Languages

Work 5 · Passage 32

Work 5 · Passage 32

Plato

Greek

ΣΩ. εἰ δὲ μὴ ἐν τῷ νῦν βίῳ λαβών, οὐκ ἤδη τοῦτο δῆλον, ὅτι ἐν ἄλλῳ τινὶ χρόνῳ εἶχε καὶ ἐμεμαθήκει; ΜΕΝ. φαίνεται. ΣΩ. οὐκοῦν οὗτός γέ ἐστιν ὁ χρόνος ὅτʼ οὐκ ἦν ἄνθρωπος; ΜΕΝ. ναί. ΣΩ. εἰ οὖν ὅν τʼ ἂν ᾖ χρόνον καὶ ὃν ἂν μὴ ᾖ ἄνθρωπος, ἐνέσονται αὐτῷ ἀληθεῖς δόξαι, αἳ ἐρωτήσει ἐπεγερθεῖσαι ἐπιστῆμαι γίγνονται, ἆρʼ οὖν τὸν ἀεὶ χρόνον μεμαθηκυῖα ἔσται ἡ ψυχὴ αὐτοῦ; δῆλον γὰρ ὅτι τὸν πάντα χρόνον ἔστιν ἢ οὐκ ἔστιν ἄνθρωπος. ΜΕΝ. φαίνεται. ΣΩ. οὐκοῦν εἰ ἀεὶ ἡ ἀλήθεια ἡμῖν τῶν ὄντων ἐστὶν ἐν τῇ ψυχῇ, ἀθάνατος ἂν ἡ ψυχὴ εἴη, ὥστε θαρροῦντα χρὴ ὃ μὴ τυγχάνεις ἐπιστάμενος νῦν—τοῦτο δʼ ἐστὶν ὃ μὴ μεμνημένος—ἐπιχειρεῖν ζητεῖν καὶ ἀναμιμνῄσκεσθαι; ΜΕΝ. εὖ μοι δοκεῖς λέγειν, ὦ Σώκρατες, οὐκ οἶδʼ ὅπως. ΣΩ. καὶ γὰρ ἐγὼ ἐμοί, ὦ Μένων. καὶ τὰ μέν γε ἄλλα οὐκ ἂν πάνυ ὑπὲρ τοῦ λόγου διισχυρισαίμην· ὅτι δʼ οἰόμενοι δεῖν ζητεῖν ἃ μή τις οἶδεν βελτίους ἂν εἶμεν καὶ ἀνδρικώτεροι καὶ ἧττον ἀργοὶ ἢ εἰ οἰοίμεθα ἃ μὴ ἐπιστάμεθα μηδὲ δυνατὸν εἶναι εὑρεῖν μηδὲ δεῖν ζητεῖν, περὶ τούτου πάνυ ἂν διαμαχοίμην, εἰ οἷός τε εἴην, καὶ λόγῳ καὶ ἔργῳ. ΜΕΝ. καὶ τοῦτο μέν γε δοκεῖς μοι εὖ λέγειν, ὦ Σώκρατες. ΣΩ. βούλει οὖν, ἐπειδὴ ὁμονοοῦμεν ὅτι ζητητέον περὶ οὗ μή τις οἶδεν, ἐπιχειρήσωμεν κοινῇ ζητεῖν τί ποτʼ ἐστὶν ἀρετή; ΜΕΝ. πάνυ μὲν οὖν. οὐ μέντοι, ὦ Σώκρατες, ἀλλʼ ἔγωγε ἐκεῖνο ἂν ἥδιστα, ὅπερ ἠρόμην τὸ πρῶτον, καὶ σκεψαίμην καὶ ἀκούσαιμι, πότερον ὡς διδακτῷ ὄντι αὐτῷ δεῖ ἐπιχειρεῖν, ἢ ὡς φύσει ἢ ὡς τίνι ποτὲ τρόπῳ παραγιγνομένης τοῖς ἀνθρώποις τῆς ἀρετῆς. ΣΩ. ἀλλʼ εἰ μὲν ἐγὼ ἦρχον, ὦ Μένων, μὴ μόνον ἐμαυτοῦ ἀλλὰ καὶ σοῦ, οὐκ ἂν ἐσκεψάμεθα πρότερον εἴτε διδακτὸν εἴτε οὐ διδακτὸν ἡ ἀρετή, πρὶν ὅτι ἐστὶν πρῶτον ἐζητήσαμεν αὐτό

Transliteration

SŌ. ei de mē en tō nyn biō labōn, ouk ēdē touto dēlon, hoti en allō tini chronō eiche kai ememathēkei; MEN. phainetai. SŌ. oukoyn houtos ge estin ho chronos hotʼ ouk ēn anthrōpos; MEN. nai. SŌ. ei oun hon tʼ an ē chronon kai hon an mē ē anthrōpos, enesontai autō alētheis doxai, hai erōtēsei epegertheisai epistēmai gignontai, arʼ oun ton aei chronon memathēkuia estai hē psychē autou; dēlon gar hoti ton panta chronon estin ē ouk estin anthrōpos. MEN. phainetai. SŌ. oukoyn ei aei hē alētheia hēmin tōn ontōn estin en tē psychē, athanatos an hē psychē eiē, hōste tharrhounta chrē ho mē tynchaneis epistamenos nyn—touto dʼ estin ho mē memnēmenos—epicheirein zētein kai anamimnēskesthai; MEN. eu moi dokeis legein, ō Sōkrates, ouk oidʼ hopōs. SŌ. kai gar egō emoi, ō Menōn. kai ta men ge alla ouk an pany hyper tou logou diischyrisaimēn hoti dʼ oiomenoi dein zētein ha mē tis oiden beltious an eimen kai andrikōteroi kai hētton argoi ē ei oioimetha ha mē epistametha mēde dynaton einai heurein mēde dein zētein, peri toutoy pany an diamachoimēn, ei hoios te eiēn, kai logō kai ergō. MEN. kai touto men ge dokeis moi eu legein, ō Sōkrates. SŌ. boulei oun, epeidē homonooumen hoti zētēteon peri hou mē tis oiden, epicheirēsōmen koinē zētein ti potʼ estin aretē; MEN. pany men oun. ou mentoi, ō Sōkrates, allʼ egōge ekeino an hēdista, hoper ēromēn to prōton, kai skepsaimēn kai akousaimi, poteron hōs didaktō onti autō dei epicheirein, ē hōs physei ē hōs tini pote tropō paragignomenēs tois anthrōpois tēs aretēs. SŌ. allʼ ei men egō ērchon, ō Menōn, mē monon emautou alla kai sou, ouk an eskepsametha proteron eite didakton eite ou didakton hē aretē, prin hoti estin prōton ezētēsamen auto

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 86 part 1; transliteration: greek-transliteration (build)

Share X Facebook