Work 5 · Passage 34
Plato
Greek
ΣΩ. λέγω δὲ τὸ ἐξ ὑποθέσεως ὧδε, ὥσπερ οἱ γεωμέτραι πολλάκις σκοποῦνται, ἐπειδάν τις ἔρηται αὐτούς, οἷον περὶ χωρίου, εἰ οἷόν τε ἐς τόνδε τὸν κύκλον τόδε τὸ χωρίον τρίγωνον ἐνταθῆναι, εἴποι ἄν τις ὅτι οὔπω οἶδα εἰ ἔστιν τοῦτο τοιοῦτον, ἀλλʼ ὥσπερ μέν τινα ὑπόθεσιν προὔργου οἶμαι ἔχειν πρὸς τὸ πρᾶγμα τοιάνδε· εἰ μέν ἐστιν τοῦτο τὸ χωρίον τοιοῦτον οἷον παρὰ τὴν δοθεῖσαν αὐτοῦ γραμμὴν παρατείναντα ἐλλείπειν τοιούτῳ χωρίῳ οἷον ἂν αὐτὸ τὸ παρατεταμένον ᾖ, ἄλλο τι συμβαίνειν μοι δοκεῖ, καὶ ἄλλο αὖ, εἰ ἀδύνατόν ἐστιν ταῦτα παθεῖν. ὑποθέμενος οὖν ἐθέλω εἰπεῖν σοι τὸ συμβαῖνον περὶ τῆς ἐντάσεως αὐτοῦ εἰς τὸν κύκλον, εἴτε ἀδύνατον εἴτε μή. οὕτω δὴ καὶ περὶ ἀρετῆς ἡμεῖς, ἐπειδὴ οὐκ ἴσμεν οὔθʼ ὅτι ἐστὶν οὔθʼ ὁποῖόν τι, ὑποθέμενοι αὐτὸ σκοπῶμεν εἴτε διδακτὸν εἴτε οὐ διδακτόν ἐστιν, ὧδε λέγοντες· εἰ ποῖόν τί ἐστιν τῶν περὶ τὴν ψυχὴν ὄντων ἀρετή, διδακτὸν ἂν εἴη ἢ οὐ διδακτόν; πρῶτον μὲν δὴ εἰ ἔστιν ἀλλοῖον ἢ οἷον ἐπιστήμη, ἆρα διδακτὸν ἢ οὔ, ἢ ὃ νυνδὴ ἐλέγομεν, ἀναμνηστόν—διαφερέτω δὲ μηδὲν ἡμῖν ὁποτέρῳ ἂν τῷ ὀνόματι χρώμεθα—ἀλλʼ ἆρα διδακτόν; ἢ τοῦτό γε παντὶ δῆλον, ὅτι οὐδὲν ἄλλο διδάσκεται ἄνθρωπος ἢ ἐπιστήμην; ΜΕΝ. ἔμοιγε δοκεῖ. ΣΩ. εἰ δέ γʼ ἐστὶν ἐπιστήμη τις ἡ ἀρετή, δῆλον ὅτι διδακτὸν ἂν εἴη. ΜΕΝ. πῶς γὰρ οὔ; ΣΩ. τούτου μὲν ἄρα ταχὺ ἀπηλλάγμεθα, ὅτι τοιοῦδε μὲν ὄντος διδακτόν, τοιοῦδε δʼ οὔ. ΜΕΝ. πάνυ γε. ΣΩ. τὸ δὴ μετὰ τοῦτο, ὡς ἔοικε, δεῖ σκέψασθαι πότερόν ἐστιν ἐπιστήμη ἡ ἀρετὴ ἢ ἀλλοῖον ἐπιστήμης. ΜΕΝ. ἔμοιγε δοκεῖ τοῦτο μετὰ τοῦτο σκεπτέον εἶναι. ΣΩ. τί δὲ δή; ἄλλο τι ἢ ἀγαθὸν αὐτό φαμεν εἶναι τὴν ἀρετήν, καὶ αὕτη ἡ ὑπόθεσις μένει ἡμῖν, ἀγαθὸν αὐτὸ εἶναι; ΜΕΝ. πάνυ μὲν οὖν. ΣΩ. οὐκοῦν εἰ μέν τί ἐστιν ἀγαθὸν καὶ ἄλλο χωριζόμενον ἐπιστήμης, τάχʼ ἂν εἴη ἡ ἀρετὴ οὐκ ἐπιστήμη τις
Transliteration
SŌ. legō de to ex hypotheseōs hōde, hōsper hoi geōmetrai pollakis skopountai, epeidan tis erētai autous, hoion peri chōriou, ei hoion te es tonde ton kyklon tode to chōrion trigōnon entathēnai, eipoi an tis hoti oupō oida ei estin touto toiouton, allʼ hōsper men tina hypothesin prourgoy oimai echein pros to pragma toiande ei men estin touto to chōrion toiouton hoion para tēn dotheisan autou grammēn parateinanta elleipein toioutō chōriō hoion an auto to paratetamenon ē, allo ti symbainein moi dokei, kai allo au, ei adynaton estin tauta pathein. hypothemenos oun ethelō eipein soi to symbainon peri tēs entaseōs autou eis ton kyklon, eite adynaton eite mē. houtō dē kai peri aretēs hēmeis, epeidē ouk ismen outhʼ hoti estin outhʼ hopoion ti, hypothemenoi auto skopōmen eite didakton eite ou didakton estin, hōde legontes ei poion ti estin tōn peri tēn psychēn ontōn aretē, didakton an eiē ē ou didakton; prōton men dē ei estin alloion ē hoion epistēmē, ara didakton ē ou, ē ho nyndē elegomen, anamnēston—diapheretō de mēden hēmin hopoterō an tō onomati chrōmetha—allʼ ara didakton; ē touto ge panti dēlon, hoti ouden allo didasketai anthrōpos ē epistēmēn; MEN. emoige dokei. SŌ. ei de gʼ estin epistēmē tis hē aretē, dēlon hoti didakton an eiē. MEN. pōs gar ou; SŌ. toutoy men ara tachy apēllagmetha, hoti toioude men ontos didakton, toioude dʼ ou. MEN. pany ge. SŌ. to dē meta touto, hōs eoike, dei skepsasthai poteron estin epistēmē hē aretē ē alloion epistēmēs. MEN. emoige dokei touto meta touto skepteon einai. SŌ. ti de dē; allo ti ē agathon auto phamen einai tēn aretēn, kai hautē hē hypothesis menei hēmin, agathon auto einai; MEN. pany men oun. SŌ. oukoyn ei men ti estin agathon kai allo chōrizomenon epistēmēs, tachʼ an eiē hē aretē ouk epistēmē tis
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 87 part 1; transliteration: greek-transliteration (build)