Work 1 · Passage 13
Aristotle
Greek
σκεπτέον δὲ περὶ αὐτῆς οὐ μόνον ἐκ τοῦ συμπεράσματος καὶ ἐξ ὧν ὁ λόγος, ἀλλὰ καὶ ἐκ τῶν λεγομένων περὶ αὐτῆς· τῷ μὲν γὰρ ἀληθεῖ πάντα συνᾴδει τὰ ὑπάρχοντα, τῷ δὲ ψευδεῖ ταχὺ διαφωνεῖ τἀληθές. νενεμημένων δὴ τῶν ἀγαθῶν τριχῇ, καὶ τῶν μὲν ἐκτὸς λεγομένων τῶν δὲ περὶ ψυχὴν καὶ σῶμα, τὰ περὶ ψυχὴν κυριώτατα λέγομεν καὶ μάλιστα ἀγαθά, τὰς δὲ πράξεις καὶ τὰς ἐνεργείας τὰς ψυχικὰς περὶ ψυχὴν τίθεμεν. ὥστε καλῶς ἂν λέγοιτο κατά γε ταύτην τὴν δόξαν παλαιὰν οὖσαν καὶ ὁμολογουμένην ὑπὸ τῶν φιλοσοφούντων. ὀρθῶς δὲ καὶ ὅτι πράξεις τινὲς λέγονται καὶ ἐνέργειαι τὸ τέλος· οὕτω γὰρ τῶν περὶ ψυχὴν ἀγαθῶν γίνεται καὶ οὐ τῶν ἐκτός. συνᾴδει δὲ τῷ λόγῳ καὶ τὸ εὖ ζῆν καὶ τὸ εὖ πράττειν τὸν εὐδαίμονα· σχεδὸν γὰρ εὐζωία τις εἴρηται καὶ εὐπραξία. φαίνεται δὲ καὶ τὰ ἐπιζητούμενα τὰ περὶ τὴν εὐδαιμονίαν ἅπανθʼ ὑπάρχειν τῷ λεχθέντι. τοῖς μὲν γὰρ ἀρετὴ τοῖς δὲ φρόνησις ἄλλοις δὲ σοφία τις εἶναι δοκεῖ, τοῖς δὲ ταῦτα ἢ τούτων τι μεθʼ ἡδονῆς ἢ οὐκ ἄνευ ἡδονῆς· ἕτεροι δὲ καὶ τὴν ἐκτὸς εὐετηρίαν συμπαραλαμβάνουσιν. τούτων δὲ τὰ μὲν πολλοὶ καὶ παλαιοὶ λέγουσιν, τὰ δὲ ὀλίγοι καὶ ἔνδοξοι ἄνδρες· οὐδετέρους δὲ τούτων εὔλογον διαμαρτάνειν τοῖς ὅλοις, ἀλλʼ ἕν γέ τι ἢ καὶ τὰ πλεῖστα κατορθοῦν. τοῖς μὲν οὖν λέγουσι τὴν ἀρετὴν ἢ ἀρετήν τινα συνῳδός ἐστιν ὁ λόγος· ταύτης γάρ ἐστιν ἡ κατʼ αὐτὴν ἐνέργεια. διαφέρει δὲ ἴσως οὐ μικρὸν ἐν κτήσει ἢ χρήσει τὸ ἄριστον ὑπολαμβάνειν, καὶ ἐν ἕξει ἢ ἐνεργείᾳ. τὴν μὲν γὰρ ἕξιν ἐνδέχεται μηδὲν ἀγαθὸν ἀποτελεῖν ὑπάρχουσαν, οἷον τῷ καθεύδοντι ἢ καὶ ἄλλως πως ἐξηργηκότι, τὴν δʼ ἐνέργειαν οὐχ οἷόν τε
Transliteration
skepteon de peri autes ou monon ek tou symperasmatos kai ex hon ho logos, alla kai ek ton legomenon peri autes to men gar alethei panta synadei ta hyparchonta, to de pseudei tachy diaphonei talethes. nenememenon de ton agathon triche, kai ton men ektos legomenon ton de peri psychen kai soma, ta peri psychen kyriotata legomen kai malista agatha, tas de praxeis kai tas energeias tas psychikas peri psychen tithemen. hoste kalos an legoito kata ge tauten ten doxan palaian ousan kai homologoumenen hypo ton philosophounton. orthos de kai hoti praxeis tines legontai kai energeiai to telos houto gar ton peri psychen agathon ginetai kai ou ton ektos. synadei de to logo kai to eu zen kai to eu prattein ton eudaimona schedon gar euzoia tis eiretai kai eupraxia. phainetai de kai ta epizetoumena ta peri ten eudaimonian hapanthʼ hyparchein to lechthenti. tois men gar arete tois de phronesis allois de sophia tis einai dokei, tois de tauta e touton ti methʼ hedones e ouk aneu hedones heteroi de kai ten ektos eueterian symparalambanousin. touton de ta men polloi kai palaioi legousin, ta de oligoi kai endoxoi andres oudeteroys de touton eulogon diamartanein tois holois, allʼ hen ge ti e kai ta pleista katorthoun. tois men oun legousi ten areten e areten tina synodos estin ho logos tautes gar estin he katʼ auten energeia. diapherei de isos ou mikron en ktesei e chresei to ariston hypolambanein, kai en hexei e energeia. ten men gar hexin endechetai meden agathon apotelein hyparchousan, hoion to katheudonti e kai allos pos exergekoti, ten dʼ energeian ouch hoion te
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 1 section 8 part 1; bekker 1099a; transliteration: greek-transliteration (build)