Languages

Work 2 · Passage 6

Work 2 · Passage 6

Aristotle

Greek

· κοινή τε γὰρ αὕτη τοῖς ζῴοις, καὶ πᾶσι τοῖς ὑπὸ τὴν αἵρεσιν παρακολουθεῖ· καὶ γὰρ τὸ καλὸν καὶ τὸ συμφέρον ἡδὺ φαίνεται. ἔτι δʼ ἐκ νηπίου πᾶσιν ἡμῖν συντέθραπται· διὸ χαλεπὸν ἀποτρίψασθαι τοῦτο τὸ πάθος ἐγκεχρωσμένον τῷ βίῳ. κανονίζομεν δὲ καὶ τὰς πράξεις, οἳ μὲν μᾶλλον οἳ δʼ ἧττον, ἡδονῇ καὶ λύπῃ. διὰ τοῦτʼ οὖν ἀναγκαῖον εἶναι περὶ ταῦτα τὴν πᾶσαν πραγματείαν· οὐ γὰρ μικρὸν εἰς τὰς πράξεις εὖ ἢ κακῶς χαίρειν καὶ λυπεῖσθαι. ἔτι δὲ χαλεπώτερον ἡδονῇ μάχεσθαι ἢ θυμῷ, καθάπερ φησὶν Ἡράκλειτος, περὶ δὲ τὸ χαλεπώτερον ἀεὶ καὶ τέχνη γίνεται καὶ ἀρετή· καὶ γὰρ τὸ εὖ βέλτιον ἐν τούτῳ. ὥστε καὶ διὰ τοῦτο περὶ ἡδονὰς καὶ λύπας πᾶσα ἡ πραγματεία καὶ τῇ ἀρετῇ καὶ τῇ πολιτικῇ· ὁ μὲν γὰρ εὖ τούτοις χρώμενος ἀγαθὸς ἔσται, ὁ δὲ κακῶς κακός. ὅτι μὲν οὖν ἐστὶν ἡ ἀρετὴ περὶ ἡδονὰς καὶ λύπας, καὶ ὅτι ἐξ ὧν γίνεται, ὑπὸ τούτων καὶ αὔξεται καὶ φθείρεται μὴ ὡσαύτως γινομένων, καὶ ὅτι ἐξ ὧν ἐγένετο, περὶ ταῦτα καὶ ἐνεργεῖ, εἰρήσθω.

Transliteration

koine te gar haute tois zoois, kai pasi tois hypo ten hairesin parakolouthei kai gar to kalon kai to sympheron hedy phainetai. eti dʼ ek nepiou pasin hemin syntethraptai dio chalepon apotripsasthai touto to pathos enkechrosmenon to bio. kanonizomen de kai tas praxeis, hoi men mallon hoi dʼ hetton, hedone kai lype. dia toutʼ oun anankaion einai peri tauta ten pasan pragmateian ou gar mikron eis tas praxeis eu e kakos chairein kai lypeisthai. eti de chalepoteron hedone machesthai e thymo, kathaper phesin hErakleitos, peri de to chalepoteron aei kai techne ginetai kai arete kai gar to eu beltion en touto. hoste kai dia touto peri hedonas kai lypas pasa he pragmateia kai te arete kai te politike ho men gar eu toutois chromenos agathos estai, ho de kakos kakos. hoti men oun estin he arete peri hedonas kai lypas, kai hoti ex hon ginetai, hypo touton kai auxetai kai phtheiretai me hosautos ginomenon, kai hoti ex hon egeneto, peri tauta kai energei, eirestho.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 2 section 3 part 2; bekker 1105a; transliteration: greek-transliteration (build)

Share X Facebook