Theme 2 · Passage 69
Attributed to Socrates (via Plato, Xenophon, and others)
Greek
ΣΩ. οὐκοῦν ἐκ τῶν ὁμολογουμένων τοῦτο σκεπτέον, πότερον δίκαιον ἐμὲ ἐνθένδε πειρᾶσθαι ἐξιέναι μὴ ἀφιέντων Ἀθηναίων ἢ οὐ δίκαιον· καὶ ἐὰν μὲν φαίνηται δίκαιον, πειρώμεθα, εἰ δὲ μή, ἐῶμεν. ἃς δὲ σὺ λέγεις τὰς σκέψεις περί τε ἀναλώσεως χρημάτων καὶ δόξης καὶ παίδων τροφῆς, μὴ ὡς ἀληθῶς ταῦτα, ὦ Κρίτων, σκέμματα ᾖ τῶν ῥᾳδίως ἀποκτεινύντων καὶ ἀναβιωσκομένων γʼ ἄν, εἰ οἷοί τʼ ἦσαν, οὐδενὶ ξὺν νῷ, τούτων τῶν πολλῶν. ἡμῖν δʼ, ἐπειδὴ ὁ λόγος οὕτως αἱρεῖ, μὴ οὐδὲν ἄλλο σκεπτέον ᾖ ἢ ὅπερ νυνδὴ ἐλέγομεν, πότερον δίκαια πράξομεν καὶ χρήματα τελοῦντες τούτοις τοῖς ἐμὲ ἐνθένδε ἐξάξουσιν καὶ χάριτας, καὶ αὐτοὶ ἐξάγοντές τε καὶ ἐξαγόμενοι, ἢ τῇ ἀληθείᾳ ἀδικήσομεν πάντα ταῦτα ποιοῦντες· κἂν φαινώμεθα ἄδικα αὐτὰ ἐργαζόμενοι, μὴ οὐ δέῃ ὑπολογίζεσθαι οὔτʼ εἰ ἀποθνῄσκειν δεῖ παραμένοντας καὶ ἡσυχίαν ἄγοντας, οὔτε ἄλλο ὁτιοῦν πάσχειν πρὸ τοῦ ἀδικεῖν.
Transliteration
SŌ. oukoyn ek tōn homologoumenōn touto skepteon, poteron dikaion eme enthende peirasthai exienai mē aphientōn Athēnaiōn ē ou dikaion kai ean men phainētai dikaion, peirōmetha, ei de mē, eōmen. has de sy legeis tas skepseis peri te analōseōs chrēmatōn kai doxēs kai paidōn trophēs, mē hōs alēthōs tauta, ō Kritōn, skemmata ē tōn rhadiōs apokteinyntōn kai anabiōskomenōn gʼ an, ei hoioi tʼ ēsan, oudeni xyn nō, toutōn tōn pollōn. hēmin dʼ, epeidē ho logos houtōs hairei, mē ouden allo skepteon ē ē hoper nyndē elegomen, poteron dikaia praxomen kai chrēmata telountes toutois tois eme enthende exaxousin kai charitas, kai autoi exagontes te kai exagomenoi, ē tē alētheia adikēsomen panta tauta poiountes kan phainōmetha adika auta ergazomenoi, mē ou deē hypologizesthai outʼ ei apothnēskein dei paramenontas kai hēsychian agontas, oute allo hotioun paschein pro tou adikein.
Translation coming soon for this language.
Source edition (provenance)
perseus:tlg0059.tlg003.perseus-grc2; plato:crito; section 48.10; transliteration: greek-transliteration (build)