Theme 2 · Passage 73
Attributed to Socrates (via Plato, Xenophon, and others)
Greek
ΣΩ. οὐδενὶ τρόπῳ φαμὲν ἑκόντας ἀδικητέον εἶναι, ἢ τινὶ μὲν ἀδικητέον τρόπῳ τινὶ δὲ οὔ; ἢ οὐδαμῶς τό γε ἀδικεῖν οὔτε ἀγαθὸν οὔτε καλόν, ὡς πολλάκις ἡμῖν καὶ ἐν τῷ ἔμπροσθεν χρόνῳ ὡμολογήθη; ἢ πᾶσαι ἡμῖν ἐκεῖναι αἱ πρόσθεν ὁμολογίαι ἐν ταῖσδε ταῖς ὀλίγαις ἡμέραις ἐκκεχυμέναι εἰσίν, καὶ πάλαι, ὦ Κρίτων, ἄρα τηλικοίδε ἄνδρες πρὸς ἀλλήλους σπουδῇ διαλεγόμενοι ἐλάθομεν ἡμᾶς αὐτοὺς παίδων οὐδὲν διαφέροντες; ἢ παντὸς μᾶλλον οὕτως ἔχει ὥσπερ τότε ἐλέγετο ἡμῖν· εἴτε φασὶν οἱ πολλοὶ εἴτε μή, καὶ εἴτε δεῖ ἡμᾶς ἔτι τῶνδε χαλεπώτερα πάσχειν εἴτε καὶ πρᾳότερα, ὅμως τό γε ἀδικεῖν τῷ ἀδικοῦντι καὶ κακὸν καὶ αἰσχρὸν τυγχάνει ὂν παντὶ τρόπῳ; φαμὲν ἢ οὔ;
Transliteration
SŌ. oudeni tropō phamen hekontas adikēteon einai, ē tini men adikēteon tropō tini de ou; ē oudamōs to ge adikein oute agathon oute kalon, hōs pollakis hēmin kai en tō emprosthen chronō hōmologēthē; ē pasai hēmin ekeinai hai prosthen homologiai en taisde tais oligais hēmerais ekkechymenai eisin, kai palai, ō Kritōn, ara tēlikoide andres pros allēlous spoudē dialegomenoi elathomen hēmas autous paidōn ouden diapherontes; ē pantos mallon houtōs echei hōsper tote elegeto hēmin eite phasin hoi polloi eite mē, kai eite dei hēmas eti tōnde chalepōtera paschein eite kai praotera, homōs to ge adikein tō adikounti kai kakon kai aischron tynchanei on panti tropō; phamen ē ou;
Translation coming soon for this language.
Source edition (provenance)
perseus:tlg0059.tlg003.perseus-grc2; plato:crito; section 49.2; transliteration: greek-transliteration (build)