Work 5 · Passage 50
Plato
Greek
ΣΩ. ἐν ἄλλοις δέ γε ὀλίγον μεταβάς,— εἰ δʼ ἦν ποιητόν, φησί, καὶ ἔνθετον ἀνδρὶ νόημα, λέγει πως ὅτι— πολλοὺς ἂν μισθοὺς καὶ μεγάλους ἔφερον οἱ δυνάμενοι τοῦτο ποιεῖν, καὶ— οὔ ποτʼ ἂν ἐξ ἀγαθοῦ πατρὸς ἔγεντο κακός, πειθόμενος μύθοισι σαόφροσιν. ἀλλὰ διδάσκων οὔ ποτε ποιήσεις τὸν κακὸν ἄνδρʼ ἀγαθόν. Theognis 434-438 Bergk ἐννοεῖς ὅτι αὐτὸς αὑτῳ πάλιν περὶ τῶν αὐτῶν τἀναντία λέγει; ΜΕΝ. φαίνεται. ΣΩ. ἔχεις οὖν εἰπεῖν ἄλλου ὁτουοῦν πράγματος, οὗ οἱ μὲν φάσκοντες διδάσκαλοι εἶναι οὐχ ὅπως ἄλλων διδάσκαλοι ὁμολογοῦνται, ἀλλʼ οὐδὲ αὐτοὶ ἐπίστασθαι, ἀλλὰ πονηροὶ εἶναι περὶ αὐτὸ τοῦτο τὸ πρᾶγμα οὗ φασι διδάσκαλοι εἶναι, οἱ δὲ ὁμολογούμενοι αὐτοὶ καλοὶ κἀγαθοὶ τοτὲ μέν φασιν αὐτὸ διδακτὸν εἶναι, τοτὲ δὲ οὔ; τοὺς οὖν οὕτω τεταραγμένους περὶ ὁτουοῦν φαίης ἂν σὺ κυρίως διδασκάλους εἶναι; ΜΕΝ. μὰ Δίʼ οὐκ ἔγωγε. ΣΩ. οὐκοῦν εἰ μήτε οἱ σοφισταὶ μήτε οἱ αὐτοὶ καλοὶ κἀγαθοὶ ὄντες διδάσκαλοί εἰσι τοῦ πράγματος, δῆλον ὅτι οὐκ ἂν ἄλλοι γε; ΜΕΝ. οὔ μοι δοκεῖ. ΣΩ. εἰ δέ γε μὴ διδάσκαλοι, οὐδὲ μαθηταί; ΜΕΝ. δοκεῖ μοι ἔχειν ὡς λέγεις. ΣΩ. ὡμολογήκαμεν δέ γε, πράγματος οὗ μήτε διδάσκαλοι μήτε μαθηταὶ εἶεν, τοῦτο μηδὲ διδακτὸν εἶναι; ΜΕΝ. ὡμολογήκαΜΕΝ. ΣΩ. οὐκοῦν ἀρετῆς οὐδαμοῦ φαίνονται διδάσκαλοι; ΜΕΝ. ἔστι ταῦτα. ΣΩ. εἰ δέ γε μὴ διδάσκαλοι, οὐδὲ μαθηταί; ΜΕΝ. φαίνεται οὕτως. ΣΩ. ἀρετὴ ἄρα οὐκ ἂν εἴη διδακτόν; ΜΕΝ. οὐκ ἔοικεν, εἴπερ ὀρθῶς ἡμεῖς ἐσκέμμεθα. ὥστε καὶ θαυμάζω δή, ὦ Σώκρατες, πότερόν ποτε οὐδʼ εἰσὶν ἀγαθοὶ ἄνδρες, ἢ τίς ἂν εἴη τρόπος τῆς γενέσεως τῶν ἀγαθῶν γιγνομένων. ΣΩ. κινδυνεύομεν, ὦ Μένων, ἐγώ τε καὶ σὺ φαῦλοί τινες εἶναι ἄνδρες, καὶ σέ τε Γοργίας οὐχ ἱκανῶς πεπαιδευκέναι καὶ ἐμὲ Πρόδικος. παντὸς μᾶλλον οὖν προσεκτέον τὸν νοῦν ἡμῖν αὐτοῖς, καὶ ζητητέον ὅστις ἡμᾶς ἑνί γέ τῳ τρόπῳ βελτίους ποιήσει
Transliteration
SŌ. en allois de ge oligon metabas,— ei dʼ ēn poiēton, phēsi, kai entheton andri noēma, legei pōs hoti— pollous an misthous kai megalous epheron hoi dynamenoi touto poiein, kai— ou potʼ an ex agathou patros egento kakos, peithomenos mythoisi saophrosin. alla didaskōn ou pote poiēseis ton kakon andrʼ agathon. Theognis 434-438 Bergk ennoeis hoti autos hautō palin peri tōn autōn tanantia legei; MEN. phainetai. SŌ. echeis oun eipein allou hotouoyn pragmatos, hou hoi men phaskontes didaskaloi einai ouch hopōs allōn didaskaloi homologountai, allʼ oude autoi epistasthai, alla ponēroi einai peri auto touto to pragma hou phasi didaskaloi einai, hoi de homologoumenoi autoi kaloi kagathoi tote men phasin auto didakton einai, tote de ou; tous oun houtō tetaragmenous peri hotouoyn phaiēs an sy kyriōs didaskalous einai; MEN. ma Diʼ ouk egōge. SŌ. oukoyn ei mēte hoi sophistai mēte hoi autoi kaloi kagathoi ontes didaskaloi eisi tou pragmatos, dēlon hoti ouk an alloi ge; MEN. ou moi dokei. SŌ. ei de ge mē didaskaloi, oude mathētai; MEN. dokei moi echein hōs legeis. SŌ. hōmologēkamen de ge, pragmatos hou mēte didaskaloi mēte mathētai eien, touto mēde didakton einai; MEN. hōmologēkaMEN. SŌ. oukoyn aretēs oudamoy phainontai didaskaloi; MEN. esti tauta. SŌ. ei de ge mē didaskaloi, oude mathētai; MEN. phainetai houtōs. SŌ. aretē ara ouk an eiē didakton; MEN. ouk eoiken, eiper orthōs hēmeis eskemmetha. hōste kai thaumazō dē, ō Sōkrates, poteron pote oudʼ eisin agathoi andres, ē tis an eiē tropos tēs geneseōs tōn agathōn gignomenōn. SŌ. kindyneuomen, ō Menōn, egō te kai sy phauloi tines einai andres, kai se te Gorgias ouch hikanōs pepaideukenai kai eme Prodikos. pantos mallon oun prosekteon ton noun hēmin autois, kai zētēteon hostis hēmas heni ge tō tropō beltious poiēsei
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 96 part 1; transliteration: greek-transliteration (build)