Languages

Work 2 · Passage 9

Work 2 · Passage 9

Aristotle

Greek

μετὰ δὲ ταῦτα τί ἐστιν ἡ ἀρετὴ σκεπτέον. ἐπεὶ οὖν τὰ ἐν τῇ ψυχῇ γινόμενα τρία ἐστί, πάθη δυνάμεις ἕξεις, τούτων ἄν τι εἴη ἡ ἀρετή. λέγω δὲ πάθη μὲν ἐπιθυμίαν ὀργὴν φόβον θάρσος φθόνον χαρὰν φιλίαν μῖσος πόθον ζῆλον ἔλεον, ὅλως οἷς ἕπεται ἡδονὴ ἢ λύπη· δυνάμεις δὲ καθʼ ἃς παθητικοὶ τούτων λεγόμεθα, οἷον καθʼ ἃς δυνατοὶ ὀργισθῆναι ἢ λυπηθῆναι ἢ ἐλεῆσαι· ἕξεις δὲ καθʼ ἃς πρὸς τὰ πάθη ἔχομεν εὖ ἢ κακῶς, οἷον πρὸς τὸ ὀργισθῆναι, εἰ μὲν σφοδρῶς ἢ ἀνειμένως, κακῶς ἔχομεν, εἰ δὲ μέσως, εὖ· ὁμοίως δὲ καὶ πρὸς τἆλλα. πάθη μὲν οὖν οὐκ εἰσὶν οὔθʼ αἱ ἀρεταὶ οὔθʼ αἱ κακίαι, ὅτι οὐ λεγόμεθα κατὰ τὰ πάθη σπουδαῖοι ἢ φαῦλοι, κατὰ δὲ τὰς ἀρετὰς καὶ τὰς κακίας λεγόμεθα, καὶ ὅτι κατὰ μὲν τὰ πάθη οὔτʼ ἐπαινούμεθα οὔτε ψεγόμεθα (οὐ γὰρ ἐπαινεῖται ὁ φοβούμενος οὐδὲ ὁ ὀργιζόμενος, οὐδὲ ψέγεται ὁ ἁπλῶς ὀργιζόμενος ἀλλʼ ὁ πῶς), κατὰ δὲ τὰς ἀρετὰς καὶ τὰς κακίας ἐπαινούμεθα ἢ ψεγόμεθα. ἔτι ὀργιζόμεθα μὲν καὶ φοβούμεθα ἀπροαιρέτως, αἱ δʼ ἀρεταὶ προαιρέσεις τινὲς ἢ οὐκ ἄνευ προαιρέσεως. πρὸς δὲ τούτοις κατὰ μὲν τὰ πάθη κινεῖσθαι λεγόμεθα, κατὰ δὲ τὰς ἀρετὰς καὶ τὰς κακίας οὐ κινεῖσθαι ἀλλὰ διακεῖσθαί πως. διὰ ταῦτα δὲ οὐδὲ δυνάμεις εἰσίν· οὔτε γὰρ ἀγαθοὶ λεγόμεθα τῷ δύνασθαι πάσχειν ἁπλῶς οὔτε κακοί, οὔτʼ ἐπαινούμεθα οὔτε ψεγόμεθα· ἔτι δυνατοὶ μέν ἐσμεν φύσει, ἀγαθοὶ δὲ ἢ κακοὶ οὐ γινόμεθα φύσει· εἴπομεν δὲ περὶ τούτου πρότερον. εἰ οὖν μήτε πάθη εἰσὶν αἱ ἀρεταὶ μήτε δυνάμεις, λείπεται ἕξεις αὐτὰς εἶναι. ὅ τι μὲν οὖν ἐστὶ τῷ γένει ἡ ἀρετή, εἴρηται.

Transliteration

meta de tauta ti estin he arete skepteon. epei oun ta en te psyche ginomena tria esti, pathe dynameis hexeis, touton an ti eie he arete. lego de pathe men epithymian orgen phobon tharsos phthonon charan philian misos pothon zelon eleon, holos hois hepetai hedone e lype dynameis de kathʼ has pathetikoi touton legometha, hoion kathʼ has dynatoi orgisthenai e lypethenai e eleesai hexeis de kathʼ has pros ta pathe echomen eu e kakos, hoion pros to orgisthenai, ei men sphodros e aneimenos, kakos echomen, ei de mesos, eu homoios de kai pros talla. pathe men oun ouk eisin outhʼ hai aretai outhʼ hai kakiai, hoti ou legometha kata ta pathe spoudaioi e phauloi, kata de tas aretas kai tas kakias legometha, kai hoti kata men ta pathe outʼ epainoumetha oute psegometha (ou gar epaineitai ho phoboumenos oude ho orgizomenos, oude psegetai ho haplos orgizomenos allʼ ho pos), kata de tas aretas kai tas kakias epainoumetha e psegometha. eti orgizometha men kai phoboumetha aproairetos, hai dʼ aretai proaireseis tines e ouk aneu proaireseos. pros de toutois kata men ta pathe kineisthai legometha, kata de tas aretas kai tas kakias ou kineisthai alla diakeisthai pos. dia tauta de oude dynameis eisin oute gar agathoi legometha to dynasthai paschein haplos oute kakoi, outʼ epainoumetha oute psegometha eti dynatoi men esmen physei, agathoi de e kakoi ou ginometha physei eipomen de peri toutoy proteron. ei oun mete pathe eisin hai aretai mete dynameis, leipetai hexeis autas einai. ho ti men oun esti to genei he arete, eiretai.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 2 section 5; bekker 1106a; transliteration: greek-transliteration (build)

Share X Facebook