge. SŌ. estin oun tetragōnon chōrion isas echon tas grammas tautas pasas, tettaras ousas; PAI. pany ge. SŌ. ou kai tautasi tas dia mesou estin isas echon; PAI. nai. SŌ. oukoyn eiē an toiouton chōrion kai meizon kai elatton; PAI. pany ge. SŌ. ei oun eiē hautē hē pleura dyoin podoin kai hautē dyoin, posōn an eiē podōn to holon; hōde de skopei ei ēn tautē dyoin podoin, tautē de henos podos monon, allo ti hapax an ēn dyoin podoin to chōrion; PAI. nai. SŌ. epeidē de dyoin podoin kai tautē, allo ti ē dis dyoin gignetai; PAI. gignetai. SŌ. dyoin ara dis gignetai podōn; PAI. nai. SŌ. posoi oun eisin hoi dyo dis podes; logisamenos eipe. PAI. tettares, ō Sōkrates. SŌ. oukoyn genoitʼ an toutoy tou chōriou heteron diplasion, toiouton de, isas echon pasas tas grammas hōsper touto; PAI. nai. SŌ. posōn oun estai podōn; PAI. oktō. SŌ. phere dē, peirō moi eipein pēlikē tis estai ekeinou hē grammē hekastē. hē men gar toude dyoin podoin
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 82 part 1; transliteration: greek-transliteration (build)