Languages

Work 1 · Passage 26

Work 1 · Passage 26

Aristotle

Greek

· πάντα γὰρ ὁμοφωνεῖ τῷ λόγῳ. φαίνεται δὴ καὶ τὸ ἄλογον διττόν. τὸ μὲν γὰρ φυτικὸν οὐδαμῶς κοινωνεῖ λόγου, τὸ δʼ ἐπιθυμητικὸν καὶ ὅλως ὀρεκτικὸν μετέχει πως, ᾗ κατήκοόν ἐστιν αὐτοῦ καὶ πειθαρχικόν· οὕτω δὴ καὶ τοῦ πατρὸς καὶ τῶν φίλων φαμὲν ἔχειν λόγον, καὶ οὐχὥσπερ τῶν μαθηματικῶν. ὅτι δὲ πείθεταί πως ὑπὸ λόγου τὸ ἄλογον, μηνύει καὶ ἡ νουθέτησις καὶ πᾶσα ἐπιτίμησίς τε καὶ παράκλησις. εἰ δὲ χρὴ καὶ τοῦτο φάναι λόγον ἔχειν, διττὸν ἔσται καὶ τὸ λόγον ἔχον, τὸ μὲν κυρίως καὶ ἐν αὑτῷ, τὸ δʼ ὥσπερ τοῦ πατρὸς ἀκουστικόν τι. διορίζεται δὲ καὶ ἡ ἀρετὴ κατὰ τὴν διαφορὰν ταύτην· λέγομεν γὰρ αὐτῶν τὰς μὲν διανοητικὰς τὰς δὲ ἠθικάς, σοφίαν μὲν καὶ σύνεσιν καὶ φρόνησιν διανοητικάς, ἐλευθεριότητα δὲ καὶ σωφροσύνην ἠθικάς. λέγοντες γὰρ περὶ τοῦ ἤθους οὐ λέγομεν ὅτι σοφὸς ἢ συνετὸς ἀλλʼ ὅτι πρᾶος ἢ σώφρων· ἐπαινοῦμεν δὲ καὶ τὸν σοφὸν κατὰ τὴν ἕξιν· τῶν ἕξεων δὲ τὰς ἐπαινετὰς ἀρετὰς λέγομεν.

Transliteration

panta gar homophonei to logo. phainetai de kai to alogon ditton. to men gar phytikon oudamos koinonei logou, to dʼ epithymetikon kai holos orektikon metechei pos, he katekoon estin autou kai peitharchikon houto de kai tou patros kai ton philon phamen echein logon, kai houchosper ton mathematikon. hoti de peithetai pos hypo logou to alogon, menyei kai he nouthetesis kai pasa epitimesis te kai paraklesis. ei de chre kai touto phanai logon echein, ditton estai kai to logon echon, to men kyrios kai en hauto, to dʼ hosper tou patros akoustikon ti. diorizetai de kai he arete kata ten diaphoran tauten legomen gar auton tas men dianoetikas tas de ethikas, sophian men kai synesin kai phronesin dianoetikas, eleutherioteta de kai sophrosynen ethikas. legontes gar peri tou ethous ou legomen hoti sophos e synetos allʼ hoti praos e sophron epainoumen de kai ton sophon kata ten hexin ton hexeon de tas epainetas aretas legomen.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 1 section 13 part 3; bekker 1102b; transliteration: greek-transliteration (build)

Share X Facebook