Languages

Work 1 · Passage 10

Work 1 · Passage 10

Aristotle

Greek

· τὸ γὰρ τέλειον ἀγαθὸν αὔταρκες εἶναι δοκεῖ. τὸ δʼ αὔταρκες λέγομεν οὐκ αὐτῷ μόνῳ, τῷ ζῶντι βίον μονώτην, ἀλλὰ καὶ γονεῦσι καὶ τέκνοις καὶ γυναικὶ καὶ ὅλως τοῖς φίλοις καὶ πολίταις, ἐπειδὴ φύσει πολιτικὸν ὁ ἄνθρωπος. τούτων δὲ ληπτέος ὅρος τις· ἐπεκτείνοντι γὰρ ἐπὶ τοὺς γονεῖς καὶ τοὺς ἀπογόνους καὶ τῶν φίλων τοὺς φίλους εἰς ἄπειρον πρόεισιν. ἀλλὰ τοῦτο μὲν εἰσαῦθις ἐπισκεπτέον· τὸ δʼ αὔταρκες τίθεμεν ὃ μονούμενον αἱρετὸν ποιεῖ τὸν βίον καὶ μηδενὸς ἐνδεᾶ· τοιοῦτον δὲ τὴν εὐδαιμονίαν οἰόμεθα εἶναι· ἔτι δὲ πάντων αἱρετωτάτην μὴ συναριθμουμένην—συναριθμουμένην δὲ δῆλον ὡς αἱρετωτέραν μετὰ τοῦ ἐλαχίστου τῶν ἀγαθῶν· ὑπεροχὴ γὰρ ἀγαθῶν γίνεται τὸ προστιθέμενον, ἀγαθῶν δὲ τὸ μεῖζον αἱρετώτερον ἀεί. τέλειον δή τι φαίνεται καὶ αὔταρκες ἡ εὐδαιμονία, τῶν πρακτῶν οὖσα τέλος. ἀλλʼ ἴσως τὴν μὲν εὐδαιμονίαν τὸ ἄριστον λέγειν ὁμολογούμενόν τι φαίνεται, ποθεῖται δʼ ἐναργέστερον τί ἐστιν ἔτι λεχθῆναι. τάχα δὴ γένοιτʼ ἂν τοῦτʼ, εἰ ληφθείη τὸ ἔργον τοῦ ἀνθρώπου. ὥσπερ γὰρ αὐλητῇ καὶ ἀγαλματοποιῷ καὶ παντὶ τεχνίτῃ, καὶ ὅλως ὧν ἔστιν ἔργον τι καὶ πρᾶξις, ἐν τῷ ἔργῳ δοκεῖ τἀγαθὸν εἶναι καὶ τὸ εὖ, οὕτω δόξειεν ἂν καὶ ἀνθρώπῳ, εἴπερ ἔστι τι ἔργον αὐτοῦ. πότερον οὖν τέκτονος μὲν καὶ σκυτέως ἔστιν ἔργα τινὰ καὶ πράξεις, ἀνθρώπου δʼ οὐδέν ἐστιν, ἀλλʼ ἀργὸν πέφυκεν; ἢ καθάπερ ὀφθαλμοῦ καὶ χειρὸς καὶ ποδὸς καὶ ὅλως ἑκάστου τῶν μορίων φαίνεταί τι ἔργον, οὕτω καὶ ἀνθρώπου παρὰ πάντα ταῦτα θείη τις ἂν ἔργον τι; τί οὖν δὴ τοῦτʼ ἂν εἴη ποτέ; τὸ μὲν γὰρ ζῆν κοινὸν εἶναι φαίνεται καὶ τοῖς φυτοῖς, ζητεῖται δὲ τὸ ἴδιον. ἀφοριστέον ἄρα τήν τε θρεπτικὴν καὶ τὴν αὐξητικὴν ζωήν. ἑπομένη δὲ αἰσθητική τις ἂν εἴη, φαίνεται δὲ καὶ αὐτὴ κοινὴ καὶ ἵππῳ καὶ βοῒ καὶ παντὶ ζῴῳ. λείπεται δὴ πρακτική τις τοῦ λόγον ἔχοντος

Transliteration

to gar teleion agathon autarkes einai dokei. to dʼ autarkes legomen ouk auto mono, to zonti bion monoten, alla kai goneusi kai teknois kai gynaiki kai holos tois philois kai politais, epeide physei politikon ho anthropos. touton de lepteos horos tis epekteinonti gar epi tous goneis kai tous apogonous kai ton philon tous philous eis apeiron proeisin. alla touto men eisauthis episkepteon to dʼ autarkes tithemen ho monoumenon haireton poiei ton bion kai medenos endea toiouton de ten eudaimonian oiometha einai eti de panton hairetotaten me synarithmoumenen—synarithmoymenen de delon hos hairetoteran meta tou elachistou ton agathon hyperoche gar agathon ginetai to prostithemenon, agathon de to meizon hairetoteron aei. teleion de ti phainetai kai autarkes he eudaimonia, ton prakton ousa telos. allʼ isos ten men eudaimonian to ariston legein homologoumenon ti phainetai, potheitai dʼ enargesteron ti estin eti lechthenai. tacha de genoitʼ an toutʼ, ei lephtheie to ergon tou anthropou. hosper gar aulete kai agalmatopoio kai panti technite, kai holos hon estin ergon ti kai praxis, en to ergo dokei tagathon einai kai to eu, houto doxeien an kai anthropo, eiper esti ti ergon autou. poteron oun tektonos men kai skyteos estin erga tina kai praxeis, anthropou dʼ ouden estin, allʼ argon pephyken; e kathaper ophthalmou kai cheiros kai podos kai holos hekastou ton morion phainetai ti ergon, houto kai anthropou para panta tauta theie tis an ergon ti; ti oun de toutʼ an eie pote; to men gar zen koinon einai phainetai kai tois phytois, zeteitai de to idion. aphoristeon ara ten te threptiken kai ten auxetiken zoen. hepomene de aisthetike tis an eie, phainetai de kai aute koine kai hippo kai boi kai panti zoo. leipetai de praktike tis tou logon echontos

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 7 part 2; bekker 1097b; transliteration: greek-transliteration (build)

Share X Facebook