Languages

Theme 2 · Passage 85

Theme 2 · Passage 85

Attributed to Socrates (via Plato, Xenophon, and others)

Greek

ΣΩ. οὔτε ἄρα ἀνταδικεῖν δεῖ οὔτε κακῶς ποιεῖν οὐδένα ἀνθρώπων, οὐδʼ ἂν ὁτιοῦν πάσχῃ ὑπʼ αὐτῶν. καὶ ὅρα, ὦ Κρίτων, ταῦτα καθομολογῶν, ὅπως μὴ παρὰ δόξαν ὁμολογῇς· οἶδα γὰρ ὅτι ὀλίγοις τισὶ ταῦτα καὶ δοκεῖ καὶ δόξει. οἷς οὖν οὕτω δέδοκται καὶ οἷς μή, τούτοις οὐκ ἔστι κοινὴ βουλή, ἀλλὰ ἀνάγκη τούτους ἀλλήλων καταφρονεῖν ὁρῶντας ἀλλήλων τὰ βουλεύματα. σκόπει δὴ οὖν καὶ σὺ εὖ μάλα πότερον κοινωνεῖς καὶ συνδοκεῖ σοι καὶ ἀρχώμεθα ἐντεῦθεν βουλευόμενοι, ὡς οὐδέποτε ὀρθῶς ἔχοντος οὔτε τοῦ ἀδικεῖν οὔτε τοῦ ἀνταδικεῖν οὔτε κακῶς πάσχοντα ἀμύνεσθαι ἀντιδρῶντα κακῶς, ἢ ἀφίστασαι καὶ οὐ κοινωνεῖς τῆς ἀρχῆς; ἐμοὶ μὲν γὰρ καὶ πάλαι οὕτω καὶ νῦν ἔτι δοκεῖ, σοὶ δὲ εἴ πῃ ἄλλῃ δέδοκται, λέγε καὶ δίδασκε. εἰ δʼ ἐμμένεις τοῖς πρόσθε, τὸ μετὰ τοῦτο ἄκουε.

Transliteration

SŌ. oute ara antadikein dei oute kakōs poiein oudena anthrōpōn, oudʼ an hotioun paschē hypʼ autōn. kai hora, ō Kritōn, tauta kathomologōn, hopōs mē para doxan homologēs oida gar hoti oligois tisi tauta kai dokei kai doxei. hois oun houtō dedoktai kai hois mē, toutois ouk esti koinē boulē, alla anankē toutoys allēlōn kataphronein horōntas allēlōn ta bouleumata. skopei dē oun kai sy eu mala poteron koinōneis kai syndokei soi kai archōmetha enteuthen bouleuomenoi, hōs oudepote orthōs echontos oute tou adikein oute tou antadikein oute kakōs paschonta amynesthai antidrōnta kakōs, ē aphistasai kai ou koinōneis tēs archēs; emoi men gar kai palai houtō kai nyn eti dokei, soi de ei pē allē dedoktai, lege kai didaske. ei dʼ emmeneis tois prosthe, to meta touto akoue.

Translation coming soon for this language.

Source edition (provenance)

perseus:tlg0059.tlg003.perseus-grc2; plato:crito; section 49.14; transliteration: greek-transliteration (build)

Share X Facebook