Work 2 · Passage 4
Aristotle
Greek
· ὁμοίως δὲ καὶ ὁ μὲν πάσης ἡδονῆς ἀπολαύων καὶ μηδεμιᾶς ἀπεχόμενος ἀκόλαστος, ὁ δὲ πᾶσαν φεύγων, ὥσπερ οἱ ἄγροικοι, ἀναίσθητός τις· φθείρεται δὴ σωφροσύνη καὶ ἡ ἀνδρεία ὑπὸ τῆς ὑπερβολῆς καὶ τῆς ἐλλείψεως, ὑπὸ δὲ τῆς μεσότητος σῴζεται. ἀλλʼ οὐ μόνον αἱ γενέσεις καὶ αὐξήσεις καὶ αἱ φθοραὶ ἐκ τῶν αὐτῶν καὶ ὑπὸ τῶν αὐτῶν γίνονται, ἀλλὰ καὶ αἱ ἐνέργειαι ἐν τοῖς αὐτοῖς ἔσονται· καὶ γὰρ ἐπὶ τῶν ἄλλων τῶν φανερωτέρων οὕτως ἔχει, οἷον ἐπὶ τῆς ἰσχύος· γίνεται γὰρ ἐκ τοῦ πολλὴν τροφὴν λαμβάνειν καὶ πολλοὺς πόνους ὑπομένειν, καὶ μάλιστα ἂν δύναιτʼ αὐτὰ ποιεῖν ὁ ἰσχυρός. οὕτω δʼ ἔχει καὶ ἐπὶ τῶν ἀρετῶν· ἔκ τε γὰρ τοῦ ἀπέχεσθαι τῶν ἡδονῶν γινόμεθα σώφρονες, καὶ γενόμενοι μάλιστα δυνάμεθα ἀπέχεσθαι αὐτῶν· ὁμοίως δὲ καὶ ἐπὶ τῆς ἀνδρείας· ἐθιζόμενοι γὰρ καταφρονεῖν τῶν φοβερῶν καὶ ὑπομένειν αὐτὰ γινόμεθα ἀνδρεῖοι, καὶ γενόμενοι μάλιστα δυνησόμεθα ὑπομένειν τὰ φοβερά.
Transliteration
homoios de kai ho men pases hedones apolauon kai medemias apechomenos akolastos, ho de pasan pheugon, hosper hoi agroikoi, anaisthetos tis phtheiretai de sophrosyne kai he andreia hypo tes hyperboles kai tes elleipseos, hypo de tes mesotetos sozetai. allʼ ou monon hai geneseis kai auxeseis kai hai phthorai ek ton auton kai hypo ton auton ginontai, alla kai hai energeiai en tois autois esontai kai gar epi ton allon ton phaneroteron houtos echei, hoion epi tes ischyos ginetai gar ek tou pollen trophen lambanein kai pollous ponous hypomenein, kai malista an dynaitʼ auta poiein ho ischyros. houto dʼ echei kai epi ton areton ek te gar tou apechesthai ton hedonon ginometha sophrones, kai genomenoi malista dynametha apechesthai auton homoios de kai epi tes andreias ethizomenoi gar kataphronein ton phoberon kai hypomenein auta ginometha andreioi, kai genomenoi malista dynesometha hypomenein ta phobera.
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 2 section 2 part 2; bekker 1104a; transliteration: greek-transliteration (build)