Languages

Work 3 · Passage 5

Work 3 · Passage 5

Aristotle

Greek

διωρισμένων δὲ τοῦ τε ἑκουσίου καὶ τοῦ ἀκουσίου, περὶ προαιρέσεως ἕπεται διελθεῖν· οἰκειότατον γὰρ εἶναι δοκεῖ τῇ ἀρετῇ καὶ μᾶλλον τὰ ἤθη κρίνειν τῶν πράξεων. ἡ προαίρεσις δὴ ἑκούσιον μὲν φαίνεται, οὐ ταὐτὸν δέ, ἀλλʼ ἐπὶ πλέον τὸ ἑκούσιον· τοῦ μὲν γὰρ ἑκουσίου καὶ παῖδες καὶ τἆλλα ζῷα κοινωνεῖ, προαιρέσεως δʼ οὔ, καὶ τὰ ἐξαίφνης ἑκούσια μὲν λέγομεν, κατὰ προαίρεσιν δʼ οὔ. οἱ δὲ λέγοντες αὐτὴν ἐπιθυμίαν ἢ θυμὸν ἢ βούλησιν ἤ τινα δόξαν οὐκ ἐοίκασιν ὀρθῶς λέγειν. οὐ γὰρ κοινὸν ἡ προαίρεσις καὶ τῶν ἀλόγων, ἐπιθυμία δὲ καὶ θυμός. καὶ ὁ ἀκρατὴς ἐπιθυμῶν μὲν πράττει, προαιρούμενος δʼ οὔ· ὁ ἐγκρατὴς δʼ ἀνάπαλιν προαιρούμενος μέν, ἐπιθυμῶν δʼ οὔ. καὶ προαιρέσει μὲν ἐπιθυμία ἐναντιοῦται, ἐπιθυμία δʼ ἐπιθυμίᾳ οὔ. καὶ ἡ μὲν ἐπιθυμία ἡδέος καὶ ἐπιλύπου, ἡ προαίρεσις δʼ οὔτε λυπηροῦ οὔθʼ ἡδέος. θυμὸς δʼ ἔτι ἧττον· ἥκιστα γὰρ τὰ διὰ θυμὸν κατὰ προαίρεσιν εἶναι δοκεῖ. ἀλλὰ μὴν οὐδὲ βούλησίς γε, καίπερ σύνεγγυς φαινόμενον· προαίρεσις μὲν γὰρ οὐκ ἔστι τῶν ἀδυνάτων, καὶ εἴ τις φαίη προαιρεῖσθαι, δοκοίη ἂν ἠλίθιος εἶναι· βούλησις δʼ ἐστὶ καὶ τῶν ἀδυνάτων, οἷον ἀθανασίας. καὶ ἡ μὲν βούλησίς ἐστι καὶ περὶ τὰ μηδαμῶς διʼ αὑτοῦ πραχθέντα ἄν, οἷον ὑποκριτήν τινα νικᾶν ἢ ἀθλητήν· προαιρεῖται δὲ τὰ τοιαῦτα οὐδείς, ἀλλʼ ὅσα οἴεται γενέσθαι ἂν διʼ αὑτοῦ. ἔτι δʼ ἡ μὲν βούλησις τοῦ τέλους ἐστὶ μᾶλλον, ἡ δὲ προαίρεσις τῶν πρὸς τὸ τέλος, οἷον ὑγιαίνειν βουλόμεθα, προαιρούμεθα δὲ διʼ ὧν ὑγιανοῦμεν, καὶ εὐδαιμονεῖν βουλόμεθα μὲν καὶ φαμέν, προαιρούμεθα δὲ λέγειν οὐχ ἁρμόζει· ὅλως γὰρ ἔοικεν ἡ προαίρεσις περὶ τὰ ἐφʼ ἡμῖν εἶναι. οὐδὲ δὴ δόξα ἂν εἴη· ἡ μὲν γὰρ δόξα δοκεῖ περὶ πάντα εἶναι, καὶ οὐδὲν ἧττον περὶ τὰ ἀίδια καὶ τὰ ἀδύνατα ἢ τὰ ἐφʼ ἡμῖν

Transliteration

diorismenon de tou te hekousioy kai tou akousioy, peri proaireseos hepetai dielthein oikeiotaton gar einai dokei te arete kai mallon ta ethe krinein ton praxeon. he proairesis de hekousion men phainetai, ou tauton de, allʼ epi pleon to hekousion tou men gar hekousioy kai paides kai talla zoa koinonei, proaireseos dʼ ou, kai ta exaiphnes hekousia men legomen, kata proairesin dʼ ou. hoi de legontes auten epithymian e thymon e boulesin e tina doxan ouk eoikasin orthos legein. ou gar koinon he proairesis kai ton alogon, epithymia de kai thymos. kai ho akrates epithymon men prattei, proairoumenos dʼ ou ho enkrates dʼ anapalin proairoumenos men, epithymon dʼ ou. kai proairesei men epithymia enantioutai, epithymia dʼ epithymia ou. kai he men epithymia hedeos kai epilypou, he proairesis dʼ oute lyperou outhʼ hedeos. thymos dʼ eti hetton hekista gar ta dia thymon kata proairesin einai dokei. alla men oude boulesis ge, kaiper synengys phainomenon proairesis men gar ouk esti ton adynaton, kai ei tis phaie proaireisthai, dokoie an elithios einai boulesis dʼ esti kai ton adynaton, hoion athanasias. kai he men boulesis esti kai peri ta medamos diʼ hautou prachthenta an, hoion hypokriten tina nikan e athleten proaireitai de ta toiauta oudeis, allʼ hosa oietai genesthai an diʼ hautou. eti dʼ he men boulesis tou telous esti mallon, he de proairesis ton pros to telos, hoion hygiainein boulometha, proairoumetha de diʼ hon hygianoumen, kai eudaimonein boulometha men kai phamen, proairoumetha de legein ouch harmozei holos gar eoiken he proairesis peri ta ephʼ hemin einai. oude de doxa an eie he men gar doxa dokei peri panta einai, kai ouden hetton peri ta aidia kai ta adynata e ta ephʼ hemin

Translation coming soon for this language.

Source edition (provenance)

perseus:tlg0086.tlg010.perseus-grc2; aristotle:ne; book 3 section 2 part 1; bekker 1112a; transliteration: greek-transliteration (build)

Share X Facebook