Work 3 · Passage 27
Aristotle
Greek
ἑκουσίῳ δὲ μᾶλλον ἔοικεν ἡ ἀκολασία τῆς δειλίας. ἣ μὲν γὰρ διʼ ἡδονήν, ἣ δὲ διὰ λύπην, ὧν τὸ μὲν αἱρετόν, τὸ δὲ φευκτόν· καὶ ἡ μὲν λύπη ἐξίστησι καὶ φθείρει τὴν τοῦ ἔχοντος φύσιν, ἡ δὲ ἡδονὴ οὐδὲν τοιοῦτο ποιεῖ. μᾶλλον δὴ ἑκούσιον. διὸ καὶ ἐπονειδιστότερον· καὶ γὰρ ἐθισθῆναι ῥᾷον πρὸς αὐτά· πολλὰ γὰρ ἐν τῷ βίῳ τὰ τοιαῦτα, καὶ οἱ ἐθισμοὶ ἀκίνδυνοι, ἐπὶ δὲ τῶν φοβερῶν ἀνάπαλιν. δόξειε δʼ ἂν οὐχ ὁμοίως ἑκούσιον ἡ δειλία εἶναι τοῖς καθʼ ἕκαστον· αὐτὴ μὲν γὰρ ἄλυπος, ταῦτα δὲ διὰ λύπην ἐξίστησιν, ὥστε καὶ τὰ ὅπλα ῥιπτεῖν καὶ τἆλλα ἀσχημονεῖν· διὸ καὶ δοκεῖ βίαια εἶναι. τῷ δʼ ἀκολάστῳ ἀνάπαλιν τὰ μὲν καθʼ ἕκαστα ἑκούσια (ἐπιθυμοῦντι γὰρ καὶ ὀρεγομένῳ), τὸ δʼ ὅλον ἧττον· οὐθεὶς γὰρ ἐπιθυμεῖ ἀκόλαστος εἶναι. τὸ δʼ ὄνομα τῆς ἀκολασίας καὶ ἐπὶ τὰς παιδικὰς ἁμαρτίας φέρομεν· ἔχουσι γάρ τινα ὁμοιότητα. πότερον δʼ ἀπὸ ποτέρου καλεῖται, οὐθὲν πρὸς τὰ νῦν διαφέρει, δῆλον δʼ ὅτι τὸ ὕστερον ἀπὸ τοῦ προτέρου. οὐ κακῶς δʼ ἔοικε μετενηνέχθαι· κεκολάσθαι γὰρ δεῖ τὸ τῶν αἰσχρῶν ὀρεγόμενον καὶ πολλὴν αὔξησιν ἔχον, τοιοῦτον δὲ μάλιστα ἡ ἐπιθυμία καὶ ὁ παῖς· κατʼ ἐπιθυμίαν γὰρ ζῶσι καὶ τὰ παιδία, καὶ μάλιστα ἐν τούτοις ἡ τοῦ ἡδέος ὄρεξις. εἰ οὖν μὴ ἔσται εὐπειθὲς καὶ ὑπὸ τὸ ἄρχον, ἐπὶ πολὺ ἥξει· ἄπληστος γὰρ ἡ τοῦ ἡδέος ὄρεξις καὶ πανταχόθεν τῷ ἀνοήτῳ, καὶ ἡ τῆς ἐπιθυμίας ἐνέργεια αὔξει τὸ συγγενές, κἂν μεγάλαι καὶ σφοδραὶ ὦσι, καὶ τὸν λογισμὸν ἐκκρούουσιν. διὸ δεῖ μετρίας εἶναι αὐτὰς καὶ ὀλίγας, καὶ τῷ λόγῳ μηθὲν ἐναντιοῦσθαι—τὸ δὲ τοιοῦτον εὐπειθὲς λέγομεν καὶ κεκολασμένον—ὥσπερ δὲ τὸν παῖδα δεῖ κατὰ τὸ πρόσταγμα τοῦ παιδαγωγοῦ ζῆν, οὕτω καὶ τὸ ἐπιθυμητικὸν κατὰ τὸν λόγον. διὸ δεῖ τοῦ σώφρονος τὸ ἐπιθυμητικὸν συμφωνεῖν τῷ λόγῳ
Transliteration
hekousio de mallon eoiken he akolasia tes deilias. he men gar diʼ hedonen, he de dia lypen, hon to men haireton, to de pheukton kai he men lype existesi kai phtheirei ten tou echontos physin, he de hedone ouden toiouto poiei. mallon de hekousion. dio kai eponeidistoteron kai gar ethisthenai rhaon pros auta polla gar en to bio ta toiauta, kai hoi ethismoi akindynoi, epi de ton phoberon anapalin. doxeie dʼ an ouch homoios hekousion he deilia einai tois kathʼ hekaston aute men gar alypos, tauta de dia lypen existesin, hoste kai ta hopla rhiptein kai talla aschemonein dio kai dokei biaia einai. to dʼ akolasto anapalin ta men kathʼ hekasta hekousia (epithymounti gar kai oregomeno), to dʼ holon hetton outheis gar epithymei akolastos einai. to dʼ onoma tes akolasias kai epi tas paidikas hamartias pheromen echousi gar tina homoioteta. poteron dʼ apo poterou kaleitai, outhen pros ta nyn diapherei, delon dʼ hoti to hysteron apo tou proterou. ou kakos dʼ eoike metenenechthai kekolasthai gar dei to ton aischron oregomenon kai pollen auxesin echon, toiouton de malista he epithymia kai ho pais katʼ epithymian gar zosi kai ta paidia, kai malista en toutois he tou hedeos orexis. ei oun me estai eupeithes kai hypo to archon, epi poly hexei aplestos gar he tou hedeos orexis kai pantachothen to anoeto, kai he tes epithymias energeia auxei to syngenes, kan megalai kai sphodrai osi, kai ton logismon ekkrouoysin. dio dei metrias einai autas kai oligas, kai to logo methen enantiousthai—to de toiouton eupeithes legomen kai hkekolasmenon—osper de ton paida dei kata to prostagma tou paidagogou zen, houto kai to epithymetikon kata ton logon. dio dei tou sophronos to epithymetikon symphonein to logo
Translation coming soon for this language.
Source edition (provenance)
perseus:tlg0086.tlg010.perseus-grc2; aristotle:ne; book 3 section 12 part 1; bekker 1119b; transliteration: greek-transliteration (build)