Languages

Work 2 · Passage 7

Work 2 · Passage 7

Aristotle

Greek

ἀπορήσειε δʼ ἄν τις πῶς λέγομεν ὅτι δεῖ τὰ μὲν δίκαια πράττοντας δικαίους γίνεσθαι, τὰ δὲ σώφρονα σώφρονας· εἰ γὰρ πράττουσι τὰ δίκαια καὶ σώφρονα, ἤδη εἰσὶ δίκαιοι καὶ σώφρονες, ὥσπερ εἰ τὰ γραμματικὰ καὶ τὰ μουσικά, γραμματικοὶ καὶ μουσικοί. ἢ οὐδʼ ἐπὶ τῶν τεχνῶν οὕτως ἔχει; ἐνδέχεται γὰρ γραμματικόν τι ποιῆσαι καὶ ἀπὸ τύχης καὶ ἄλλου ὑποθεμένου. τότε οὖν ἔσται γραμματικός, ἐὰν καὶ γραμματικόν τι ποιήσῃ καὶ γραμματικῶς· τοῦτο δʼ ἐστὶ τὸ κατὰ τὴν ἐν αὑτῷ γραμματικήν. ἔτι οὐδʼ ὅμοιόν ἐστιν ἐπί τε τῶν τεχνῶν καὶ τῶν ἀρετῶν· τὰ μὲν γὰρ ὑπὸ τῶν τεχνῶν γινόμενα τὸ εὖ ἔχει ἐν αὑτοῖς· ἀρκεῖ οὖν ταῦτά πως ἔχοντα γενέσθαι· τὰ δὲ κατὰ τὰς ἀρετὰς γινόμενα οὐκ ἐὰν αὐτά πως ἔχῃ, δικαίως ἢ σωφρόνως πράττεται, ἀλλὰ καὶ ἐὰν ὁ πράττων πῶς ἔχων πράττῃ, πρῶτον μὲν ἐὰν εἰδώς, ἔπειτʼ ἐὰν προαιρούμενος, καὶ προαιρούμενος διʼ αὐτά, τὸ δὲ τρίτον ἐὰν καὶ βεβαίως καὶ ἀμετακινήτως ἔχων πράττῃ. ταῦτα δὲ πρὸς μὲν τὸ τὰς ἄλλας τέχνας ἔχειν οὐ συναριθμεῖται, πλὴν αὐτὸ τὸ εἰδέναι· πρὸς δὲ τὸ τὰς ἀρετὰς τὸ μὲν εἰδέναι οὐδὲν ἢ μικρὸν ἰσχύει, τὰ δʼ ἄλλα οὐ μικρὸν ἀλλὰ τὸ πᾶν δύναται, ἅπερ ἐκ τοῦ πολλάκις πράττειν τὰ δίκαια καὶ σώφρονα περιγίνεται. τὰ μὲν οὖν πράγματα δίκαια καὶ σώφρονα λέγεται, ὅταν ᾖ τοιαῦτα οἷα ἂν ὁ δίκαιος ἢ ὁ σώφρων πράξειεν· δίκαιος δὲ καὶ σώφρων ἐστὶν οὐχ ὁ ταῦτα πράττων, ἀλλὰ καὶ οὕτω πράττων ὡς οἱ δίκαιοι καὶ σώφρονες πράττουσιν. εὖ οὖν λέγεται ὅτι ἐκ τοῦ τὰ δίκαια πράττειν ὁ δίκαιος γίνεται καὶ ἐκ τοῦ τὰ σώφρονα ὁ σώφρων

Transliteration

aporeseie dʼ an tis pos legomen hoti dei ta men dikaia prattontas dikaious ginesthai, ta de sophrona sophronas ei gar prattousi ta dikaia kai sophrona, ede eisi dikaioi kai sophrones, hosper ei ta grammatika kai ta mousika, grammatikoi kai mousikoi. e oudʼ epi ton technon houtos echei; endechetai gar grammatikon ti poiesai kai apo tyches kai allou hypothemenou. tote oun estai grammatikos, ean kai grammatikon ti poiese kai grammatikos touto dʼ esti to kata ten en hauto grammatiken. eti oudʼ homoion estin epi te ton technon kai ton areton ta men gar hypo ton technon ginomena to eu echei en hautois arkei oun tauta pos echonta genesthai ta de kata tas aretas ginomena ouk ean auta pos eche, dikaios e sophronos prattetai, alla kai ean ho pratton pos echon pratte, proton men ean eidos, epeitʼ ean proairoumenos, kai proairoumenos diʼ auta, to de triton ean kai bebaios kai ametakinetos echon pratte. tauta de pros men to tas allas technas echein ou synarithmeitai, plen auto to eidenai pros de to tas aretas to men eidenai ouden e mikron ischyei, ta dʼ alla ou mikron alla to pan dynatai, haper ek tou pollakis prattein ta dikaia kai sophrona periginetai. ta men oun pragmata dikaia kai sophrona legetai, hotan e toiauta hoia an ho dikaios e ho sophron praxeien dikaios de kai sophron estin ouch ho tauta pratton, alla kai houto pratton hos hoi dikaioi kai sophrones prattousin. eu oun legetai hoti ek tou ta dikaia prattein ho dikaios ginetai kai ek tou ta sophrona ho sophron

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 2 section 4 part 1; bekker 1105b; transliteration: greek-transliteration (build)

Share X Facebook