Work 5 · Passage 6
Plato
Greek
ΣΩ. ἡ δὲ ἀρετὴ πρὸς τὸ ἀρετὴ εἶναι διοίσει τι, ἐάντε ἐν παιδὶ ᾖ ἐάντε ἐν πρεσβύτῃ, ἐάντε ἐν γυναικὶ ἐάντε ἐν ἀνδρί; ΜΕΝ. ἔμοιγέ πως δοκεῖ, ὦ Σώκρατες, τοῦτο οὐκέτι ὅμοιον εἶναι τοῖς ἄλλοις τούτοις. ΣΩ. τί δέ; οὐκ ἀνδρὸς μὲν ἀρετὴν ἔλεγες πόλιν εὖ διοικεῖν, γυναικὸς δὲ οἰκίαν; ΜΕΝ. ἔγωγε. ΣΩ. ἆρʼ οὖν οἷόν τε εὖ διοικεῖν ἢ πόλιν ἢ οἰκίαν ἢ ἄλλο ὁτιοῦν, μὴ σωφρόνως καὶ δικαίως διοικοῦντα; ΜΕΝ. οὐ δῆτα. ΣΩ. οὐκοῦν ἄνπερ δικαίως καὶ σωφρόνως διοικῶσιν, δικαιοσύνῃ καὶ σωφροσύνῃ διοικήσουσιν; ΜΕΝ. ἀνάγκη. ΣΩ. τῶν αὐτῶν ἄρα ἀμφότεροι δέονται, εἴπερ μέλλουσιν ἀγαθοὶ εἶναι, καὶ ἡ γυνὴ καὶ ὁ ἀνήρ, δικαιοσύνης καὶ σωφροσύνης. ΜΕΝ. φαίνονται. ΣΩ. τί δὲ παῖς καὶ πρεσβύτης; μῶν ἀκόλαστοι ὄντες καὶ ἄδικοι ἀγαθοὶ ἄν ποτε γένοιντο; ΜΕΝ. οὐ δῆτα. ΣΩ. ἀλλὰ σώφρονες καὶ δίκαιοι; ΜΕΝ. ναί. ΣΩ. πάντες ἄρʼ ἄνθρωποι τῷ αὐτῷ τρόπῳ ἀγαθοί εἰσιν· τῶν αὐτῶν γὰρ τυχόντες ἀγαθοὶ γίγνονται. ΜΕΝ. ἔοικε. ΣΩ. οὐκ ἂν δήπου, εἴ γε μὴ ἡ αὐτὴ ἀρετὴ ἦν αὐτῶν, τῷ αὐτῷ ἂν τρόπῳ ἀγαθοὶ ἦσαν. ΜΕΝ. οὐ δῆτα. ΣΩ. ἐπειδὴ τοίνυν ἡ αὐτὴ ἀρετὴ πάντων ἐστίν, πειρῶ εἰπεῖν καὶ ἀναμνησθῆναι τί αὐτό φησι Γοργίας εἶναι καὶ σὺ μετʼ ἐκείνου. ΜΕΝ. τί ἄλλο γʼ ἢ ἄρχειν οἷόν τʼ εἶναι τῶν ἀνθρώπων; εἴπερ ἕν γέ τι ζητεῖς κατὰ πάντων. ΣΩ. ἀλλὰ μὴν ζητῶ γε. ἀλλʼ ἆρα καὶ παιδὸς ἡ αὐτὴ ἀρετή, ὦ Μένων, καὶ δούλου, ἄρχειν οἵω τε εἶναι τοῦ δεσπότου, καὶ δοκεῖ σοι ἔτι ἂν δοῦλος εἶναι ὁ ἄρχων; ΜΕΝ. οὐ πάνυ μοι δοκεῖ, ὦ Σώκρατες. ΣΩ. οὐ γὰρ εἰκός, ὦ ἄριστε· ἔτι γὰρ καὶ τόδε σκόπει. ἄρχειν φῂς οἷόν τʼ εἶναι. οὐ προσθήσομεν αὐτόσε τὸ δικαίως, ἀδίκως δὲ μή; ΜΕΝ. οἶμαι ἔγωγε
Transliteration
SŌ. hē de aretē pros to aretē einai dioisei ti, eante en paidi ē eante en presbytē, eante en gynaiki eante en andri; MEN. emoige pōs dokei, ō Sōkrates, touto ouketi homoion einai tois allois toutois. SŌ. ti de; ouk andros men aretēn eleges polin eu dioikein, gynaikos de oikian; MEN. egōge. SŌ. arʼ oun hoion te eu dioikein ē polin ē oikian ē allo hotioun, mē sōphronōs kai dikaiōs dioikounta; MEN. ou dēta. SŌ. oukoyn anper dikaiōs kai sōphronōs dioikōsin, dikaiosynē kai sōphrosynē dioikēsousin; MEN. anankē. SŌ. tōn autōn ara amphoteroi deontai, eiper mellousin agathoi einai, kai hē gynē kai ho anēr, dikaiosynēs kai sōphrosynēs. MEN. phainontai. SŌ. ti de pais kai presbytēs; mōn akolastoi ontes kai adikoi agathoi an pote genointo; MEN. ou dēta. SŌ. alla sōphrones kai dikaioi; MEN. nai. SŌ. pantes arʼ anthrōpoi tō autō tropō agathoi eisin tōn autōn gar tychontes agathoi gignontai. MEN. eoike. SŌ. ouk an dēpou, ei ge mē hē autē aretē ēn autōn, tō autō an tropō agathoi ēsan. MEN. ou dēta. SŌ. epeidē toinyn hē autē aretē pantōn estin, peirō eipein kai anamnēsthēnai ti auto phēsi Gorgias einai kai sy metʼ ekeinou. MEN. ti allo gʼ ē archein hoion tʼ einai tōn anthrōpōn; eiper hen ge ti zēteis kata pantōn. SŌ. alla mēn zētō ge. allʼ ara kai paidos hē autē aretē, ō Menōn, kai douloy, archein hoiō te einai tou despotou, kai dokei soi eti an doulos einai ho archōn; MEN. ou pany moi dokei, ō Sōkrates. SŌ. ou gar eikos, ō ariste eti gar kai tode skopei. archein phēs hoion tʼ einai. ou prosthēsomen autose to dikaiōs, adikōs de mē; MEN. oimai egōge
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 73 part 1; transliteration: greek-transliteration (build)