Work 5 · Passage 52
Plato
Greek
ΣΩ. ὧδε· ὅτι μὲν τοὺς ἀγαθοὺς ἄνδρας δεῖ ὠφελίμους εἶναι, ὀρθῶς ὡμολογήκαμεν τοῦτό γε ὅτι οὐκ ἂν ἄλλως ἔχοι· ἦ γάρ; ΜΕΝ. ναί. ΣΩ. καὶ ὅτι γε ὠφέλιμοι ἔσονται, ἂν ὀρθῶς ἡμῖν ἡγῶνται τῶν πραγμάτων, καὶ τοῦτό που καλῶς ὡμολογοῦμεν; ΜΕΝ. ναί. ΣΩ. ὅτι δʼ οὐκ ἔστιν ὀρθῶς ἡγεῖσθαι, ἐὰν μὴ φρόνιμος ᾖ, τοῦτο ὅμοιοί ἐσμεν οὐκ ὀρθῶς ὡμολογηκόσιν. ΜΕΝ. πῶς δὴ λέγεις; ΣΩ. ἐγὼ ἐρῶ. εἰ εἰδὼς τὴν ὁδὸν τὴν εἰς Λάρισαν ἢ ὅποι βούλει ἄλλοσε βαδίζοι καὶ ἄλλοις ἡγοῖτο, ἄλλο τι ὀρθῶς ἂν καὶ εὖ ἡγοῖτο; ΜΕΝ. πάνυ γε. ΣΩ. τί δʼ εἴ τις ὀρθῶς μὲν δοξάζων ἥτις ἐστὶν ἡ ὁδός, ἐληλυθὼς δὲ μὴ μηδʼ ἐπιστάμενος, οὐ καὶ οὗτος ἂν ὀρθῶς ἡγοῖτο; ΜΕΝ. πάνυ γε. ΣΩ. καὶ ἕως γʼ ἄν που ὀρθὴν δόξαν ἔχῃ περὶ ὧν ὁ ἕτερος ἐπιστήμην, οὐδὲν χείρων ἡγεμὼν ἔσται, οἰόμενος μὲν ἀληθῆ, φρονῶν δὲ μή, τοῦ τοῦτο φρονοῦντος. ΜΕΝ. οὐδὲν γάρ. ΣΩ. δόξα ἄρα ἀληθὴς πρὸς ὀρθότητα πράξεως οὐδὲν χείρων ἡγεμὼν φρονήσεως· καὶ τοῦτό ἐστιν ὃ νυνδὴ παρελείπομεν ἐν τῇ περὶ τῆς ἀρετῆς σκέψει ὁποῖόν τι εἴη, λέγοντες ὅτι φρόνησις μόνον ἡγεῖται τοῦ ὀρθῶς πράττειν· τὸ δὲ ἄρα καὶ δόξα ἦν ἀληθής. ΜΕΝ. ἔοικέ γε. ΣΩ. οὐδὲν ἄρα ἧττον ὠφέλιμόν ἐστιν ὀρθὴ δόξα ἐπιστήμης. ΜΕΝ. τοσούτῳ γε, ὦ Σώκρατες, ὅτι ὁ μὲν τὴν ἐπιστήμην ἔχων ἀεὶ ἂν ἐπιτυγχάνοι, ὁ δὲ τὴν ὀρθὴν δόξαν τοτὲ μὲν ἂν τυγχάνοι, τοτὲ δʼ οὔ. ΣΩ. πῶς λέγεις; ὁ ἀεὶ ἔχων ὀρθὴν δόξαν οὐκ ἀεὶ ἂν τυγχάνοι, ἕωσπερ ὀρθὰ δοξάζοι; ΜΕΝ. ἀνάγκη μοι φαίνεται· ὥστε θαυμάζω, ὦ Σώκρατες, τούτου οὕτως ἔχοντος, ὅτι δή ποτε πολὺ τιμιωτέρα ἡ ἐπιστήμη τῆς ὀρθῆς δόξης, καὶ διʼ ὅτι τὸ μὲν ἕτερον, τὸ δὲ ἕτερόν ἐστιν αὐτῶν. ΣΩ. οἶσθα οὖν διʼ ὅτι θαυμάζεις, ἢ ἐγώ σοι εἴπω; ΜΕΝ. πάνυ γʼ εἰπέ. ΣΩ. ὅτι τοῖς Δαιδάλου ἀγάλμασιν οὐ προσέσχηκας τὸν νοῦν
Transliteration
SŌ. hōde hoti men tous agathous andras dei ōphelimous einai, orthōs hōmologēkamen touto ge hoti ouk an allōs echoi ē gar; MEN. nai. SŌ. kai hoti ge ōphelimoi esontai, an orthōs hēmin hēgōntai tōn pragmatōn, kai touto pou kalōs hōmologoumen; MEN. nai. SŌ. hoti dʼ ouk estin orthōs hēgeisthai, ean mē phronimos ē, touto homoioi esmen ouk orthōs hōmologēkosin. MEN. pōs dē legeis; SŌ. egō erō. ei eidōs tēn hodon tēn eis Larisan ē hopoi boulei allose badizoi kai allois hēgoito, allo ti orthōs an kai eu hēgoito; MEN. pany ge. SŌ. ti dʼ ei tis orthōs men doxazōn hētis estin hē hodos, elēlythōs de mē mēdʼ epistamenos, ou kai houtos an orthōs hēgoito; MEN. pany ge. SŌ. kai heōs gʼ an pou orthēn doxan echē peri hōn ho heteros epistēmēn, ouden cheirōn hēgemōn estai, oiomenos men alēthē, phronōn de mē, tou touto phronountos. MEN. ouden gar. SŌ. doxa ara alēthēs pros orthotēta praxeōs ouden cheirōn hēgemōn phronēseōs kai touto estin ho nyndē pareleipomen en tē peri tēs aretēs skepsei hopoion ti eiē, legontes hoti phronēsis monon hēgeitai tou orthōs prattein to de ara kai doxa ēn alēthēs. MEN. eoike ge. SŌ. ouden ara hētton ōphelimon estin orthē doxa epistēmēs. MEN. tosoutō ge, ō Sōkrates, hoti ho men tēn epistēmēn echōn aei an epitynchanoi, ho de tēn orthēn doxan tote men an tynchanoi, tote dʼ ou. SŌ. pōs legeis; ho aei echōn orthēn doxan ouk aei an tynchanoi, heōsper ortha doxazoi; MEN. anankē moi phainetai hōste thaumazō, ō Sōkrates, toutoy houtōs echontos, hoti dē pote poly timiōtera hē epistēmē tēs orthēs doxēs, kai diʼ hoti to men heteron, to de heteron estin autōn. SŌ. oistha oun diʼ hoti thaumazeis, ē egō soi eipō; MEN. pany gʼ eipe. SŌ. hoti tois Daidalou agalmasin ou proseschēkas ton noun
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 97 part 1; transliteration: greek-transliteration (build)