Languages

Work 2 · Passage 14

Work 2 · Passage 14

Aristotle

Greek

· ὡς δʼ ἐλέγομεν ἔχειν πρὸς τὴν μεγαλοπρέπειαν τὴν ἐλευθεριότητα, τῷ περὶ μικρὰ διαφέρουσαν, οὕτως ἔχει τις καὶ πρὸς τὴν μεγαλοψυχίαν, περὶ τιμὴν οὖσαν μεγάλην, αὐτὴ περὶ μικρὰν οὖσα· ἔστι γὰρ ὡς δεῖ ὀρέγεσθαι τιμῆς καὶ μᾶλλον ἢ δεῖ καὶ ἧττον, λέγεται δʼ ὁ μὲν ὑπερβάλλων ταῖς ὀρέξεσι φιλότιμος, ὁ δʼ ἐλλείπων ἀφιλότιμος, ὁ δὲ μέσος ἀνώνυμος. ἀνώνυμοι δὲ καὶ αἱ διαθέσεις, πλὴν ἡ τοῦ φιλοτίμου φιλοτιμία. ὅθεν ἐπιδικάζονται οἱ ἄκροι τῆς μέσης χώρας· καὶ ἡμεῖς δὲ ἔστι μὲν ὅτε τὸν μέσον φιλότιμον καλοῦμεν ἔστι δʼ ὅτε ἀφιλότιμον, καὶ ἔστι μὲν ὅτε ἐπαινοῦμεν τὸν φιλότιμον ἔστι δʼ ὅτε τὸν ἀφιλότιμον. διὰ τίνα δʼ αἰτίαν τοῦτο ποιοῦμεν, ἐν τοῖς ἑξῆς ῥηθήσεται· νῦν δὲ περὶ τῶν λοιπῶν λέγωμεν κατὰ τὸν ὑφηγημένον τρόπον. ἔστι δὲ καὶ περὶ τὴν ὀργὴν ὑπερβολὴ καὶ ἔλλειψις καὶ μεσότης, σχεδὸν δὲ ἀνωνύμων ὄντων αὐτῶν τὸν μέσον πρᾶον λέγοντες τὴν μεσότητα πραότητα καλέσωμεν· τῶν δʼ ἄκρων ὁ μὲν ὑπερβάλλων ὀργίλος ἔστω, ἡ δὲ κακία ὀργιλότης, ὁ δʼ ἐλλείπων ἀόργητός τις, ἡ δʼ ἔλλειψις ἀοργησία. εἰσὶ δὲ καὶ ἄλλαι τρεῖς μεσότητες, ἔχουσαι μέν τινα ὁμοιότητα πρὸς ἀλλήλας, διαφέρουσαι δʼ ἀλλήλων· πᾶσαι μὲν γάρ εἰσι περὶ λόγων καὶ πράξεων κοινωνίαν, διαφέρουσι δὲ ὅτι ἣ μέν ἐστι περὶ τἀληθὲς τὸ ἐν αὐτοῖς, αἳ δὲ περὶ τὸ ἡδύ

Transliteration

hos dʼ elegomen echein pros ten megaloprepeian ten eleutherioteta, to peri mikra diapherousan, houtos echei tis kai pros ten megalopsychian, peri timen ousan megalen, aute peri mikran ousa esti gar hos dei oregesthai times kai mallon e dei kai hetton, legetai dʼ ho men hyperballon tais orexesi philotimos, ho dʼ elleipon aphilotimos, ho de mesos anonymos. anonymoi de kai hai diatheseis, plen he tou philotimou philotimia. hothen epidikazontai hoi akroi tes meses choras kai hemeis de esti men hote ton meson philotimon kaloumen esti dʼ hote aphilotimon, kai esti men hote epainoumen ton philotimon esti dʼ hote ton aphilotimon. dia tina dʼ aitian touto poioumen, en tois hexes rhethesetai nyn de peri ton loipon legomen kata ton hyphegemenon tropon. esti de kai peri ten orgen hyperbole kai elleipsis kai mesotes, schedon de anonymon onton auton ton meson praon legontes ten mesoteta praoteta kalesomen ton dʼ akron ho men hyperballon orgilos esto, he de kakia orgilotes, ho dʼ elleipon aorgetos tis, he dʼ elleipsis aorgesia. eisi de kai allai treis mesotetes, echousai men tina homoioteta pros allelas, diapherousai dʼ allelon pasai men gar eisi peri logon kai praxeon koinonian, diapherousi de hoti he men esti peri talethes to en autois, hai de peri to hedy

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 2 section 7 part 2; bekker 1107b; transliteration: greek-transliteration (build)

Share X Facebook