Languages

Work 3 · Passage 1

Work 3 · Passage 1

Aristotle

Greek

τῆς ἀρετῆς δὴ περὶ πάθη τε καὶ πράξεις οὔσης, καὶ ἐπὶ μὲν τοῖς ἑκουσίοις ἐπαίνων καὶ ψόγων γινομένων, ἐπὶ δὲ τοῖς ἀκουσίοις συγγνώμης, ἐνίοτε δὲ καὶ ἐλέου, τὸ ἑκούσιον καὶ τὸ ἀκούσιον ἀναγκαῖον ἴσως διορίσαι τοῖς περὶ ἀρετῆς ἐπισκοποῦσι, χρήσιμον δὲ καὶ τοῖς νομοθετοῦσι πρός τε τὰς τιμὰς καὶ τὰς κολάσεις. δοκεῖ δὴ ἀκούσια εἶναι τὰ βίᾳ ἢ διʼ ἄγνοιαν γινόμενα· βίαιον δὲ οὗ ἡ ἀρχὴ ἔξωθεν, τοιαύτη οὖσα ἐν ᾗ μηδὲν συμβάλλεται ὁ πράττων ἢ ὁ πάσχων, οἷον εἰ πνεῦμα κομίσαι ποι ἢ ἄνθρωποι κύριοι ὄντες. ὅσα δὲ διὰ φόβον μειζόνων κακῶν πράττεται ἢ διὰ καλόν τι, οἷον εἰ τύραννος προστάττοι αἰσχρόν τι πρᾶξαι κύριος ὢν γονέων καὶ τέκνων, καὶ πράξαντος μὲν σῴζοιντο μὴ πράξαντος δʼ ἀποθνήσκοιεν, ἀμφισβήτησιν ἔχει πότερον ἀκούσιά ἐστιν ἢ ἑκούσια. τοιοῦτον δέ τι συμβαίνει καὶ περὶ τὰς ἐν τοῖς χειμῶσιν ἐκβολάς· ἁπλῶς μὲν γὰρ οὐδεὶς ἀποβάλλεται ἑκών, ἐπὶ σωτηρίᾳ δʼ αὑτοῦ καὶ τῶν λοιπῶν ἅπαντες οἱ νοῦν ἔχοντες. μικταὶ μὲν οὖν εἰσιν αἱ τοιαῦται πράξεις, ἐοίκασι δὲ μᾶλλον ἑκουσίοις· αἱρεταὶ γάρ εἰσι τότε ὅτε πράττονται, τὸ δὲ τέλος τῆς πράξεως κατὰ τὸν καιρόν ἐστιν. καὶ τὸ ἑκούσιον δὴ καὶ τὸ ἀκούσιον, ὅτε πράττει, λεκτέον. πράττει δὲ ἑκών· καὶ γὰρ ἡ ἀρχὴ τοῦ κινεῖν τὰ ὀργανικὰ μέρη ἐν ταῖς τοιαύταις πράξεσιν ἐν αὐτῷ ἐστίν· ὧν δʼ ἐν αὐτῷ ἡ ἀρχή, ἐπʼ αὐτῷ καὶ τὸ πράττειν καὶ μή. ἑκούσια δὴ τὰ τοιαῦτα, ἁπλῶς δʼ ἴσως ἀκούσια· οὐδεὶς γὰρ ἂν ἕλοιτο καθʼ αὑτὸ τῶν τοιούτων οὐδέν. ἐπὶ ταῖς πράξεσι δὲ ταῖς τοιαύταις ἐνίοτε καὶ ἐπαινοῦνται, ὅταν αἰσχρόν τι ἢ λυπηρὸν ὑπομένωσιν ἀντὶ μεγάλων καὶ καλῶν· ἂν δʼ ἀνάπαλιν, ψέγονται

Transliteration

tes aretes de peri pathe te kai praxeis ouses, kai epi men tois hekousiois epainon kai psogon ginomenon, epi de tois akousiois syngnomes, eniote de kai eleou, to hekousion kai to akousion anankaion isos diorisai tois peri aretes episkopousi, chresimon de kai tois nomothetousi pros te tas timas kai tas kolaseis. dokei de akousia einai ta bia e diʼ agnoian ginomena biaion de hou he arche exothen, toiaute ousa en he meden symballetai ho pratton e ho paschon, hoion ei pneuma komisai poi e anthropoi kyrioi ontes. hosa de dia phobon meizonon kakon prattetai e dia kalon ti, hoion ei tyrannos prostattoi aischron ti praxai kyrios on goneon kai teknon, kai praxantos men sozointo me praxantos dʼ apothneskoien, amphisbetesin echei poteron akousia estin e hekousia. toiouton de ti symbainei kai peri tas en tois cheimosin ekbolas haplos men gar oudeis apoballetai hekon, epi soteria dʼ hautou kai ton loipon hapantes hoi noun echontes. miktai men oun eisin hai toiautai praxeis, eoikasi de mallon hekousiois hairetai gar eisi tote hote prattontai, to de telos tes praxeos kata ton kairon estin. kai to hekousion de kai to akousion, hote prattei, lekteon. prattei de hekon kai gar he arche tou kinein ta organika mere en tais toiautais praxesin en auto estin hon dʼ en auto he arche, epʼ auto kai to prattein kai me. hekousia de ta toiauta, haplos dʼ isos akousia oudeis gar an heloito kathʼ hauto ton toiouton ouden. epi tais praxesi de tais toiautais eniote kai epainountai, hotan aischron ti e lyperon hypomenosin anti megalon kai kalon an dʼ anapalin, psegontai

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 1 part 1; bekker 1109b; transliteration: greek-transliteration (build)

Share X Facebook