Work 2 · Passage 10
Aristotle
Greek
δεῖ δὲ μὴ μόνον οὕτως εἰπεῖν, ὅτι ἕξις, ἀλλὰ καὶ ποία τις. ῥητέον οὖν ὅτι πᾶσα ἀρετή, οὗ ἂν ᾖ ἀρετή, αὐτό τε εὖ ἔχον ἀποτελεῖ καὶ τὸ ἔργον αὐτοῦ εὖ ἀποδίδωσιν, οἷον ἡ τοῦ ὀφθαλμοῦ ἀρετὴ τόν τε ὀφθαλμὸν σπουδαῖον ποιεῖ καὶ τὸ ἔργον αὐτοῦ· τῇ γὰρ τοῦ ὀφθαλμοῦ ἀρετῇ εὖ ὁρῶμεν. ὁμοίως ἡ τοῦ ἵππου ἀρετὴ ἵππον τε σπουδαῖον ποιεῖ καὶ ἀγαθὸν δραμεῖν καὶ ἐνεγκεῖν τὸν ἐπιβάτην καὶ μεῖναι τοὺς πολεμίους. εἰ δὴ τοῦτʼ ἐπὶ πάντων οὕτως ἔχει, καὶ ἡ τοῦ ἀνθρώπου ἀρετὴ εἴη ἂν ἡ ἕξις ἀφʼ ἧς ἀγαθὸς ἄνθρωπος γίνεται καὶ ἀφʼ ἧς εὖ τὸ ἑαυτοῦ ἔργον ἀποδώσει. πῶς δὲ τοῦτʼ ἔσται, ἤδη μὲν εἰρήκαμεν, ἔτι δὲ καὶ ὧδʼ ἔσται φανερόν, ἐὰν θεωρήσωμεν ποία τίς ἐστιν ἡ φύσις αὐτῆς. ἐν παντὶ δὴ συνεχεῖ καὶ διαιρετῷ ἔστι λαβεῖν τὸ μὲν πλεῖον τὸ δʼ ἔλαττον τὸ δʼ ἴσον, καὶ ταῦτα ἢ κατʼ αὐτὸ τὸ πρᾶγμα ἢ πρὸς ἡμᾶς· τὸ δʼ ἴσον μέσον τι ὑπερβολῆς καὶ ἐλλείψεως. λέγω δὲ τοῦ μὲν πράγματος μέσον τὸ ἴσον ἀπέχον ἀφʼ ἑκατέρου τῶν ἄκρων, ὅπερ ἐστὶν ἓν καὶ τὸ αὐτὸ πᾶσιν, πρὸς ἡμᾶς δὲ ὃ μήτε πλεονάζει μήτε ἐλλείπει· τοῦτο δʼ οὐχ ἕν, οὐδὲ ταὐτὸν πᾶσιν. οἷον εἰ τὰ δέκα πολλὰ τὰ δὲ δύο ὀλίγα, τὰ ἓξ μέσα λαμβάνουσι κατὰ τὸ πρᾶγμα· ἴσῳ γὰρ ὑπερέχει τε καὶ ὑπερέχεται· τοῦτο δὲ μέσον ἐστὶ κατὰ τὴν ἀριθμητικὴν ἀναλογίαν. τὸ δὲ πρὸς ἡμᾶς οὐχ οὕτω ληπτέον· οὐ γὰρ εἴ τῳ δέκα μναῖ φαγεῖν πολὺ δύο δὲ ὀλίγον, ὁ ἀλείπτης ἓξ μνᾶς προστάξει· ἔστι γὰρ ἴσως καὶ τοῦτο πολὺ τῷ ληψομένῳ ἢ ὀλίγον
Transliteration
dei de me monon houtos eipein, hoti hexis, alla kai poia tis. rheteon oun hoti pasa arete, hou an e arete, auto te eu echon apotelei kai to ergon autou eu apodidosin, hoion he tou ophthalmou arete ton te ophthalmon spoudaion poiei kai to ergon autou te gar tou ophthalmou arete eu horomen. homoios he tou hippou arete hippon te spoudaion poiei kai agathon dramein kai enenkein ton epibaten kai meinai tous polemious. ei de toutʼ epi panton houtos echei, kai he tou anthropou arete eie an he hexis aphʼ hes agathos anthropos ginetai kai aphʼ hes eu to heautou ergon apodosei. pos de toutʼ estai, ede men eirekamen, eti de kai hodʼ estai phaneron, ean theoresomen poia tis estin he physis autes. en panti de synechei kai diaireto esti labein to men pleion to dʼ elatton to dʼ ison, kai tauta e katʼ auto to pragma e pros hemas to dʼ ison meson ti hyperboles kai elleipseos. lego de tou men pragmatos meson to ison apechon aphʼ hekaterou ton akron, hoper estin hen kai to auto pasin, pros hemas de ho mete pleonazei mete elleipei touto dʼ ouch hen, oude tauton pasin. hoion ei ta deka polla ta de dyo oliga, ta hex mesa lambanousi kata to pragma iso gar hyperechei te kai hyperechetai touto de meson esti kata ten arithmetiken analogian. to de pros hemas ouch houto lepteon ou gar ei to deka mnai phagein poly dyo de oligon, ho aleiptes hex mnas prostaxei esti gar isos kai touto poly to lepsomeno e oligon
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 2 section 6 part 1; bekker 1106b; transliteration: greek-transliteration (build)