Languages

Work 3 · Passage 4

Work 3 · Passage 4

Aristotle

Greek

· καὶ θῖξαι βουλόμενος, ὥσπερ οἱ ἀκροχειριζόμενοι, πατάξειεν ἄν. περὶ πάντα δὴ ταῦτα τῆς ἀγνοίας οὔσης, ἐν οἷς ἡ πρᾶξις, ὁ τούτων τι ἀγνοήσας ἄκων δοκεῖ πεπραχέναι, καὶ μάλιστα ἐν τοῖς κυριωτάτοις· κυριώτατα δʼ εἶναι δοκεῖ ἐν οἷς ἡ πρᾶξις καὶ οὗ ἕνεκα. τοῦ δὴ κατὰ τὴν τοιαύτην ἄγνοιαν ἀκουσίου λεγομένου ἔτι δεῖ τὴν πρᾶξιν λυπηρὰν εἶναι καὶ ἐν μεταμελείᾳ. ὄντος δʼ ἀκουσίου τοῦ βίᾳ καὶ διʼ ἄγνοιαν, τὸ ἑκούσιον δόξειεν ἂν εἶναι οὗ ἡ ἀρχὴ ἐν αὐτῷ εἰδότι τὰ καθʼ ἕκαστα ἐν οἷς ἡ πρᾶξις. ἴσως γὰρ οὐ καλῶς λέγεται ἀκούσια εἶναι τὰ διὰ θυμὸν ἢ ἐπιθυμίαν. πρῶτον μὲν γὰρ οὐδὲν ἔτι τῶν ἄλλων ζῴων ἑκουσίως πράξει, οὐδʼ οἱ παῖδες· εἶτα πότερον οὐδὲν ἑκουσίως πράττομεν τῶν διʼ ἐπιθυμίαν καὶ θυμόν, ἢ τὰ καλὰ μὲν ἑκουσίως τὰ δʼ αἰσχρὰ ἀκουσίως; ἢ γελοῖον ἑνός γε αἰτίου ὄντος; ἄτοπον δὲ ἴσως ἀκούσια φάναι ὧν δεῖ ὀρέγεσθαι· δεῖ δὲ καὶ ὀργίζεσθαι ἐπί τισι καὶ ἐπιθυμεῖν τινῶν, οἷον ὑγιείας καὶ μαθήσεως. δοκεῖ δὲ καὶ τὰ μὲν ἀκούσια λυπηρὰ εἶναι, τὰ δὲ κατʼ ἐπιθυμίαν ἡδέα. ἔτι δὲ τί διαφέρει τῷ ἀκούσια εἶναι τὰ κατὰ λογισμὸν ἢ θυμὸν ἁμαρτηθέντα; φευκτὰ μὲν γὰρ ἄμφω, δοκεῖ δὲ οὐχ ἧττον ἀνθρωπικὰ εἶναι τὰ ἄλογα πάθη, ὥστε καὶ αἱ πράξεις τοῦ ἀνθρώπου αἱ ἀπὸ θυμοῦ καὶ ἐπιθυμίας. ἄτοπον δὴ τὸ τιθέναι ἀκούσια ταῦτα.

Transliteration

kai thixai boulomenos, hosper hoi akrocheirizomenoi, pataxeien an. peri panta de tauta tes agnoias ouses, en hois he praxis, ho touton ti agnoesas akon dokei peprachenai, kai malista en tois kyriotatois kyriotata dʼ einai dokei en hois he praxis kai hou heneka. tou de kata ten toiauten agnoian akousioy legomenou eti dei ten praxin lyperan einai kai en metameleia. ontos dʼ akousioy tou bia kai diʼ agnoian, to hekousion doxeien an einai hou he arche en auto eidoti ta kathʼ hekasta en hois he praxis. isos gar ou kalos legetai akousia einai ta dia thymon e epithymian. proton men gar ouden eti ton allon zoon hekousios praxei, oudʼ hoi paides eita poteron ouden hekousios prattomen ton diʼ epithymian kai thymon, e ta kala men hekousios ta dʼ aischra akousios; e geloion henos ge aitiou ontos; atopon de isos akousia phanai hon dei oregesthai dei de kai orgizesthai epi tisi kai epithymein tinon, hoion hygieias kai matheseos. dokei de kai ta men akousia lypera einai, ta de katʼ epithymian hedea. eti de ti diapherei to akousia einai ta kata logismon e thymon hamartethenta; pheukta men gar ampho, dokei de ouch hetton anthropika einai ta aloga pathe, hoste kai hai praxeis tou anthropou hai apo thymou kai epithymias. atopon de to tithenai akousia tauta.

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 1 part 4; bekker 1109b; transliteration: greek-transliteration (build)

Share X Facebook