Languages

Theme 3 · Passage 87

Theme 3 · Passage 87

Attributed to Socrates (via Plato, Xenophon, and others)

Greek

θυσίας δὲ θύων μικρὰς ἀπὸ μικρῶν οὐδὲν ἡγεῖτο μειοῦσθαι τῶν ἀπὸ πολλῶν καὶ μεγάλων πολλὰ καὶ μεγάλα θυόντων. οὔτε γὰρ τοῖς θεοῖς ἔφη καλῶς ἔχειν, εἰ ταῖς μεγάλαις θυσίαις μᾶλλον ἢ ταῖς μικραῖς ἔχαιρον· πολλάκις γὰρ ἂν αὐτοῖς τὰ παρὰ τῶν πονηρῶν μᾶλλον ἢ τὰ παρὰ τῶν χρηστῶν εἶναι κεχαρισμένα· οὔτʼ ἂν τοῖς ἀνθρώποις ἄξιον εἶναι ζῆν, εἰ τὰ παρὰ τῶν πονηρῶν μᾶλλον ἦν κεχαρισμένα τοῖς θεοῖς ἢ τὰ παρὰ τῶν χρηστῶν· ἀλλʼ ἐνόμιζε τοὺς θεοὺς ταῖς παρὰ τῶν εὐσεβεστάτων τιμαῖς μάλιστα χαίρειν. ἐπαινέτης δʼ ἦν καὶ τοῦ ἔπους τούτου· καδδύναμιν δʼ ἔρδειν ἱέρʼ ἀθανάτοισι θεοῖσι, Hes. WD 336 καὶ πρὸς φίλους δὲ καὶ ξένους καὶ πρὸς τὴν ἄλλην δίαιταν καλὴν ἔφη παραίνεσιν εἶναι τὴν καδδύναμιν δʼ ἔρδειν.

Transliteration

thysias de thyōn mikras apo mikrōn ouden hēgeito meiousthai tōn apo pollōn kai megalōn polla kai megala thyontōn. oute gar tois theois ephē kalōs echein, ei tais megalais thysiais mallon ē tais mikrais echairon pollakis gar an autois ta para tōn ponērōn mallon ē ta para tōn chrēstōn einai kecharismena outʼ an tois anthrōpois axion einai zēn, ei ta para tōn ponērōn mallon ēn kecharismena tois theois ē ta para tōn chrēstōn allʼ enomize tous theous tais para tōn eusebestatōn timais malista chairein. epainetēs dʼ ēn kai tou epous toutoy kaddynamin dʼ erdein hierʼ athanatoisi theoisi, Hes. WD 336 kai pros philous de kai xenous kai pros tēn allēn diaitan kalēn ephē parainesin einai tēn kaddynamin dʼ erdein.

Translation coming soon for this language.

Source edition (provenance)

perseus:tlg0032.tlg002.perseus-grc2; xenophon:memorabilia; section 1.3.3; transliteration: greek-transliteration (build)

Share X Facebook