Languages

Work 5 · Passage 45

Work 5 · Passage 45

Plato

Greek

ΣΩ. πότερον δὲ οὗτοι οἱ καλοὶ κἀγαθοὶ ἀπὸ τοῦ αὐτομάτου ἐγένοντο τοιοῦτοι, παρʼ οὐδενὸς μαθόντες ὅμως μέντοι ἄλλους διδάσκειν οἷοί τε ὄντες ταῦτα ἃ αὐτοὶ οὐκ ἔμαθον; ΑΝ. καὶ τούτους ἔγωγε ἀξιῶ παρὰ τῶν προτέρων μαθεῖν, ὄντων καλῶν κἀγαθῶν· ἢ οὐ δοκοῦσί σοι πολλοὶ καὶ ἀγαθοὶ γεγονέναι ἐν τῇδε τῇ πόλει ἄνδρες; ΣΩ. ἔμοιγε, ὦ Ἄνυτε, καὶ εἶναι δοκοῦσιν ἐνθάδε ἀγαθοὶ τὰ πολιτικά, καὶ γεγονέναι ἔτι οὐχ ἧττον ἢ εἶναι· ἀλλὰ μῶν καὶ διδάσκαλοι ἀγαθοὶ γεγόνασιν τῆς αὑτῶν ἀρετῆς; τοῦτο γάρ ἐστιν περὶ οὗ ὁ λόγος ἡμῖν τυγχάνει ὤν· οὐκ εἰ εἰσὶν ἀγαθοὶ ἢ μὴ ἄνδρες ἐνθάδε, οὐδʼ εἰ γεγόνασιν ἐν τῷ πρόσθεν, ἀλλʼ εἰ διδακτόν ἐστιν ἀρετὴ πάλαι σκοποῦΜΕΝ. τοῦτο δὲ σκοποῦντες τόδε σκοποῦμεν, ἆρα οἱ ἀγαθοὶ ἄνδρες καὶ τῶν νῦν καὶ τῶν προτέρων ταύτην τὴν ἀρετὴν ἣν αὐτοὶ ἀγαθοὶ ἦσαν ἠπίσταντο καὶ ἄλλῳ παραδοῦναι, ἢ οὐ παραδοτὸν τοῦτο ἀνθρώπῳ οὐδὲ παραληπτὸν ἄλλῳ παρʼ ἄλλου· τοῦτʼ ἔστιν ὃ πάλαι ζητοῦμεν ἐγώ τε καὶ Μένων. ὧδε οὖν σκόπει ἐκ τοῦ σαυτοῦ λόγου· Θεμιστοκλέα οὐκ ἀγαθὸν ἂν φαίης ἄνδρα γεγονέναι; ΑΝ. ἔγωγε, πάντων γε μάλιστα. ΣΩ. οὐκοῦν καὶ διδάσκαλον ἀγαθόν, εἴπερ τις ἄλλος τῆς αὑτοῦ ἀρετῆς διδάσκαλος ἦν, κἀκεῖνον εἶναι; ΑΝ. οἶμαι ἔγωγε, εἴπερ ἐβούλετό γε. ΣΩ. ἀλλʼ, οἴει, οὐκ ἂν ἐβουλήθη ἄλλους τέ τινας καλοὺς κἀγαθοὺς γενέσθαι, μάλιστα δέ που τὸν ὑὸν τὸν αὑτοῦ; ἢ οἴει αὐτὸν φθονεῖν αὐτῷ καὶ ἐξεπίτηδες οὐ παραδιδόναι τὴν ἀρετὴν ἣν αὐτὸς ἀγαθὸς ἦν; ἢ οὐκ ἀκήκοας ὅτι Θεμιστοκλῆς Κλεόφαντον τὸν ὑὸν ἱππέα μὲν ἐδιδάξατο ἀγαθόν; ἐπέμενεν γοῦν ἐπὶ τῶν ἵππων ὀρθὸς ἑστηκώς, καὶ ἠκόντιζεν ἀπὸ τῶν ἵππων ὀρθός, καὶ ἄλλα πολλὰ καὶ θαυμαστὰ ἠργάζετο ἃ ἐκεῖνος αὐτὸν ἐπαιδεύσατο καὶ ἐποίησε σοφόν, ὅσα διδασκάλων ἀγαθῶν εἴχετο

Transliteration

SŌ. poteron de houtoi hoi kaloi kagathoi apo tou automatou egenonto toioutoi, parʼ oudenos mathontes homōs mentoi allous didaskein hoioi te ontes tauta ha autoi ouk emathon; AN. kai toutoys egōge axiō para tōn proterōn mathein, ontōn kalōn kagathōn ē ou dokousi soi polloi kai agathoi gegonenai en tēde tē polei andres; SŌ. emoige, ō Anyte, kai einai dokousin enthade agathoi ta politika, kai gegonenai eti ouch hētton ē einai alla mōn kai didaskaloi agathoi gegonasin tēs hautōn aretēs; touto gar estin peri hou ho logos hēmin tynchanei ōn ouk ei eisin agathoi ē mē andres enthade, oudʼ ei gegonasin en tō prosthen, allʼ ei didakton estin aretē palai skopouMEN. touto de skopountes tode skopoumen, ara hoi agathoi andres kai tōn nyn kai tōn proterōn tautēn tēn aretēn hēn autoi agathoi ēsan ēpistanto kai allō paradounai, ē ou paradoton touto anthrōpō oude paralēpton allō parʼ allou toutʼ estin ho palai zētoumen egō te kai Menōn. hōde oun skopei ek tou sautou logou THemistoklea ouk agathon an phaiēs andra gegonenai; AN. egōge, pantōn ge malista. SŌ. oukoyn kai didaskalon agathon, eiper tis allos tēs hautou aretēs didaskalos ēn, kakeinon einai; AN. oimai egōge, eiper ebouleto ge. SŌ. allʼ, oiei, ouk an eboulēthē allous te tinas kalous kagathous genesthai, malista de pou ton hyon ton hautou; ē oiei auton phthonein autō kai exepitēdes ou paradidonai tēn aretēn hēn autos agathos ēn; ē ouk akēkoas hoti THemistoklēs Kleophanton ton hyon hippea men edidaxato agathon; epemenen goun epi tōn hippōn orthos hestēkōs, kai ēkontizen apo tōn hippōn orthos, kai alla polla kai thaumasta ērgazeto ha ekeinos auton epaideusato kai epoiēse sophon, hosa didaskalōn agathōn eicheto

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 93 part 1; transliteration: greek-transliteration (build)

Share X Facebook