Theme 3 · Passage 137
Attributed to Socrates (via Plato, Xenophon, and others)
Greek
ὁ δὲ Σωκράτης πρὸς ταῦτα εἶπεν· ὦ Ἀντιφῶν, παρʼ ἡμῖν νομίζεται τὴν ὥραν καὶ τὴν σοφίαν ὁμοίως μὲν καλόν, ὁμοίως δὲ αἰσχρὸν διατίθεσθαι εἶναι. τήν τε γὰρ ὥραν ἐὰν μέν τις ἀργυρίου πωλῇ τῷ βουλομένῳ, πόρνον αὐτὸν ἀποκαλοῦσιν, ἐὰν δέ τις, ὃν ἂν γνῷ καλόν τε κἀγαθὸν ἐραστὴν ὄντα, τοῦτον φίλον ἑαυτῷ ποιῆται, σώφρονα νομίζομεν· καὶ τὴν σοφίαν ὡσαύτως τοὺς μὲν ἀργυρίου τῷ βουλομένῳ πωλοῦντας σοφιστὰς ἀποκαλοῦσιν, ὅστις δὲ ὃν ἂν γνῷ εὐφυᾶ ὄντα διδάσκων ὅ τι ἂν ἔχῃ ἀγαθὸν φίλον ποιεῖται, τοῦτον νομίζομεν, ἃ τῷ καλῷ κἀγαθῷ πολίτῃ προσήκει, ταῦτα ποιεῖν.
Transliteration
ho de Sōkratēs pros tauta eipen ō Antiphōn, parʼ hēmin nomizetai tēn hōran kai tēn sophian homoiōs men kalon, homoiōs de aischron diatithesthai einai. tēn te gar hōran ean men tis argyriou pōlē tō boulomenō, pornon auton apokalousin, ean de tis, hon an gnō kalon te kagathon erastēn onta, touton philon heautō poiētai, sōphrona nomizomen kai tēn sophian hōsautōs tous men argyriou tō boulomenō pōlountas sophistas apokalousin, hostis de hon an gnō euphya onta didaskōn ho ti an echē agathon philon poieitai, touton nomizomen, ha tō kalō kagathō politē prosēkei, tauta poiein.
Translation coming soon for this language.
Source edition (provenance)
perseus:tlg0032.tlg002.perseus-grc2; xenophon:memorabilia; section 1.6.13; transliteration: greek-transliteration (build)