Work 3 · Passage 14
Aristotle
Greek
· ὁμοίως γάρ. κοινῇ μὲν οὖν περὶ τῶν ἀρετῶν εἴρηται ἡμῖν τό τε γένος τύπῳ, ὅτι μεσότητές εἰσιν καὶ ὅτι ἕξεις, ὑφʼ ὧν τε γίνονται, ὅτι τούτων πρακτικαὶ καὶ καθʼ αὑτάς, καὶ ὅτι ἐφʼ ἡμῖν καὶ ἑκούσιοι, καὶ οὕτως ὡς ἂν ὁ ὀρθὸς λόγος προστάξῃ. οὐχ ὁμοίως δὲ αἱ πράξεις ἑκούσιοί εἰσι καὶ αἱ ἕξεις· τῶν μὲν γὰρ πράξεων ἀπʼ ἀρχῆς μέχρι τοῦ τέλους κύριοί ἐσμεν, εἰδότες τὰ καθʼ ἕκαστα, τῶν ἕξεων δὲ τῆς ἀρχῆς, καθʼ ἕκαστα δὲ ἡ πρόσθεσις οὐ γνώριμος, ὥσπερ ἐπὶ τῶν ἀρρωστιῶν· ἀλλʼ ὅτι ἐφʼ ἡμῖν ἦν οὕτως ἢ μὴ οὕτω χρήσασθαι, διὰ τοῦτο ἑκούσιοι. ἀναλαβόντες δὲ περὶ ἑκάστης εἴπωμεν τίνες εἰσὶ καὶ περὶ ποῖα καὶ πῶς· ἅμα δʼ ἔσται δῆλον καὶ πόσαι εἰσίν. καὶ πρῶτον περὶ ἀνδρείας.
Transliteration
homoios gar. koine men oun peri ton areton eiretai hemin to te genos typo, hoti mesotetes eisin kai hoti hexeis, hyphʼ hon te ginontai, hoti touton praktikai kai kathʼ hautas, kai hoti ephʼ hemin kai hekousioi, kai houtos hos an ho orthos logos prostaxe. ouch homoios de hai praxeis hekousioi eisi kai hai hexeis ton men gar praxeon apʼ arches mechri tou telous kyrioi esmen, eidotes ta kathʼ hekasta, ton hexeon de tes arches, kathʼ hekasta de he prosthesis ou gnorimos, hosper epi ton arrhostion allʼ hoti ephʼ hemin en houtos e me houto chresasthai, dia touto hekousioi. analabontes de peri hekastes eipomen tines eisi kai peri poia kai pos hama dʼ estai delon kai posai eisin. kai proton peri andreias.
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 3 section 5 part 4; bekker 1114a; transliteration: greek-transliteration (build)