Theme 3 · Passage 29
Attributed to Socrates (via Plato, Xenophon, and others)
Greek
ἀλλὰ νὴ Δία, ὁ κατήγορος ἔφη, ὑπερορᾶν ἐποίει τῶν καθεστώτων νόμων τοὺς συνόντας, λέγων ὡς μῶρον εἴη τοὺς μὲν τῆς πόλεως ἄρχοντας ἀπὸ κυάμου καθιστάναι, κυβερνήτῃ δὲ μηδένα θέλειν χρῆσθαι κυαμευτῷ μηδὲ τέκτονι μηδʼ αὐλητῇ μηδʼ ἐπʼ ἄλλα τοιαῦτα, ἃ πολλῷ ἐλάττονας βλάβας ἁμαρτανόμενα ποιεῖ τῶν περὶ τὴν πόλιν ἁμαρτανομένων· τοὺς δὲ τοιούτους λόγους ἐπαίρειν ἔφη τοὺς νέους καταφρονεῖν τῆς καθεστώσης πολιτείας καὶ ποιεῖν βιαίους.
Transliteration
alla nē Dia, ho katēgoros ephē, hyperoran epoiei tōn kathestōtōn nomōn tous synontas, legōn hōs mōron eiē tous men tēs poleōs archontas apo kyamou kathistanai, kybernētē de mēdena thelein chrēsthai kyameutō mēde tektoni mēdʼ aulētē mēdʼ epʼ alla toiauta, ha pollō elattonas blabas hamartanomena poiei tōn peri tēn polin hamartanomenōn tous de toioutoys logous epairein ephē tous neous kataphronein tēs kathestōsēs politeias kai poiein biaious.
Translation coming soon for this language.
Source edition (provenance)
perseus:tlg0032.tlg002.perseus-grc2; xenophon:memorabilia; section 1.2.9; transliteration: greek-transliteration (build)