Work 2 · Passage 19
Aristotle
Greek
ὅτι μὲν οὖν ἐστὶν ἡ ἀρετὴ ἡ ἠθικὴ μεσότης, καὶ πῶς, καὶ ὅτι μεσότης δύο κακιῶν, τῆς μὲν καθʼ ὑπερβολὴν τῆς δὲ κατʼ ἔλλειψιν, καὶ ὅτι τοιαύτη ἐστὶ διὰ τὸ στοχαστικὴ τοῦ μέσου εἶναι τοῦ ἐν τοῖς πάθεσι καὶ ἐν ταῖς πράξεσιν, ἱκανῶς εἴρηται. διὸ καὶ ἔργον ἐστὶ σπουδαῖον εἶναι. ἐν ἑκάστῳ γὰρ τὸ μέσον λαβεῖν ἔργον, οἷον κύκλου τὸ μέσον οὐ παντὸς ἀλλὰ τοῦ εἰδότος· οὕτω δὲ καὶ τὸ μὲν ὀργισθῆναι παντὸς καὶ ῥᾴδιον, καὶ τὸ δοῦναι ἀργύριον καὶ δαπανῆσαι· τὸ δʼ ᾧ καὶ ὅσον καὶ ὅτε καὶ οὗ ἕνεκα καὶ ὥς, οὐκέτι παντὸς οὐδὲ ῥᾴδιον· διόπερ τὸ εὖ καὶ σπάνιον καὶ ἐπαινετὸν καὶ καλόν. διὸ δεῖ τὸν στοχαζόμενον τοῦ μέσου πρῶτον μὲν ἀποχωρεῖν τοῦ μᾶλλον ἐναντίου, καθάπερ καὶ ἡ Καλυψὼ παραινεῖ τῶν γὰρ ἄκρων τὸ μέν ἐστιν ἁμαρτωλότερον τὸ δʼ ἧττον· ἐπεὶ οὖν τοῦ μέσου τυχεῖν ἄκρως χαλεπόν, κατὰ τὸν δεύτερον, φασί, πλοῦν τὰ ἐλάχιστα ληπτέον τῶν κακῶν· τοῦτο δʼ ἔσται μάλιστα τοῦτον τὸν τρόπον ὃν λέγομεν. σκοπεῖν δὲ δεῖ πρὸς ἃ καὶ αὐτοὶ εὐκατάφοροί ἐσμεν· ἄλλοι γὰρ πρὸς ἄλλα πεφύκαμεν· τοῦτο δʼ ἔσται γνώριμον ἐκ τῆς ἡδονῆς καὶ τῆς λύπης τῆς γινομένης περὶ ἡμᾶς. εἰς τοὐναντίον δʼ ἑαυτοὺς ἀφέλκειν δεῖ· πολὺ γὰρ ἀπάγοντες τοῦ ἁμαρτάνειν εἰς τὸ μέσον ἥξομεν, ὅπερ οἱ τὰ διεστραμμένα τῶν ξύλων ὀρθοῦντες ποιοῦσιν. ἐν παντὶ δὲ μάλιστα φυλακτέον τὸ ἡδὺ καὶ τὴν ἡδονήν· οὐ γὰρ ἀδέκαστοι κρίνομεν αὐτήν. ὅπερ οὖν οἱ δημογέροντες ἔπαθον πρὸς τὴν Ἑλένην, τοῦτο δεῖ παθεῖν καὶ ἡμᾶς πρὸς τὴν ἡδονήν, καὶ ἐν πᾶσι τὴν ἐκείνων ἐπιλέγειν φωνήν· οὕτω γὰρ αὐτὴν ἀποπεμπόμενοι ἧττον ἁμαρτησόμεθα. ταῦτʼ οὖν ποιοῦντες, ὡς ἐν κεφαλαίῳ εἰπεῖν, μάλιστα δυνησόμεθα τοῦ μέσου τυγχάνειν. χαλεπὸν δʼ ἴσως τοῦτο, καὶ μάλιστʼ ἐν τοῖς καθʼ ἕκαστον· οὐ γὰρ ῥᾴδιον διορίσαι καὶ πῶς καὶ τίσι καὶ ἐπὶ ποίοις καὶ πόσον χρόνον ὀργιστέον
Transliteration
hoti men oun estin he arete he ethike mesotes, kai pos, kai hoti mesotes dyo kakion, tes men kathʼ hyperbolen tes de katʼ elleipsin, kai hoti toiaute esti dia to stochastike tou mesou einai tou en tois pathesi kai en tais praxesin, hikanos eiretai. dio kai ergon esti spoudaion einai. en hekasto gar to meson labein ergon, hoion kyklou to meson ou pantos alla tou eidotos houto de kai to men orgisthenai pantos kai rhadion, kai to dounai argyrion kai dapanesai to dʼ ho kai hoson kai hote kai hou heneka kai hos, ouketi pantos oude rhadion dioper to eu kai spanion kai epaineton kai kalon. dio dei ton stochazomenon tou mesou proton men apochorein tou mallon enantiou, kathaper kai he Kalypso parainei ton gar akron to men estin hamartoloteron to dʼ hetton epei oun tou mesou tychein akros chalepon, kata ton deuteron, phasi, ploun ta elachista lepteon ton kakon touto dʼ estai malista touton ton tropon hon legomen. skopein de dei pros ha kai autoi eukataphoroi esmen alloi gar pros alla pephykamen touto dʼ estai gnorimon ek tes hedones kai tes lypes tes ginomenes peri hemas. eis tounantion dʼ heautous aphelkein dei poly gar apagontes tou hamartanein eis to meson hexomen, hoper hoi ta diestrammena ton xylon orthountes poiousin. en panti de malista phylakteon to hedy kai ten hedonen ou gar adekastoi krinomen auten. hoper oun hoi demogerontes epathon pros ten hElenen, touto dei pathein kai hemas pros ten hedonen, kai en pasi ten ekeinon epilegein phonen houto gar auten apopempomenoi hetton hamartesometha. tautʼ oun poiountes, hos en kephalaio eipein, malista dynesometha tou mesou tynchanein. chalepon dʼ isos touto, kai malistʼ en tois kathʼ hekaston ou gar rhadion diorisai kai pos kai tisi kai epi poiois kai poson chronon orgisteon
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 2 section 9 part 1; bekker 1109b; transliteration: greek-transliteration (build)