Languages

Work 5 · Passage 58

Work 5 · Passage 58

Plato

Greek

ΣΩ. οὐδὲν μέλει ἔμοιγε. τούτῳ μέν, ὦ Μένων, καὶ αὖθις διαλεξόμεθα· εἰ δὲ νῦν ἡμεῖς ἐν παντὶ τῷ λόγῳ τούτῳ καλῶς ἐζητήσαμέν τε καὶ ἐλέγομεν, ἀρετὴ ἂν εἴη οὔτε φύσει οὔτε διδακτόν, ἀλλὰ θείᾳ μοίρᾳ παραγιγνομένη ἄνευ νοῦ οἷς ἂν παραγίγνηται, εἰ μή τις εἴη τοιοῦτος τῶν πολιτικῶν ἀνδρῶν οἷος καὶ ἄλλον ποιῆσαι πολιτικόν. εἰ δὲ εἴη, σχεδὸν ἄν τι οὗτος λέγοιτο τοιοῦτος ἐν τοῖς ζῶσιν οἷον ἔφη Ὅμηρος ἐν τοῖς τεθνεῶσιν τὸν Τειρεσίαν εἶναι, λέγων περὶ αὐτοῦ, ὅτι οἶος πέπνυται τῶν ἐν Ἅιδου, τοὶ δὲ σκιαὶ ἀίσσουσι. ταὐτὸν ἂν καὶ ἐνθάδε ὁ τοιοῦτος ὥσπερ παρὰ σκιὰς ἀληθὲς ἂν πρᾶγμα εἴη πρὸς ἀρετήν. ΜΕΝ. κάλλιστα δοκεῖς μοι λέγειν, ὦ Σώκρατες. ΣΩ. ἐκ μὲν τοίνυν τούτου τοῦ λογισμοῦ, ὦ Μένων, θείᾳ μοίρᾳ ἡμῖν φαίνεται παραγιγνομένη ἡ ἀρετὴ οἷς ἂν παραγίγνηται· τὸ δὲ σαφὲς περὶ αὐτοῦ εἰσόμεθα τότε, ὅταν πρὶν ᾧτινι τρόπῳ τοῖς ἀνθρώποις παραγίγνεται ἀρετή, πρότερον ἐπιχειρήσωμεν αὐτὸ καθʼ αὑτὸ ζητεῖν τί ποτʼ ἔστιν ἀρετή. νῦν δʼ ἐμοὶ μὲν ὥρα ποι ἰέναι, σὺ δὲ ταὐτὰ ταῦτα ἅπερ αὐτὸς πέπεισαι πεῖθε καὶ τὸν ξένον τόνδε Ἄνυτον, ἵνα πρᾳότερος ᾖ· ὡς ἐὰν πείσῃς τοῦτον, ἔστιν ὅτι καὶ Ἀθηναίους ὀνήσεις.

Transliteration

SŌ. ouden melei emoige. toutō men, ō Menōn, kai authis dialexometha ei de nyn hēmeis en panti tō logō toutō kalōs ezētēsamen te kai elegomen, aretē an eiē oute physei oute didakton, alla theia moira paragignomenē aneu nou hois an paragignētai, ei mē tis eiē toioutos tōn politikōn andrōn hoios kai allon poiēsai politikon. ei de eiē, schedon an ti houtos legoito toioutos en tois zōsin hoion ephē hOmēros en tois tethneōsin ton Teiresian einai, legōn peri autou, hoti oios pepnytai tōn en hAidou, toi de skiai aissousi. tauton an kai enthade ho toioutos hōsper para skias alēthes an pragma eiē pros aretēn. MEN. kallista dokeis moi legein, ō Sōkrates. SŌ. ek men toinyn toutoy tou logismou, ō Menōn, theia moira hēmin phainetai paragignomenē hē aretē hois an paragignētai to de saphes peri autou eisometha tote, hotan prin hōtini tropō tois anthrōpois paragignetai aretē, proteron epicheirēsōmen auto kathʼ hauto zētein ti potʼ estin aretē. nyn dʼ emoi men hōra poi ienai, sy de tauta tauta haper autos pepeisai peithe kai ton xenon tonde Anyton, hina praoteros ē hōs ean peisēs touton, estin hoti kai Athēnaious onēseis.

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 100; transliteration: greek-transliteration (build)

Share X Facebook