Work 2 · Passage 15
Aristotle
Greek
· τούτου δὲ τὸ μὲν ἐν παιδιᾷ τὸ δʼ ἐν πᾶσι τοῖς κατὰ τὸν βίον. ῥητέον οὖν καὶ περὶ τούτων, ἵνα μᾶλλον κατίδωμεν ὅτι ἐν πᾶσιν ἡ μεσότης ἐπαινετόν, τὰ δʼ ἄκρα οὔτʼ ἐπαινετὰ οὔτʼ ὀρθὰ ἀλλὰ ψεκτά. εἰσὶ μὲν οὖν καὶ τούτων τὰ πλείω ἀνώνυμα, πειρατέον δʼ, ὥσπερ καὶ ἐπὶ τῶν ἄλλων, αὐτοὺς ὀνοματοποιεῖν σαφηνείας ἕνεκα καὶ τοῦ εὐπαρακολουθήτου. περὶ μὲν οὖν τὸ ἀληθὲς ὁ μὲν μέσος ἀληθής τις καὶ ἡ μεσότης ἀλήθεια λεγέσθω, ἡ δὲ προσποίησις ἡ μὲν ἐπὶ τὸ μεῖζον ἀλαζονεία καὶ ὁ ἔχων αὐτὴν ἀλαζών, ἡ δʼ ἐπὶ τὸ ἔλαττον εἰρωνεία καὶ εἴρων ὁ ἔχων. περὶ δὲ τὸ ἡδὺ τὸ μὲν ἐν παιδιᾷ ὁ μὲν μέσος εὐτράπελος καὶ ἡ διάθεσις εὐτραπελία, ἡ δʼ ὑπερβολὴ βωμολοχία καὶ ὁ ἔχων αὐτὴν βωμολόχος, ὁ δʼ ἐλλείπων ἄγροικός τις καὶ ἡ ἕξις ἀγροικία· περὶ δὲ τὸ λοιπὸν ἡδὺ τὸ ἐν τῷ βίῳ ὁ μὲν ὡς δεῖ ἡδὺς ὢν φίλος καὶ ἡ μεσότης φιλία, ὁ δʼ ὑπερβάλλων, εἰ μὲν οὐδενὸς ἕνεκα, ἄρεσκος, εἰ δʼ ὠφελείας τῆς αὑτοῦ, κόλαξ, ὁ δʼ ἐλλείπων καὶ ἐν πᾶσιν ἀηδὴς δύσερίς τις καὶ δύσκολος. εἰσὶ δὲ καὶ ἐν τοῖς παθήμασι καὶ περὶ τὰ πάθη μεσότητες· ἡ γὰρ αἰδὼς ἀρετὴ μὲν οὐκ ἔστιν, ἐπαινεῖται δὲ καὶ ὁ αἰδήμων. καὶ γὰρ ἐν τούτοις ὃ μὲν λέγεται μέσος, ὃ δʼ ὑπερβάλλων, ὡς ὁ καταπλὴξ ὁ πάντα αἰδούμενος· ὁ δʼ ἐλλείπων ἢ μηδὲν ὅλως ἀναίσχυντος, ὁ δὲ μέσος αἰδήμων. νέμεσις δὲ μεσότης φθόνου καὶ ἐπιχαιρεκακίας, εἰσὶ δὲ περὶ λύπην καὶ ἡδονὴν τὰς ἐπὶ τοῖς συμβαίνουσι τοῖς πέλας γινομένας· ὁ μὲν γὰρ νεμεσητικὸς λυπεῖται ἐπὶ τοῖς ἀναξίως εὖ πράττουσιν, ὁ δὲ φθονερὸς ὑπερβάλλων τοῦτον ἐπὶ πᾶσι λυπεῖται, ὁ δʼ ἐπιχαιρέκακος τοσοῦτον ἐλλείπει τοῦ λυπεῖσθαι ὥστε καὶ χαίρειν. ἀλλὰ περὶ μὲν τούτων καὶ ἄλλοθι καιρὸς ἔσται· περὶ δὲ δικαιοσύνης, ἐπεὶ οὐχ ἁπλῶς λέγεται, μετὰ ταῦτα διελόμενοι περὶ ἑκατέρας ἐροῦμεν πῶς μεσότητές εἰσιν
Transliteration
toutoy de to men en paidia to dʼ en pasi tois kata ton bion. rheteon oun kai peri touton, hina mallon katidomen hoti en pasin he mesotes epaineton, ta dʼ akra outʼ epaineta outʼ ortha alla psekta. eisi men oun kai touton ta pleio anonyma, peirateon dʼ, hosper kai epi ton allon, autous onomatopoiein sapheneias heneka kai tou euparakolouthetoy. peri men oun to alethes ho men mesos alethes tis kai he mesotes aletheia legestho, he de prospoiesis he men epi to meizon alazoneia kai ho echon auten alazon, he dʼ epi to elatton eironeia kai eiron ho echon. peri de to hedy to men en paidia ho men mesos eutrapelos kai he diathesis eutrapelia, he dʼ hyperbole bomolochia kai ho echon auten bomolochos, ho dʼ elleipon agroikos tis kai he hexis agroikia peri de to loipon hedy to en to bio ho men hos dei hedys on philos kai he mesotes philia, ho dʼ hyperballon, ei men oudenos heneka, areskos, ei dʼ opheleias tes hautou, kolax, ho dʼ elleipon kai en pasin aedes dyseris tis kai dyskolos. eisi de kai en tois pathemasi kai peri ta pathe mesotetes he gar aidos arete men ouk estin, epaineitai de kai ho aidemon. kai gar en toutois ho men legetai mesos, ho dʼ hyperballon, hos ho kataplex ho panta aidoumenos ho dʼ elleipon e meden holos anaischyntos, ho de mesos aidemon. nemesis de mesotes phthonou kai epichairekakias, eisi de peri lypen kai hedonen tas epi tois symbainousi tois pelas ginomenas ho men gar nemesetikos lypeitai epi tois anaxios eu prattousin, ho de phthoneros hyperballon touton epi pasi lypeitai, ho dʼ epichairekakos tosouton elleipei tou lypeisthai hoste kai chairein. alla peri men touton kai allothi kairos estai peri de dikaiosynes, epei ouch haplos legetai, meta tauta dielomenoi peri hekateras eroumen pos mesotetes eisin
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 2 section 7 part 3; bekker 1107b; transliteration: greek-transliteration (build)