Languages

Work 3 · Passage 19

Work 3 · Passage 19

Aristotle

Greek

ἔστι μὲν οὖν ἡ ἀνδρεία τοιοῦτόν τι, λέγονται δὲ καὶ ἕτεραι κατὰ πέντε τρόπους· πρῶτον μὲν ἡ πολιτική· μάλιστα γὰρ ἔοικεν. δοκοῦσι γὰρ ὑπομένειν τοὺς κινδύνους οἱ πολῖται διὰ τὰ ἐκ τῶν νόμων ἐπιτίμια καὶ τὰ ὀνείδη καὶ διὰ τὰς τιμάς· καὶ διὰ τοῦτο ἀνδρειότατοι δοκοῦσιν εἶναι παρʼ οἷς οἱ δειλοὶ ἄτιμοι καὶ οἱ ἀνδρεῖοι ἔντιμοι. τοιούτους δὲ καὶ Ὅμηρος ποιεῖ, οἷον τὸν Διομήδην καὶ τὸν Ἕκτορα· καὶ ὡμοίωται δʼ αὕτη μάλιστα τῇ πρότερον εἰρημένῃ, ὅτι διʼ ἀρετὴν γίνεται· διʼ αἰδῶ γὰρ καὶ διὰ καλοῦ ὄρεξιν (τιμῆς γάρ) καὶ φυγὴν ὀνείδους, αἰσχροῦ ὄντος. τάξαι δʼ ἄν τις καὶ τοὺς ὑπὸ τῶν ἀρχόντων ἀναγκαζομένους εἰς ταὐτό· χείρους δʼ, ὅσῳ οὐ διʼ αἰδῶ ἀλλὰ διὰ φόβον αὐτὸ δρῶσι, καὶ φεύγοντες οὐ τὸ αἰσχρὸν ἀλλὰ τὸ λυπηρόν· ἀναγκάζουσι γὰρ οἱ κύριοι, ὥσπερ ὁ Ἕκτωρ καὶ οἱ προστάττοντες, κἂν ἀναχωρῶσι τύπτοντες, τὸ αὐτὸ δρῶσι, καὶ οἱ πρὸ τῶν τάφρων καὶ τῶν τοιούτων παρατάττοντες· πάντες γὰρ ἀναγκάζουσιν. δεῖ δʼ οὐ διʼ ἀνάγκην ἀνδρεῖον εἶναι, ἀλλʼ ὅτι καλόν. δοκεῖ δὲ καὶ ἡ ἐμπειρία ἡ περὶ ἕκαστα ἀνδρεία εἶναι· ὅθεν καὶ ὁ Σωκράτης ᾠήθη ἐπιστήμην εἶναι τὴν ἀνδρείαν. τοιοῦτοι δὲ ἄλλοι μὲν ἐν ἄλλοις, ἐν τοῖς πολεμικοῖς δʼ οἱ στρατιῶται· δοκεῖ γὰρ εἶναι πολλὰ κενὰ τοῦ πολέμου, ἃ μάλιστα συνεωράκασιν οὗτοι· φαίνονται δὴ ἀνδρεῖοι, ὅτι οὐκ ἴσασιν οἱ ἄλλοι οἷά ἐστιν. εἶτα ποιῆσαι καὶ μὴ παθεῖν μάλιστα δύνανται ἐκ τῆς ἐμπειρίας, δυνάμενοι χρῆσθαι τοῖς ὅπλοις καὶ τοιαῦτα ἔχοντες ὁποῖα ἂν εἴη καὶ πρὸς τὸ ποιῆσαι καὶ πρὸς τὸ μὴ παθεῖν κράτιστα· ὥσπερ οὖν ἀνόπλοις ὡπλισμένοι μάχονται καὶ ἀθληταὶ ἰδιώταις

Transliteration

esti men oun he andreia toiouton ti, legontai de kai heterai kata pente tropous proton men he politike malista gar eoiken. dokousi gar hypomenein tous kindynous hoi politai dia ta ek ton nomon epitimia kai ta oneide kai dia tas timas kai dia touto andreiotatoi dokousin einai parʼ hois hoi deiloi atimoi kai hoi andreioi entimoi. toioutoys de kai hOmeros poiei, hoion ton Diomeden kai ton hEktora kai homoiotai dʼ haute malista te proteron eiremene, hoti diʼ areten ginetai diʼ aido gar kai dia kalou orexin (times gar) kai phygen oneidous, aischrou ontos. taxai dʼ an tis kai tous hypo ton archonton anankazomenous eis tauto cheirous dʼ, hoso ou diʼ aido alla dia phobon auto drosi, kai pheugontes ou to aischron alla to lyperon anankazousi gar hoi kyrioi, hosper ho hEktor kai hoi prostattontes, kan anachorosi typtontes, to auto drosi, kai hoi pro ton taphron kai ton toiouton paratattontes pantes gar anankazousin. dei dʼ ou diʼ ananken andreion einai, allʼ hoti kalon. dokei de kai he empeiria he peri hekasta andreia einai hothen kai ho Sokrates oethe epistemen einai ten andreian. toioutoi de alloi men en allois, en tois polemikois dʼ hoi stratiotai dokei gar einai polla kena tou polemou, ha malista syneorakasin houtoi phainontai de andreioi, hoti ouk isasin hoi alloi hoia estin. eita poiesai kai me pathein malista dynantai ek tes empeirias, dynamenoi chresthai tois hoplois kai toiauta echontes hopoia an eie kai pros to poiesai kai pros to me pathein kratista hosper oun anoplois hoplismenoi machontai kai athletai idiotais

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 8 part 1; bekker 1116b; transliteration: greek-transliteration (build)

Share X Facebook