Languages

Work 3 · Passage 15

Work 3 · Passage 15

Aristotle

Greek

ὅτι μὲν οὖν μεσότης ἐστὶ περὶ φόβους καὶ θάρρη, ἤδη φανερὸν γεγένηται· φοβούμεθα δὲ δῆλον ὅτι τὰ φοβερά, ταῦτα δʼ ἐστὶν ὡς ἁπλῶς εἰπεῖν κακά· διὸ καὶ τὸν φόβον ὁρίζονται προσδοκίαν κακοῦ. φοβούμεθα μὲν οὖν πάντα τὰ κακά, οἷον ἀδοξίαν πενίαν νόσον ἀφιλίαν θάνατον, ἀλλʼ οὐ περὶ πάντα δοκεῖ ὁ ἀνδρεῖος εἶναι· ἔνια γὰρ καὶ δεῖ φοβεῖσθαι καὶ καλόν, τὸ δὲ μὴ αἰσχρόν, οἷον ἀδοξίαν· ὁ μὲν γὰρ φοβούμενος ἐπιεικὴς καὶ αἰδήμων, ὁ δὲ μὴ φοβούμενος ἀναίσχυντος. λέγεται δʼ ὑπό τινων ἀνδρεῖος κατὰ μεταφοράν· ἔχει γάρ τι ὅμοιον τῷ ἀνδρείῳ· ἄφοβος γάρ τις καὶ ὁ ἀνδρεῖος. πενίαν δʼ ἴσως οὐ δεῖ φοβεῖσθαι οὐδὲ νόσον, οὐδʼ ὅλως ὅσα μὴ ἀπὸ κακίας μηδὲ διʼ αὑτόν. ἀλλʼ οὐδʼ ὁ περὶ ταῦτα ἄφοβος ἀνδρεῖος. λέγομεν δὲ καὶ τοῦτον καθʼ ὁμοιότητα· ἔνιοι γὰρ ἐν τοῖς πολεμικοῖς κινδύνοις δειλοὶ ὄντες ἐλευθέριοί εἰσι καὶ πρὸς χρημάτων ἀποβολὴν εὐθαρσῶς ἔχουσιν. οὐδὲ δὴ εἴ τις ὕβριν περὶ παῖδας καὶ γυναῖκα φοβεῖται ἢ φθόνον ἤ τι τῶν τοιούτων, δειλός ἐστιν· οὐδʼ εἰ θαρρεῖ μέλλων μαστιγοῦσθαι, ἀνδρεῖος. περὶ ποῖα οὖν τῶν φοβερῶν ὁ ἀνδρεῖος; ἢ περὶ τὰ μέγιστα; οὐθεὶς γὰρ ὑπομενετικώτερος τῶν δεινῶν. φοβερώτατον δʼ ὁ θάνατος· πέρας γάρ, καὶ οὐδὲν ἔτι τῷ τεθνεῶτι δοκεῖ οὔτʼ ἀγαθὸν οὔτε κακὸν εἶναι. δόξειε δʼ ἂν οὐδὲ περὶ θάνατον τὸν ἐν παντὶ ὁ ἀνδρεῖος εἶναι, οἷον ἐν θαλάττῃ ἢ νόσοις. ἐν τίσιν οὖν; ἢ ἐν τοῖς καλλίστοις; τοιοῦτοι δὲ οἱ ἐν πολέμῳ· ἐν μεγίστῳ γὰρ καὶ καλλίστῳ κινδύνῳ. ὁμόλογοι δὲ τούτοις εἰσὶ καὶ αἱ τιμαὶ αἱ ἐν ταῖς πόλεσι καὶ παρὰ τοῖς μονάρχοις. κυρίως δὴ λέγοιτʼ ἂν ἀνδρεῖος ὁ περὶ τὸν καλὸν θάνατον ἀδεής, καὶ ὅσα θάνατον ἐπιφέρει ὑπόγυια ὄντα· τοιαῦτα δὲ μάλιστα τὰ κατὰ πόλεμον. οὐ μὴν ἀλλὰ καὶ ἐν θαλάττῃ καὶ ἐν νόσοις ἀδεὴς ὁ ἀνδρεῖος, οὐχ οὕτω δὲ ὡς οἱ θαλάττιοι

Transliteration

hoti men oun mesotes esti peri phobous kai tharrhe, ede phaneron gegenetai phoboumetha de delon hoti ta phobera, tauta dʼ estin hos haplos eipein kaka dio kai ton phobon horizontai prosdokian kakou. phoboumetha men oun panta ta kaka, hoion adoxian penian noson aphilian thanaton, allʼ ou peri panta dokei ho andreios einai enia gar kai dei phobeisthai kai kalon, to de me aischron, hoion adoxian ho men gar phoboumenos epieikes kai aidemon, ho de me phoboumenos anaischyntos. legetai dʼ hypo tinon andreios kata metaphoran echei gar ti homoion to andreio aphobos gar tis kai ho andreios. penian dʼ isos ou dei phobeisthai oude noson, oudʼ holos hosa me apo kakias mede diʼ hauton. allʼ oudʼ ho peri tauta aphobos andreios. legomen de kai touton kathʼ homoioteta enioi gar en tois polemikois kindynois deiloi ontes eleutherioi eisi kai pros chrematon apobolen eutharsos echousin. oude de ei tis hybrin peri paidas kai gynaika phobeitai e phthonon e ti ton toiouton, deilos estin oudʼ ei tharrhei mellon mastigousthai, andreios. peri poia oun ton phoberon ho andreios; e peri ta megista; outheis gar hypomenetikoteros ton deinon. phoberotaton dʼ ho thanatos peras gar, kai ouden eti to tethneoti dokei outʼ agathon oute kakon einai. doxeie dʼ an oude peri thanaton ton en panti ho andreios einai, hoion en thalatte e nosois. en tisin oun; e en tois kallistois; toioutoi de hoi en polemo en megisto gar kai kallisto kindyno. homologoi de toutois eisi kai hai timai hai en tais polesi kai para tois monarchois. kyrios de legoitʼ an andreios ho peri ton kalon thanaton adees, kai hosa thanaton epipherei hypoguia onta toiauta de malista ta kata polemon. ou men alla kai en thalatte kai en nosois adees ho andreios, ouch houto de hos hoi thalattioi

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 6 part 1; bekker 1115b; transliteration: greek-transliteration (build)

Share X Facebook