Languages

Work 2 · Passage 18

Work 2 · Passage 18

Aristotle

Greek

· τῷ γὰρ ἐγγύτερον εἶναι καὶ ὁμοιότερον τὸ ἕτερον ἄκρον τῷ μέσῳ, οὐ τοῦτο ἀλλὰ τοὐναντίον ἀντιτίθεμεν μᾶλλον· οἷον ἐπεὶ ὁμοιότερον εἶναι δοκεῖ τῇ ἀνδρείᾳ ἡ θρασύτης καὶ ἐγγύτερον, ἀνομοιότερον δʼ ἡ δειλία, ταύτην μᾶλλον ἀντιτίθεμεν· τὰ γὰρ ἀπέχοντα πλεῖον τοῦ μέσου ἐναντιώτερα δοκεῖ εἶναι. μία μὲν οὖν αἰτία αὕτη, ἐξ αὐτοῦ τοῦ πράγματος· ἑτέρα δὲ ἐξ ἡμῶν αὐτῶν· πρὸς ἃ γὰρ αὐτοὶ μᾶλλον πεφύκαμέν πως, ταῦτα μᾶλλον ἐναντία τῷ μέσῳ φαίνεται. οἷον αὐτοὶ μᾶλλον πεφύκαμεν πρὸς τὰς ἡδονάς, διὸ εὐκαταφορώτεροί ἐσμεν πρὸς ἀκολασίαν ἢ πρὸς κοσμιότητα. ταῦτʼ οὖν μᾶλλον ἐναντία λέγομεν, πρὸς ἃ ἡ ἐπίδοσις μᾶλλον γίνεται· καὶ διὰ τοῦτο ἡ ἀκολασία ὑπερβολὴ οὖσα ἐναντιωτέρα ἐστὶ τῇ σωφροσύνῃ.

Transliteration

to gar engyteron einai kai homoioteron to heteron akron to meso, ou touto alla tounantion antitithemen mallon hoion epei homoioteron einai dokei te andreia he thrasytes kai engyteron, anomoioteron dʼ he deilia, tauten mallon antitithemen ta gar apechonta pleion tou mesou enantiotera dokei einai. mia men oun aitia haute, ex autou tou pragmatos hetera de ex hemon auton pros ha gar autoi mallon pephykamen pos, tauta mallon enantia to meso phainetai. hoion autoi mallon pephykamen pros tas hedonas, dio eukataphoroteroi esmen pros akolasian e pros kosmioteta. tautʼ oun mallon enantia legomen, pros ha he epidosis mallon ginetai kai dia touto he akolasia hyperbole ousa enantiotera esti te sophrosyne.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 2 section 8 part 2; bekker 1109a; transliteration: greek-transliteration (build)

Share X Facebook