Languages

Work 1 · Passage 14

Work 1 · Passage 14

Plato

Greek

ἀλλὰ μὴν στρατοπέδου γε ὁ αὐτὸς φύλαξ ἀγαθός, ὅσπερ καὶ τὰ τῶν πολεμίων κλέψαι καὶ βουλεύματα καὶ τὰς ἄλλας πράξεις; πάνυ γε. ὅτου τις ἄρα δεινὸς φύλαξ, τούτου καὶ φὼρ δεινός. ἔοικεν. εἰ ἄρα ὁ δίκαιος ἀργύριον δεινὸς φυλάττειν, καὶ κλέπτειν δεινός. ὡς γοῦν ὁ λόγος, ἔφη, σημαίνει. κλέπτης ἄρα τις ὁ δίκαιος, ὡς ἔοικεν, ἀναπέφανται, καὶ κινδυνεύεις παρʼ Ὁμήρου μεμαθηκέναι αὐτό· καὶ γὰρ ἐκεῖνος τὸν τοῦ Ὀδυσσέως πρὸς μητρὸς πάππον Αὐτόλυκον ἀγαπᾷ τε καί φησιν αὐτὸν πάντας ἀνθρώπους κεκάσθαι κλεπτοσύνῃ θʼ ὅρκῳ τε Hom. Od. 19.395 . ἔοικεν οὖν ἡ δικαιοσύνη καὶ κατὰ σὲ καὶ καθʼ Ὅμηρον καὶ κατὰ Σιμωνίδην κλεπτική τις εἶναι, ἐπʼ ὠφελίᾳ μέντοι τῶν φίλων καὶ ἐπὶ βλάβῃ τῶν ἐχθρῶν. οὐχ οὕτως ἔλεγες; οὐ μὰ τὸν Δίʼ, ἔφη, ἀλλʼ οὐκέτι οἶδα ἔγωγε ὅτι ἔλεγον· τοῦτο μέντοι ἔμοιγε δοκεῖ ἔτι, ὠφελεῖν μὲν τοὺς φίλους ἡ δικαιοσύνη, βλάπτειν δὲ τοὺς ἐχθρούς. φίλους δὲ λέγεις εἶναι πότερον τοὺς δοκοῦντας ἑκάστῳ χρηστοὺς εἶναι, ἢ τοὺς ὄντας, κἂν μὴ δοκῶσι, καὶ ἐχθροὺς ὡσαύτως; εἰκὸς μέν, ἔφη, οὓς ἄν τις ἡγῆται χρηστοὺς φιλεῖν, οὓς δʼ ἂν πονηροὺς μισεῖν. ἆρʼ οὖν οὐχ ἁμαρτάνουσιν οἱ ἄνθρωποι περὶ τοῦτο, ὥστε δοκεῖν αὐτοῖς πολλοὺς μὲν χρηστοὺς εἶναι μὴ ὄντας, πολλοὺς δὲ τοὐναντίον; ἁμαρτάνουσιν. τούτοις ἄρα οἱ μὲν ἀγαθοὶ ἐχθροί, οἱ δὲ κακοὶ φίλοι; πάνυ γε. ἀλλʼ ὅμως δίκαιον τότε τούτοις τοὺς μὲν πονηροὺς ὠφελεῖν, τοὺς δὲ ἀγαθοὺς βλάπτειν; φαίνεται. ἀλλὰ μὴν οἵ γε ἀγαθοὶ δίκαιοί τε καὶ οἷοι μὴ ἀδικεῖν; ἀληθῆ. κατὰ δὴ τὸν σὸν λόγον τοὺς μηδὲν ἀδικοῦντας δίκαιον κακῶς ποιεῖν. μηδαμῶς, ἔφη, ὦ Σώκρατες

Transliteration

alla mēn stratopedou ge ho autos phylax agathos, hosper kai ta tōn polemiōn klepsai kai bouleumata kai tas allas praxeis; pany ge. hotou tis ara deinos phylax, toutoy kai phōr deinos. eoiken. ei ara ho dikaios argyrion deinos phylattein, kai kleptein deinos. hōs goun ho logos, ephē, sēmainei. kleptēs ara tis ho dikaios, hōs eoiken, anapephantai, kai kindyneueis parʼ hOmērou memathēkenai auto kai gar ekeinos ton tou Odysseōs pros mētros pappon Aytolykon agapa te kai phēsin auton pantas anthrōpous kekasthai kleptosynē thʼ horkō te Hom. Od. 19.395 . eoiken oun hē dikaiosynē kai kata se kai kathʼ hOmēron kai kata Simōnidēn kleptikē tis einai, epʼ ōphelia mentoi tōn philōn kai epi blabē tōn echthrōn. ouch houtōs eleges; ou ma ton Diʼ, ephē, allʼ ouketi oida egōge hoti elegon touto mentoi emoige dokei eti, ōphelein men tous philous hē dikaiosynē, blaptein de tous echthrous. philous de legeis einai poteron tous dokountas hekastō chrēstous einai, ē tous ontas, kan mē dokōsi, kai echthrous hōsautōs; eikos men, ephē, hous an tis hēgētai chrēstous philein, hous dʼ an ponērous misein. arʼ oun ouch hamartanousin hoi anthrōpoi peri touto, hōste dokein autois pollous men chrēstous einai mē ontas, pollous de tounantion; hamartanousin. toutois ara hoi men agathoi echthroi, hoi de kakoi philoi; pany ge. allʼ homōs dikaion tote toutois tous men ponērous ōphelein, tous de agathous blaptein; phainetai. alla mēn hoi ge agathoi dikaioi te kai hoioi mē adikein; alēthē. kata dē ton son logon tous mēden adikountas dikaion kakōs poiein. mēdamōs, ephē, ō Sōkrates

Translation coming soon for this language.

Source edition (provenance)

perseus:tlg0059.tlg030.perseus-grc2; plato:rep; section 334 part 1; transliteration: greek-transliteration (build)

Share X Facebook