Work 1 · Passage 11
Aristotle
Greek
· τούτου δὲ τὸ μὲν ὡς ἐπιπειθὲς λόγῳ, τὸ δʼ ὡς ἔχον καὶ διανοούμενον. διττῶς δὲ καὶ ταύτης λεγομένης τὴν κατʼ ἐνέργειαν θετέον· κυριώτερον γὰρ αὕτη δοκεῖ λέγεσθαι. εἰ δʼ ἐστὶν ἔργον ἀνθρώπου ψυχῆς ἐνέργεια κατὰ λόγον ἢ μὴ ἄνευ λόγου, τὸ δʼ αὐτό φαμεν ἔργον εἶναι τῷ γένει τοῦδε καὶ τοῦδε σπουδαίου, ὥσπερ κιθαριστοῦ καὶ σπουδαίου κιθαριστοῦ, καὶ ἁπλῶς δὴ τοῦτʼ ἐπὶ πάντων, προστιθεμένης τῆς κατὰ τὴν ἀρετὴν ὑπεροχῆς πρὸς τὸ ἔργον· κιθαριστοῦ μὲν γὰρ κιθαρίζειν, σπουδαίου δὲ τὸ εὖ· εἰ δʼ οὕτως, τὸ ἀνθρώπινον ἀγαθὸν ψυχῆς ἐνέργεια γίνεται κατʼ ἀρετήν, εἰ δὲ πλείους αἱ ἀρεταί, κατὰ τὴν ἀρίστην καὶ τελειοτάτην. ἔτι δʼ ἐν βίῳ τελείῳ. μία γὰρ χελιδὼν ἔαρ οὐ ποιεῖ, οὐδὲ μία ἡμέρα· οὕτω δὲ οὐδὲ μακάριον καὶ εὐδαίμονα μία ἡμέρα οὐδʼ ὀλίγος χρόνος. περιγεγράφθω μὲν οὖν τἀγαθὸν ταύτῃ· δεῖ γὰρ ἴσως ὑποτυπῶσαι πρῶτον, εἶθʼ ὕστερον ἀναγράψαι. δόξειε δʼ ἂν παντὸς εἶναι προαγαγεῖν καὶ διαρθρῶσαι τὰ καλῶς ἔχοντα τῇ περιγραφῇ, καὶ ὁ χρόνος τῶν τοιούτων εὑρετὴς ἢ συνεργὸς ἀγαθὸς εἶναι· ὅθεν καὶ τῶν τεχνῶν γεγόνασιν αἱ ἐπιδόσεις· παντὸς γὰρ προσθεῖναι τὸ ἐλλεῖπον. μεμνῆσθαι δὲ καὶ τῶν προειρημένων χρή, καὶ τὴν ἀκρίβειαν μὴ ὁμοίως ἐν ἅπασιν ἐπιζητεῖν, ἀλλʼ ἐν ἑκάστοις κατὰ τὴν ὑποκειμένην ὕλην καὶ ἐπὶ τοσοῦτον ἐφʼ ὅσον οἰκεῖον τῇ μεθόδῳ. καὶ γὰρ τέκτων καὶ γεωμέτρης διαφερόντως ἐπιζητοῦσι τὴν ὀρθήν· ὃ μὲν γὰρ ἐφʼ ὅσον χρησίμη πρὸς τὸ ἔργον, ὃ δὲ τί ἐστιν ἢ ποῖόν τι· θεατὴς γὰρ τἀληθοῦς. τὸν αὐτὸν δὴ τρόπον καὶ ἐν τοῖς ἄλλοις ποιητέον, ὅπως μὴ τὰ πάρεργα τῶν ἔργων πλείω γίνηται. οὐκ ἀπαιτητέον δʼ οὐδὲ τὴν αἰτίαν ἐν ἅπασιν ὁμοίως, ἀλλʼ ἱκανὸν ἔν τισι τὸ ὅτι δειχθῆναι καλῶς, οἷον καὶ περὶ τὰς ἀρχάς
Transliteration
toutoy de to men hos epipeithes logo, to dʼ hos echon kai dianooumenon. dittos de kai tautes legomenes ten katʼ energeian theteon kyrioteron gar haute dokei legesthai. ei dʼ estin ergon anthropou psyches energeia kata logon e me aneu logou, to dʼ auto phamen ergon einai to genei toude kai toude spoudaioy, hosper kitharistou kai spoudaioy kitharistou, kai haplos de toutʼ epi panton, prostithemenes tes kata ten areten hyperoches pros to ergon kitharistou men gar kitharizein, spoudaioy de to eu ei dʼ houtos, to anthropinon agathon psyches energeia ginetai katʼ areten, ei de pleious hai aretai, kata ten aristen kai teleiotaten. eti dʼ en bio teleio. mia gar chelidon ear ou poiei, oude mia hemera houto de oude makarion kai eudaimona mia hemera oudʼ oligos chronos. perigegraphtho men oun tagathon taute dei gar isos hypotyposai proton, eithʼ hysteron anagrapsai. doxeie dʼ an pantos einai proagagein kai diarthrosai ta kalos echonta te perigraphe, kai ho chronos ton toiouton heuretes e synergos agathos einai hothen kai ton technon gegonasin hai epidoseis pantos gar prostheinai to elleipon. memnesthai de kai ton proeiremenon chre, kai ten akribeian me homoios en hapasin epizetein, allʼ en hekastois kata ten hypokeimenen hylen kai epi tosouton ephʼ hoson oikeion te methodo. kai gar tekton kai geometres diapherontos epizetousi ten orthen ho men gar ephʼ hoson chresime pros to ergon, ho de ti estin e poion ti theates gar talethous. ton auton de tropon kai en tois allois poieteon, hopos me ta parerga ton ergon pleio ginetai. ouk apaiteteon dʼ oude ten aitian en hapasin homoios, allʼ hikanon en tisi to hoti deichthenai kalos, hoion kai peri tas archas
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 7 part 3; bekker 1097b; transliteration: greek-transliteration (build)