Theme 2 · Passage 91
Attributed to Socrates (via Plato, Xenophon, and others)
Greek
ΣΩ. ἀλλʼ ὧδε σκόπει. εἰ μέλλουσιν ἡμῖν ἐνθένδε εἴτε ἀποδιδράσκειν, εἴθʼ ὅπως δεῖ ὀνομάσαι τοῦτο, ἐλθόντες οἱ νόμοι καὶ τὸ κοινὸν τῆς πόλεως ἐπιστάντες ἔροιντο· εἰπέ μοι, ὦ Σώκρατες, τί ἐν νῷ ἔχεις ποιεῖν; ἄλλο τι ἢ τούτῳ τῷ ἔργῳ ᾧ ἐπιχειρεῖς διανοῇ τούς τε νόμους ἡμᾶς ἀπολέσαι καὶ σύμπασαν τὴν πόλιν τὸ σὸν μέρος; ἢ δοκεῖ σοι οἷόν τε ἔτι ἐκείνην τὴν πόλιν εἶναι καὶ μὴ ἀνατετράφθαι, ἐν ᾗ ἂν αἱ γενόμεναι δίκαι μηδὲν ἰσχύωσιν ἀλλὰ ὑπὸ ἰδιωτῶν ἄκυροί τε γίγνωνται καὶ διαφθείρωνται; τί ἐροῦμεν, ὦ Κρίτων, πρὸς ταῦτα καὶ ἄλλα τοιαῦτα; πολλὰ γὰρ ἄν τις ἔχοι, ἄλλως τε καὶ ῥήτωρ, εἰπεῖν ὑπὲρ τούτου τοῦ νόμου ἀπολλυμένου ὃς τὰς δίκας τὰς δικασθείσας προστάττει κυρίας εἶναι. ἢ ἐροῦμεν πρὸς αὐτοὺς ὅτι ἠδίκει γὰρ ἡμᾶς ἡ πόλις καὶ οὐκ ὀρθῶς τὴν δίκην ἔκρινεν; ταῦτα ἢ τί ἐροῦμεν;
Transliteration
SŌ. allʼ hōde skopei. ei mellousin hēmin enthende eite apodidraskein, eithʼ hopōs dei onomasai touto, elthontes hoi nomoi kai to koinon tēs poleōs epistantes erointo eipe moi, ō Sōkrates, ti en nō echeis poiein; allo ti ē toutō tō ergō hō epicheireis dianoē tous te nomous hēmas apolesai kai sympasan tēn polin to son meros; ē dokei soi hoion te eti ekeinēn tēn polin einai kai mē anatetraphthai, en hē an hai genomenai dikai mēden ischyōsin alla hypo idiōtōn akyroi te gignōntai kai diaphtheirōntai; ti eroumen, ō Kritōn, pros tauta kai alla toiauta; polla gar an tis echoi, allōs te kai rhētōr, eipein hyper toutoy tou nomou apollymenou hos tas dikas tas dikastheisas prostattei kyrias einai. ē eroumen pros autous hoti ēdikei gar hēmas hē polis kai ouk orthōs tēn dikēn ekrinen; tauta ē ti eroumen;
Translation coming soon for this language.
Source edition (provenance)
perseus:tlg0059.tlg003.perseus-grc2; plato:crito; section 50.3; transliteration: greek-transliteration (build)