Work 1 · Passage 15
Plato
Greek
· πονηρὸς γὰρ ἔοικεν εἶναι ὁ λόγος. τοὺς ἀδίκους ἄρα, ἦν δʼ ἐγώ, δίκαιον βλάπτειν, τοὺς δὲ δικαίους ὠφελεῖν; οὗτος ἐκείνου καλλίων φαίνεται. πολλοῖς ἄρα, ὦ Πολέμαρχε, συμβήσεται, ὅσοι διημαρτήκασιν τῶν ἀνθρώπων, δίκαιον εἶναι τοὺς μὲν φίλους βλάπτειν—πονηροὶ γὰρ αὐτοῖς εἰσιν—τοὺς δʼ ἐχθροὺς ὠφελεῖν —ἀγαθοὶ γάρ· καὶ οὕτως ἐροῦμεν αὐτὸ τοὐναντίον ἢ τὸν Σιμωνίδην ἔφαμεν λέγειν. καὶ μάλα, ἔφη, οὕτω συμβαίνει. ἀλλὰ μεταθώμεθα· κινδυνεύομεν γὰρ οὐκ ὀρθῶς τὸν φίλον καὶ ἐχθρὸν θέσθαι. πῶς θέμενοι, ὦ Πολέμαρχε; τὸν δοκοῦντα χρηστόν, τοῦτον φίλον εἶναι. νῦν δὲ πῶς, ἦν δʼ ἐγώ, μεταθώμεθα;
Transliteration
ponēros gar eoiken einai ho logos. tous adikous ara, ēn dʼ egō, dikaion blaptein, tous de dikaious ōphelein; houtos ekeinou kalliōn phainetai. pollois ara, ō Polemarche, symbēsetai, hosoi diēmartēkasin tōn anthrōpōn, dikaion einai tous men philous blaptein—ponēroi gar autois eisin—tous dʼ echthrous ōphelein —agathoi gar kai houtōs eroumen auto tounantion ē ton Simōnidēn ephamen legein. kai mala, ephē, houtō symbainei. alla metathōmetha kindyneuomen gar ouk orthōs ton philon kai echthron thesthai. pōs themenoi, ō Polemarche; ton dokounta chrēston, touton philon einai. nyn de pōs, ēn dʼ egō, metathōmetha;
Translation coming soon for this language.
Source edition (provenance)
perseus:tlg0059.tlg030.perseus-grc2; plato:rep; section 334 part 2; transliteration: greek-transliteration (build)