Work 2 · Passage 3
Aristotle
Greek
ἐπεὶ οὖν ἡ παροῦσα πραγματεία οὐ θεωρίας ἕνεκά ἐστιν ὥσπερ αἱ ἄλλαι (οὐ γὰρ ἵνα εἰδῶμεν τί ἐστιν ἡ ἀρετὴ σκεπτόμεθα, ἀλλʼ ἵνʼ ἀγαθοὶ γενώμεθα, ἐπεὶ οὐδὲν ἂν ἦν ὄφελος αὐτῆς), ἀναγκαῖον ἐπισκέψασθαι τὰ περὶ τὰς πράξεις, πῶς πρακτέον αὐτάς· αὗται γάρ εἰσι κύριαι καὶ τοῦ ποιὰς γενέσθαι τὰς ἕξεις, καθάπερ εἰρήκαμεν. τὸ μὲν οὖν κατὰ τὸν ὀρθὸν λόγον πράττειν κοινὸν καὶ ὑποκείσθω—ῥηθήσεται δʼ ὕστερον περὶ αὐτοῦ, καὶ τί ἐστιν ὁ ὀρθὸς λόγος, καὶ πῶς ἔχει πρὸς τὰς ἄλλας ἀρετάς. ἐκεῖνο δὲ προδιομολογείσθω, ὅτι πᾶς ὁ περὶ τῶν πρακτῶν λόγος τύπῳ καὶ οὐκ ἀκριβῶς ὀφείλει λέγεσθαι, ὥσπερ καὶ κατʼ ἀρχὰς εἴπομεν ὅτι κατὰ τὴν ὕλην οἱ λόγοι ἀπαιτητέοι· τὰ δʼ ἐν ταῖς πράξεσι καὶ τὰ συμφέροντα οὐδὲν ἑστηκὸς ἔχει, ὥσπερ οὐδὲ τὰ ὑγιεινά. τοιούτου δʼ ὄντος τοῦ καθόλου λόγου, ἔτι μᾶλλον ὁ περὶ τῶν καθʼ ἕκαστα λόγος οὐκ ἔχει τἀκριβές· οὔτε γὰρ ὑπὸ τέχνην οὔθʼ ὑπὸ παραγγελίαν οὐδεμίαν πίπτει, δεῖ δʼ αὐτοὺς ἀεὶ τοὺς πράττοντας τὰ πρὸς τὸν καιρὸν σκοπεῖν, ὥσπερ καὶ ἐπὶ τῆς ἰατρικῆς ἔχει καὶ τῆς κυβερνητικῆς. ἀλλὰ καίπερ ὄντος τοιούτου τοῦ παρόντος λόγου πειρατέον βοηθεῖν. πρῶτον οὖν τοῦτο θεωρητέον, ὅτι τὰ τοιαῦτα πέφυκεν ὑπʼ ἐνδείας καὶ ὑπερβολῆς φθείρεσθαι, (δεῖ γὰρ ὑπὲρ τῶν ἀφανῶν τοῖς φανεροῖς μαρτυρίοις χρῆσθαι) ὥσπερ ἐπὶ τῆς ἰσχύος καὶ τῆς ὑγιείας ὁρῶμεν· τά τε γὰρ ὑπερβάλλοντα γυμνάσια καὶ τὰ ἐλλείποντα φθείρει τὴν ἰσχύν, ὁμοίως δὲ καὶ τὰ ποτὰ καὶ τὰ σιτία πλείω καὶ ἐλάττω γινόμενα φθείρει τὴν ὑγίειαν, τὰ δὲ σύμμετρα καὶ ποιεῖ καὶ αὔξει καὶ σῴζει. οὕτως οὖν καὶ ἐπὶ σωφροσύνης καὶ ἀνδρείας ἔχει καὶ τῶν ἄλλων ἀρετῶν. ὅ τε γὰρ πάντα φεύγων καὶ φοβούμενος καὶ μηδὲν ὑπομένων δειλὸς γίνεται, ὅ τε μηδὲν ὅλως φοβούμενος ἀλλὰ πρὸς πάντα βαδίζων θρασύς
Transliteration
epei oun he parousa pragmateia ou theorias heneka estin hosper hai allai (ou gar hina eidomen ti estin he arete skeptometha, allʼ hinʼ agathoi genometha, epei ouden an en ophelos autes), anankaion episkepsasthai ta peri tas praxeis, pos prakteon autas hautai gar eisi kyriai kai tou poias genesthai tas hexeis, kathaper eirekamen. to men oun kata ton orthon logon prattein koinon kai hypokeistho—rhethesetai dʼ hysteron peri autou, kai ti estin ho orthos logos, kai pos echei pros tas allas aretas. ekeino de prodiomologeistho, hoti pas ho peri ton prakton logos typo kai ouk akribos opheilei legesthai, hosper kai katʼ archas eipomen hoti kata ten hylen hoi logoi apaiteteoi ta dʼ en tais praxesi kai ta sympheronta ouden hestekos echei, hosper oude ta hygieina. toioutoy dʼ ontos tou katholou logou, eti mallon ho peri ton kathʼ hekasta logos ouk echei takribes oute gar hypo technen outhʼ hypo parangelian oudemian piptei, dei dʼ autous aei tous prattontas ta pros ton kairon skopein, hosper kai epi tes iatrikes echei kai tes kybernetikes. alla kaiper ontos toioutoy tou parontos logou peirateon boethein. proton oun touto theoreteon, hoti ta toiauta pephyken hypʼ endeias kai hyperboles phtheiresthai, (dei gar hyper ton aphanon tois phanerois martyriois chresthai) hosper epi tes ischyos kai tes hygieias horomen ta te gar hyperballonta gymnasia kai ta elleiponta phtheirei ten ischyn, homoios de kai ta pota kai ta sitia pleio kai elatto ginomena phtheirei ten hygieian, ta de symmetra kai poiei kai auxei kai sozei. houtos oun kai epi sophrosynes kai andreias echei kai ton allon areton. ho te gar panta pheugon kai phoboumenos kai meden hypomenon deilos ginetai, ho te meden holos phoboumenos alla pros panta badizon thrasys
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 2 section 2 part 1; bekker 1104a; transliteration: greek-transliteration (build)