Work 5 · Passage 43
Plato
Greek
ΣΩ. καὶ ἐν ἅπαντι τῷ χρόνῳ τούτῳ ἔτι εἰς τὴν ἡμέραν ταυτηνὶ εὐδοκιμῶν οὐδὲν πέπαυται, καὶ οὐ μόνον Πρωταγόρας, ἀλλὰ καὶ ἄλλοι πάμπολλοι, οἱ μὲν πρότερον γεγονότες ἐκείνου, οἱ δὲ καὶ νῦν ἔτι ὄντες. πότερον δὴ οὖν φῶμεν κατὰ τὸν σὸν λόγον εἰδότας αὐτοὺς ἐξαπατᾶν καὶ λωβᾶσθαι τοὺς νέους, ἢ λεληθέναι καὶ ἑαυτούς; καὶ οὕτω μαίνεσθαι ἀξιώσομεν τούτους, οὓς ἔνιοί φασι σοφωτάτους ἀνθρώπων εἶναι; ΑΝ. πολλοῦ γε δέουσι μαίνεσθαι, ὦ Σώκρατες, ἀλλὰ πολὺ μᾶλλον οἱ τούτοις διδόντες ἀργύριον τῶν νέων, τούτων δʼ ἔτι μᾶλλον οἱ τούτοις ἐπιτρέποντες, οἱ προσήκοντες, πολὺ δὲ μάλιστα πάντων αἱ πόλεις, ἐῶσαι αὐτοὺς εἰσαφικνεῖσθαι καὶ οὐκ ἐξελαύνουσαι, εἴτε τις ξένος ἐπιχειρεῖ τοιοῦτόν τι ποιεῖν εἴτε ἀστός. ΣΩ. πότερον δέ, ὦ Ἄνυτε, ἠδίκηκέ τίς σε τῶν σοφιστῶν, ἢ τί οὕτως αὐτοῖς χαλεπὸς εἶ; ΑΝ. οὐδὲ μὰ Δία ἔγωγε συγγέγονα πώποτε αὐτῶν οὐδενί, οὐδʼ ἂν ἄλλον ἐάσαιμι τῶν ἐμῶν οὐδένα. ΣΩ. ἄπειρος ἄρʼ εἶ παντάπασι τῶν ἀνδρῶν; ΑΝ. καὶ εἴην γε. ΣΩ. πῶς οὖν ἄν, ὦ δαιμόνιε, εἰδείης περὶ τούτου τοῦ πράγματος, εἴτε τι ἀγαθὸν ἔχει ἐν αὑτῷ εἴτε φλαῦρον, οὗ παντάπασιν ἄπειρος εἴης; ΑΝ. ῥᾳδίως· τούτους γοῦν οἶδα οἵ εἰσιν, εἴτʼ οὖν ἄπειρος αὐτῶν εἰμι εἴτε μή. ΣΩ. μάντις εἶ ἴσως, ὦ Ἄνυτε· ἐπεὶ ὅπως γε ἄλλως οἶσθα τούτων πέρι, ἐξ ὧν αὐτὸς λέγεις θαυμάζοιμʼ ἄν. ἀλλὰ γὰρ οὐ τούτους ἐπιζητοῦμεν τίνες εἰσίν, παρʼ οὓς ἂν Μένων ἀφικόμενος μοχθηρὸς γένοιτο—οὗτοι μὲν γάρ, εἰ σὺ βούλει, ἔστων οἱ σοφισταί—ἀλλὰ δὴ ἐκείνους εἰπὲ ἡμῖν, καὶ τὸν πατρικὸν τόνδε ἑταῖρον εὐεργέτησον φράσας αὐτῷ παρὰ τίνας ἀφικόμενος ἐν τοσαύτῃ πόλει τὴν ἀρετὴν ἣν νυνδὴ ἐγὼ διῆλθον γένοιτʼ ἂν ἄξιος λόγου. ΑΝ. τί δὲ αὐτῷ οὐ σὺ ἔφρασας; ΣΩ. ἀλλʼ οὓς μὲν ἐγὼ ᾤμην διδασκάλους τούτων εἶναι, εἶπον, ἀλλὰ τυγχάνω οὐδὲν λέγων, ὡς σὺ φῄς· καὶ ἴσως τὶ λέγεις. ἀλλὰ σὺ δὴ ἐν τῷ μέρει αὐτῷ εἰπὲ παρὰ τίνας ἔλθῃ Ἀθηναίων
Transliteration
SŌ. kai en hapanti tō chronō toutō eti eis tēn hēmeran tautēni eudokimōn ouden pepautai, kai ou monon Prōtagoras, alla kai alloi pampolloi, hoi men proteron gegonotes ekeinou, hoi de kai nyn eti ontes. poteron dē oun phōmen kata ton son logon eidotas autous exapatan kai lōbasthai tous neous, ē lelēthenai kai heautous; kai houtō mainesthai axiōsomen toutoys, hous enioi phasi sophōtatous anthrōpōn einai; AN. pollou ge deousi mainesthai, ō Sōkrates, alla poly mallon hoi toutois didontes argyrion tōn neōn, toutōn dʼ eti mallon hoi toutois epitrepontes, hoi prosēkontes, poly de malista pantōn hai poleis, eōsai autous eisaphikneisthai kai ouk exelaunousai, eite tis xenos epicheirei toiouton ti poiein eite astos. SŌ. poteron de, ō Anyte, ēdikēke tis se tōn sophistōn, ē ti houtōs autois chalepos ei; AN. oude ma Dia egōge syngegona pōpote autōn oudeni, oudʼ an allon easaimi tōn emōn oudena. SŌ. apeiros arʼ ei pantapasi tōn andrōn; AN. kai eiēn ge. SŌ. pōs oun an, ō daimonie, eideiēs peri toutoy tou pragmatos, eite ti agathon echei en hautō eite phlauron, hou pantapasin apeiros eiēs; AN. rhadiōs toutoys goun oida hoi eisin, eitʼ oun apeiros autōn eimi eite mē. SŌ. mantis ei isōs, ō Anyte epei hopōs ge allōs oistha toutōn peri, ex hōn autos legeis thaumazoimʼ an. alla gar ou toutoys epizētoumen tines eisin, parʼ hous an Menōn aphikomenos mochthēros hgenoito—outoi men gar, ei sy boulei, estōn hoi sophistai—alla dē ekeinous eipe hēmin, kai ton patrikon tonde hetairon euergetēson phrasas autō para tinas aphikomenos en tosautē polei tēn aretēn hēn nyndē egō diēlthon genoitʼ an axios logou. AN. ti de autō ou sy ephrasas; SŌ. allʼ hous men egō ōmēn didaskalous toutōn einai, eipon, alla tynchanō ouden legōn, hōs sy phēs kai isōs ti legeis. alla sy dē en tō merei autō eipe para tinas elthē Athēnaiōn
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 92 part 1; transliteration: greek-transliteration (build)