Languages

Theme 2 · Passage 36

Theme 2 · Passage 36

Attributed to Socrates (via Plato, Xenophon, and others)

Greek

ΣΩ. ὦ φίλε Κρίτων, ἡ προθυμία σου πολλοῦ ἀξία εἰ μετά τινος ὀρθότητος εἴη· εἰ δὲ μή, ὅσῳ μείζων τοσούτῳ χαλεπωτέρα. σκοπεῖσθαι οὖν χρὴ ἡμᾶς εἴτε ταῦτα πρακτέον εἴτε μή· ὡς ἐγὼ οὐ νῦν πρῶτον ἀλλὰ καὶ ἀεὶ τοιοῦτος οἷος τῶν ἐμῶν μηδενὶ ἄλλῳ πείθεσθαι ἢ τῷ λόγῳ ὃς ἄν μοι λογιζομένῳ βέλτιστος φαίνηται. τοὺς δὴ λόγους οὓς ἐν τῷ ἔμπροσθεν ἔλεγον οὐ δύναμαι νῦν ἐκβαλεῖν, ἐπειδή μοι ἥδε ἡ τύχη γέγονεν, ἀλλὰ σχεδόν τι ὅμοιοι φαίνονταί μοι, καὶ τοὺς αὐτοὺς πρεσβεύω καὶ τιμῶ οὕσπερ καὶ πρότερον· ὧν ἐὰν μὴ βελτίω ἔχωμεν λέγειν ἐν τῷ παρόντι, εὖ ἴσθι ὅτι οὐ μή σοι συγχωρήσω, οὐδʼ ἂν πλείω τῶν νῦν παρόντων ἡ τῶν πολλῶν δύναμις ὥσπερ παῖδας ἡμᾶς μορμολύττηται, δεσμοὺς καὶ θανάτους ἐπιπέμπουσα καὶ χρημάτων ἀφαιρέσεις. πῶς οὖν ἂν μετριώτατα σκοποίμεθα αὐτά; εἰ πρῶτον μὲν τοῦτον τὸν λόγον ἀναλάβοιμεν, ὃν σὺ λέγεις περὶ τῶν δοξῶν. πότερον καλῶς ἐλέγετο ἑκάστοτε ἢ οὔ, ὅτι ταῖς μὲν δεῖ τῶν δοξῶν προσέχειν τὸν νοῦν, ταῖς δὲ οὔ; ἢ πρὶν μὲν ἐμὲ δεῖν ἀποθνῄσκειν καλῶς ἐλέγετο, νῦν δὲ κατάδηλος ἄρα ἐγένετο ὅτι ἄλλως ἕνεκα λόγου ἐλέγετο, ἦν δὲ παιδιὰ καὶ φλυαρία ὡς ἀληθῶς; ἐπιθυμῶ δʼ ἔγωγʼ ἐπισκέψασθαι, ὦ Κρίτων, κοινῇ μετὰ σοῦ εἴ τί μοι ἀλλοιότερος φανεῖται, ἐπειδὴ ὧδε ἔχω, ἢ ὁ αὐτός, καὶ ἐάσομεν χαίρειν ἢ πεισόμεθα αὐτῷ. ἐλέγετο δέ πως, ὡς ἐγᾦμαι, ἑκάστοτε ὧδε ὑπὸ τῶν οἰομένων τὶ λέγειν, ὥσπερ νυνδὴ ἐγὼ ἔλεγον, ὅτι τῶν δοξῶν ἃς οἱ ἄνθρωποι δοξάζουσιν δέοι τὰς μὲν περὶ πολλοῦ ποιεῖσθαι, τὰς δὲ μή. τοῦτο πρὸς θεῶν, ὦ Κρίτων, οὐ δοκεῖ καλῶς σοι λέγεσθαι;

Transliteration

SŌ. ō phile Kritōn, hē prothymia sou pollou axia ei meta tinos orthotētos eiē ei de mē, hosō meizōn tosoutō chalepōtera. skopeisthai oun chrē hēmas eite tauta prakteon eite mē hōs egō ou nyn prōton alla kai aei toioutos hoios tōn emōn mēdeni allō peithesthai ē tō logō hos an moi logizomenō beltistos phainētai. tous dē logous hous en tō emprosthen elegon ou dynamai nyn ekbalein, epeidē moi hēde hē tychē gegonen, alla schedon ti homoioi phainontai moi, kai tous autous presbeuō kai timō housper kai proteron hōn ean mē beltiō echōmen legein en tō paronti, eu isthi hoti ou mē soi synchōrēsō, oudʼ an pleiō tōn nyn parontōn hē tōn pollōn dynamis hōsper paidas hēmas mormolyttētai, desmous kai thanatous epipempousa kai chrēmatōn aphaireseis. pōs oun an metriōtata skopoimetha auta; ei prōton men touton ton logon analaboimen, hon sy legeis peri tōn doxōn. poteron kalōs elegeto hekastote ē ou, hoti tais men dei tōn doxōn prosechein ton noun, tais de ou; ē prin men eme dein apothnēskein kalōs elegeto, nyn de katadēlos ara egeneto hoti allōs heneka logou elegeto, ēn de paidia kai phlyaria hōs alēthōs; epithymō dʼ egōgʼ episkepsasthai, ō Kritōn, koinē meta sou ei ti moi alloioteros phaneitai, epeidē hōde echō, ē ho autos, kai easomen chairein ē peisometha autō. elegeto de pōs, hōs egōmai, hekastote hōde hypo tōn oiomenōn ti legein, hōsper nyndē egō elegon, hoti tōn doxōn has hoi anthrōpoi doxazousin deoi tas men peri pollou poieisthai, tas de mē. touto pros theōn, ō Kritōn, ou dokei kalōs soi legesthai;

Translation coming soon for this language.

Source edition (provenance)

perseus:tlg0059.tlg003.perseus-grc2; plato:crito; section 46.2; transliteration: greek-transliteration (build)

Share X Facebook