Theme 3 · Passage 133
Attributed to Socrates (via Plato, Xenophon, and others)
Greek
οἴει οὖν ἀπὸ πάντων τούτων τοσαύτην ἡδονὴν εἶναι ὅσην ἀπὸ τοῦ ἑαυτόν τε ἡγεῖσθαι βελτίω γίγνεσθαι καὶ φίλους ἀμείνους κτᾶσθαι; ἐγὼ τοίνυν διατελῶ ταῦτα νομίζων. ἐὰν δὲ δὴ φίλους ἢ πόλιν ὠφελεῖν δέῃ, ποτέρῳ ἡ πλείων σχολὴ τούτων ἐπιμελεῖσθαι, τῷ ὡς ἐγὼ νῦν ἢ τῷ ὡς σὺ μακαρίζεις διαιτωμένῳ; στρατεύοιτο δὲ πότερος ἂν ῥᾷον, ὁ μὴ δυνάμενος ἄνευ πολυτελοῦς διαίτης ζῆν ἢ ᾧ τὸ παρὸν ἀρκοίη; ἐκπολιορκηθείη δὲ πότερος ἂν θᾶττον, ὁ τῶν χαλεπωτάτων εὑρεῖν δεόμενος ἢ ὁ τοῖς ῥᾴστοις ἐντυγχάνειν ἀρκούντως χρώμενος;
Transliteration
oiei oun apo pantōn toutōn tosautēn hēdonēn einai hosēn apo tou heauton te hēgeisthai beltiō gignesthai kai philous ameinous ktasthai; egō toinyn diatelō tauta nomizōn. ean de dē philous ē polin ōphelein deē, poterō hē pleiōn scholē toutōn epimeleisthai, tō hōs egō nyn ē tō hōs sy makarizeis diaitōmenō; strateuoito de poteros an rhaon, ho mē dynamenos aneu polytelous diaitēs zēn ē hō to paron arkoiē; ekpoliorkētheiē de poteros an thatton, ho tōn chalepōtatōn heurein deomenos ē ho tois rhastois entynchanein arkountōs chrōmenos;
Translation coming soon for this language.
Source edition (provenance)
perseus:tlg0032.tlg002.perseus-grc2; xenophon:memorabilia; section 1.6.9; transliteration: greek-transliteration (build)