Work 2 · Passage 17
Aristotle
Greek
τριῶν δὴ διαθέσεων οὐσῶν, δύο μὲν κακιῶν, τῆς μὲν καθʼ ὑπερβολὴν τῆς δὲ κατʼ ἔλλειψιν, μιᾶς δʼ ἀρετῆς τῆς μεσότητος, πᾶσαι πάσαις ἀντίκεινταί πως· αἱ μὲν γὰρ ἄκραι καὶ τῇ μέσῃ καὶ ἀλλήλαις ἐναντίαι εἰσίν, ἡ δὲ μέση ταῖς ἄκραις· ὥσπερ γὰρ τὸ ἴσον πρὸς μὲν τὸ ἔλαττον μεῖζον πρὸς δὲ τὸ μεῖζον ἔλαττον, οὕτως αἱ μέσαι ἕξεις πρὸς μὲν τὰς ἐλλείψεις ὑπερβάλλουσι πρὸς δὲ τὰς ὑπερβολὰς ἐλλείπουσιν ἔν τε τοῖς πάθεσι καὶ ταῖς πράξεσιν. ὁ γὰρ ἀνδρεῖος πρὸς μὲν τὸν δειλὸν θρασὺς φαίνεται, πρὸς δὲ τὸν θρασὺν δειλός· ὁμοίως δὲ καὶ ὁ σώφρων πρὸς μὲν τὸν ἀναίσθητον ἀκόλαστος, πρὸς δὲ τὸν ἀκόλαστον ἀναίσθητος, ὁ δʼ ἐλευθέριος πρὸς μὲν τὸν ἀνελεύθερον ἄσωτος, πρὸς δὲ τὸν ἄσωτον ἀνελεύθερος. διὸ καὶ ἀπωθοῦνται τὸν μέσον οἱ ἄκροι ἑκάτερος πρὸς ἑκάτερον, καὶ καλοῦσι τὸν ἀνδρεῖον ὁ μὲν δειλὸς θρασὺν ὁ δὲ θρασὺς δειλόν, καὶ ἐπὶ τῶν ἄλλων ἀνάλογον. οὕτω δʼ ἀντικειμένων ἀλλήλοις τούτων, πλείστη ἐναντιότης ἐστὶ τοῖς ἄκροις πρὸς ἄλληλα ἢ πρὸς τὸ μέσον· πορρωτέρω γὰρ ταῦτα ἀφέστηκεν ἀλλήλων ἢ τοῦ μέσου, ὥσπερ τὸ μέγα τοῦ μικροῦ καὶ τὸ μικρὸν τοῦ μεγάλου ἢ ἄμφω τοῦ ἴσου. ἔτι πρὸς μὲν τὸ μέσον ἐνίοις ἄκροις ὁμοιότης τις φαίνεται, ὡς τῇ θρασύτητι πρὸς τὴν ἀνδρείαν καὶ τῇ ἀσωτίᾳ πρὸς τὴν ἐλευθεριότητα· τοῖς δὲ ἄκροις πρὸς ἄλληλα πλείστη ἀνομοιότης· τὰ δὲ πλεῖστον ἀπέχοντα ἀπʼ ἀλλήλων ἐναντία ὁρίζονται, ὥστε καὶ μᾶλλον ἐναντία τὰ πλεῖον ἀπέχοντα. πρὸς δὲ τὸ μέσον ἀντίκειται μᾶλλον ἐφʼ ὧν μὲν ἡ ἔλλειψις ἐφʼ ὧν δὲ ἡ ὑπερβολή, οἷον ἀνδρείᾳ μὲν οὐχ ἡ θρασύτης ὑπερβολὴ οὖσα, ἀλλʼ ἡ δειλία ἔλλειψις οὖσα, τῇ δὲ σωφροσύνῃ οὐχ ἡ ἀναισθησία ἔνδεια οὖσα, ἀλλʼ ἡ ἀκολασία ὑπερβολὴ οὖσα. διὰ δύο δʼ αἰτίας τοῦτο συμβαίνει, μίαν μὲν τὴν ἐξ αὐτοῦ τοῦ πράγματος
Transliteration
trion de diatheseon ouson, dyo men kakion, tes men kathʼ hyperbolen tes de katʼ elleipsin, mias dʼ aretes tes mesotetos, pasai pasais antikeintai pos hai men gar akrai kai te mese kai allelais enantiai eisin, he de mese tais akrais hosper gar to ison pros men to elatton meizon pros de to meizon elatton, houtos hai mesai hexeis pros men tas elleipseis hyperballousi pros de tas hyperbolas elleipousin en te tois pathesi kai tais praxesin. ho gar andreios pros men ton deilon thrasys phainetai, pros de ton thrasyn deilos homoios de kai ho sophron pros men ton anaistheton akolastos, pros de ton akolaston anaisthetos, ho dʼ eleutherios pros men ton aneleutheron asotos, pros de ton asoton aneleutheros. dio kai apothountai ton meson hoi akroi hekateros pros hekateron, kai kalousi ton andreion ho men deilos thrasyn ho de thrasys deilon, kai epi ton allon analogon. houto dʼ antikeimenon allelois touton, pleiste enantiotes esti tois akrois pros allela e pros to meson porrhotero gar tauta aphesteken allelon e tou mesou, hosper to mega tou mikrou kai to mikron tou megalou e ampho tou isou. eti pros men to meson eniois akrois homoiotes tis phainetai, hos te thrasyteti pros ten andreian kai te asotia pros ten eleutherioteta tois de akrois pros allela pleiste anomoiotes ta de pleiston apechonta apʼ allelon enantia horizontai, hoste kai mallon enantia ta pleion apechonta. pros de to meson antikeitai mallon ephʼ hon men he elleipsis ephʼ hon de he hyperbole, hoion andreia men ouch he thrasytes hyperbole ousa, allʼ he deilia elleipsis ousa, te de sophrosyne ouch he anaisthesia endeia ousa, allʼ he akolasia hyperbole ousa. dia dyo dʼ aitias touto symbainei, mian men ten ex autou tou pragmatos
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 2 section 8 part 1; bekker 1109a; transliteration: greek-transliteration (build)